\\لابس==البرجع\\

[ابو مشعل]

سحرني لابس البرجع= سحرني بية عيونه

لا مشى جا يتبختر=من الدلع يمشي على هونه

فاتني الخضاب بالاصبع = والخاتم على كف من لونه

مبسمه كالورد بل أحلى = وخصلتيه تحجب جفونه

والشعر ليل الدجى المظلم=لانسدل وطاح ع متونه

أشرلي بطرفه وودع= والمكان أظلم بكونه

جلتله بالروف سيدي اصبر =ارحم حبيب(ن) هلت مزونه

جال عاللجى صاحبي برجع=في مكان حلو يوصفونه

في بدية الملتجى ربي= عند خل(ن) حلوة عيونه

فديت أنا لابس البرجع =من بدية لين بينونة

[أنور السيفي]

الغالي ابو مشعل كانت هُنا قصيده
عسى ماشرّ اخوي،وليش حذفتها؟
انا في شوق للقاء هذه الفاتنه التي اختفت
دمت بخيرّ سيدي
احترامي اخوك انور

[ابو مشعل]

مرحبا أخوي أنور

أنا أدرجت القصيدة لكن ما أعرف سبب الحذف

شكرا على مرورك الغالي

[رضوان الهاشمي]

بدايه اهنيك على هذي الابيات وتحيه لك


الابيات مب محذوفه فقط انت ماضبط معك الخلفيه لو سويت تعديل في نفس الوقت



والشعر ليل الدجى المظلـم
لانسدل وطـاح ع متونـه



جميل وصفك جميله هي حروفك...


لك توصيف رائع فأبدع فيه بأكثر ....من مره...لكي تنال قصيدتك بهاءا اكبر


فديت أنا لابـس البرجـع
مـن بديـة ليـن بينونـة


من بديه لين بينونه ......رائع



دمت ابداعااا...


وخالص الود...لك......

[عباس المسكري]

http://www.yusefmarket.com/jawal/418.gif

ابو مشعل

صح لسانك و على شانك

أبدعت يا مبدعنا

بارك الله فيك

عباس المسكري

[ابو مشعل]

مرحبا أخوي عباس

أحيي تواجدك الدائم

وهذا من طيب أصلك عزيزي

وأنت معلمنا

حياك الله الغالي

[سعد العشيره]

تشكر على الابيات المتواضعه

[أنور السيفي]

الغالي ابو مشعل
عدت من جديد وجميله هيّ حروفك
لاهنت
ونحن في حاجة النقدّ اكثرّ من الاطراء لانه شبعنا واكيد مثلنا
شبعت من صحّ لسانك ولاهنت ومافيك حيله
كلنا نسعى الى الافضل
عسى صدرك رحب لتواجدي،
والسموحه منك
بس لاحظت انه القافيه في الشطرّ الاولّ غير ثابته
فياليت تكون نفس القافيه بالعين المشددّه
واما الوزن اختلّ معك
والمرسى الحقيقي للقصيده الوزن والقافيه\
فالسموحه منك
دمت بخيرّ واتمنى لك التوفيق دائما ً
اخوك انور

[دمعة حزن]

صح السانك يا بو مشعل وما عليك زود

والوزن والقافيه عندك مضبوطه
وما فيك حيله يا الغـــــــــــــــــــــــالي

[حمود المعمري]

~*¤ô§ô¤*~الله عليك

ابيات روووعه

وصف حنكي متعمق في المقصوود

دخل به شاعرنا وجاد الوصف


ااحييك على هذا الحنكيه الرائعه


صح لسانك

ودمت بالف خير~*¤ô§ô¤*~

[ابو مشعل]

صح الله بدانكم الغالين وأشكركم على المرور الطيب

ان شاء الله أرضيت الجميع

[م ح م د]

سحرني لابس البرجع= سحرني بية عيونه

لا مشى جا يتبختر=من الدلع يمشي على هونه

فاتني الخضاب بالاصبع = والخاتم على كف من لونه

مبسمه كالورد بل أحلى = وخصلتيه تحجب جفونه

والشعر ليل الدجى المظلم=لانسدل وطاح ع متونه

أشرلي بطرفه وودع= والمكان أظلم بكونه

جلتله بالروف سيدي اصبر =ارحم حبيب(ن) هلت مزونه

جال عاللجى صاحبي برجع=في مكان حلو يوصفونه

في بدية الملتجى ربي= عند خل(ن) حلوة عيونه

فديت أنا لابس البرجع =من بدية لين بينونة




لاهنت يالشاعر..

ابيات جميلة ..

(( ما هقيت ان البراقع يفتنني
لين شفت ظبى النفود امبر قعاتي))


تحياتي لك.. م ح م د البلوشي.