اهلا هلا / وطنية

[بحر الغضب]

هلا هلا بالعيد ثمنية وثلاثين
عيد الوطن ودار تزهى بالأعجاب

ياسيدي مبروك جينا مهنين
تستاهل الأفراح وسعد بك طاب

ياسيدي قابوس من عام سبعين
نشكر جزا الله من جيتنا شاب

وأسست دولتنا على شرع ودين
وخليتنا قاده على كل الأقطاب

توقف كما الضرغام بين الميامين
ومن نظرتك تنهار وتذيب الأعصاب

أنته البدر واضح بليا براهين
نورك غشى الباقين ولو يلبسوا حْجاب

ياسيدي خطيت بيسار ويمين
تنبيه والواشي يوقف على الباب

حنا على العهد لا أتظن ناسين
امخلدينه بين صفحات لكتاب

في ساعة الهيجا نجيكم شياطين
ارواحنا في كفوفنا مول متهاب

ناتي بلا تفكير كلنا ملبين
لجلك تهون نفس وتهون لحباب

حنا ثلاته وما نهاب الملايين
أنته وشعبك وللوطن زود فحساب

ومن رادنا بشر يا حظه ازيين
نستقبله برماح بسيوف وحراب

ونسقيه من بحر المنيه فناجين
ويعيش متهني.... ويتلححف تراب

من يوم حنا صغار نرهب سلاطين
والحين حنا كبار بعقول لأللباب

يا سيدي ارجوك رجوا مساكين
اللي دموعم تنسكب فوق محراب

والدين في راسم وزادو المدينين
تحرص على نفسك ولو كنت متهاب

أنته وريد عمان ورأس والعين
يالله عسى مايوم تبكيك الأهداب