أحمد الغافري
11-09-2007, 10:49 AM
قصيدتي...بعنوان...:
(جونو ..... دياري المعبيلة )
هزّت خفوقي صيحة الرعد بالليل = ولى زاد خوفي يوم حدّر مطرها
الناس تفرح لى تبادالها السيل = وعمان عدّت عِدّة اللي حذرها
تبيان لسباب مب تحتاج تعليل = ربك قضى جونو وربك سترها
والحين أحوّل عنها دون تحليل = صوب الديار اللي جفاني خطرها
ديار خِلّي والمدح (ف) الزين تقليل = ما عاد يخفى عن لبيبٍ ٍخبرها
(السيب) قصدي جنوبها دون تعديل = (معبيلة) اللي من عيوني نظرها
ماهي بعيدة والخطر قربها بميل = (للخوض ) سدٍّ إن تعاظم , بحرها
هج (بالموالح ) أمنها واسأل ( الحيل ) = عن لي لفاها يوم جونو غدرها
والباقيات اللي سمعنا بها الويل = (صور) العفية والمراسي طمرها
و (العامرات ) و (القرم ) زايد بها الكيل = وذي بلايا (قريات ) ياهي كبرها
وقل (للعذيبة )حذاري تامن السيل = و (الغبرة ) اللي يا عضيدي غبرها
أستغفر الله إن مالت دروبي ميل = هذا قضى مكتوب وهذا قدرها
هذا إبتلا ربي , خلّينا من القيل = ومن يامن المولى ويعصي , خسرها
ومن يكتفي بالشك , يركب على الذيل = هذاك عذر الذي يبغي عذرها
يارب غفرانك , ترا هدّت بيا الحيل = هذي الذنوب اللي شقاني أمرها
وأسألك بالشعرى يارب وسهيل = تحفظ بلادي من خفايا شررها
وتحفظ لنا قابوس الفارس الحلحيل = لي صيّر بلاده تسابق دهرها
مع لقاء آخر وقصيدة أخرى , لقاءنا يتجدد .
(جونو ..... دياري المعبيلة )
هزّت خفوقي صيحة الرعد بالليل = ولى زاد خوفي يوم حدّر مطرها
الناس تفرح لى تبادالها السيل = وعمان عدّت عِدّة اللي حذرها
تبيان لسباب مب تحتاج تعليل = ربك قضى جونو وربك سترها
والحين أحوّل عنها دون تحليل = صوب الديار اللي جفاني خطرها
ديار خِلّي والمدح (ف) الزين تقليل = ما عاد يخفى عن لبيبٍ ٍخبرها
(السيب) قصدي جنوبها دون تعديل = (معبيلة) اللي من عيوني نظرها
ماهي بعيدة والخطر قربها بميل = (للخوض ) سدٍّ إن تعاظم , بحرها
هج (بالموالح ) أمنها واسأل ( الحيل ) = عن لي لفاها يوم جونو غدرها
والباقيات اللي سمعنا بها الويل = (صور) العفية والمراسي طمرها
و (العامرات ) و (القرم ) زايد بها الكيل = وذي بلايا (قريات ) ياهي كبرها
وقل (للعذيبة )حذاري تامن السيل = و (الغبرة ) اللي يا عضيدي غبرها
أستغفر الله إن مالت دروبي ميل = هذا قضى مكتوب وهذا قدرها
هذا إبتلا ربي , خلّينا من القيل = ومن يامن المولى ويعصي , خسرها
ومن يكتفي بالشك , يركب على الذيل = هذاك عذر الذي يبغي عذرها
يارب غفرانك , ترا هدّت بيا الحيل = هذي الذنوب اللي شقاني أمرها
وأسألك بالشعرى يارب وسهيل = تحفظ بلادي من خفايا شررها
وتحفظ لنا قابوس الفارس الحلحيل = لي صيّر بلاده تسابق دهرها
مع لقاء آخر وقصيدة أخرى , لقاءنا يتجدد .