مســــــــا جلـــة....()....شعـــــــريـــــة.....عبّر بحرفك معنا

[رضوان الهاشمي]

السلام عليكم ورحمة الله


أحبتي الفكره جدا معروفة لدى الجميع وهي إتاء ببيت شعري ويكمله الشخص الاخر بالحرف الذي انتهاء به من قبله في القافية...


( تكتب بيت من عندك من بيت واحد الى ثلاثة ابيات )


وسنبدأ بحرف ( أ )





وياهلا فيكم.....

[رضوان الهاشمي]

بدايتي على حرف ( أ )




الليلة اللي أسكبت حبْري كفيلة=تسْكب أحباري على عصْرك كتابه

تحمل إاسمي والزمن بأكتافه يشيله=وإن قالوا يصعب قلت اتحمل صعابه



اللي بعدي حرف ( ب )

[أنور السيفي]

دام لنا هذا الفكرّ استاذي
رضوان
بلتقي جود المخايل في لقاكم يارجال
لانكم عزّ المصاحب في حضوري والغياب
كان في العزوه مناقب تلتقي فيكم مجال
ارضها ارضا ً خصيبه ومتنها ذاك السحاب

من يأتي بعدي

....... ل ............

[ابراهيم الفزاري]

هلاااااا ،،


فكرة جميلة لتفعيل المنتدى ،،


حرف اللام .....


يقول :

لو كل من سمّي نبيل يصير مثل اسمه نبيل
سميتها ليلى على ليلى وأنا معشوقــــــــها



حرف الها ..

[سوار القدر]

هلاااااا ،،


فكرة جميلة لتفعيل المنتدى ،،


حرف اللام .....


يقول :

لو كل من سمّي نبيل يصير مثل اسمه نبيل
سميتها ليلى على ليلى وأنا معشوقــــــــها



حرف الها ..


مشاركة بسيطة

لا اجيد الشعر...ولكن لا ضرر من المحاولة...

" سأشارك بهمسة" أرجوا ان لا أخل بالموضوع:o


هات ايدك دخيلك لا تتركني وحيدة...

جفى الليل وانا من بعدك جريحة...

نبضات قلبي ما زالت حريقة...

******

هناك ..بين تلال الأوهام...انتظرتك..

ما زالت شموع الأمل مضيئه بين ظلام الأيام...

هنا...سبحت بين أوتار فكري..أبحث عن الحقيقة..

لعلني أجد سر غيابك..وبعد تكسر الأقلام...

ما زالت حروفي تسيل من حرقة قلوب جريحة...

سأحلم بأنك معي لأبتسم ولو كانت مجرد اوهام...


" الميم"
:

[عائشة الفزاري]

مرتاح بالي وأصفق الكف بالكف
مالي على حمل الشقا كود حاجه
أمشي طريقي واضحه مَعّرف اللف
ومن قال أواجه بالصدق ايه أواجه

بيتتين ارتجاليات في عجالة قصوى وربي
فكرة جميله

" الهاء

[صالح المري]

هابت ابياتي تجي في منتداكم بس أنا...غصب عنها قلت والله لاكتبش من دون خــــوف
دام انا شاعر وأبني من أحاسيسي بنا...ليش ما أبني بيت شعري دام هو شلقه حروف
مرحــبا والله فيــكـم وحــن مــرحـــب بنا...شاعر ٍ واحد وأمـــثل شعب مـــن عـــــده ألـــوف

السلام عليكم ورحمه الله وبركاته

ارجو انكم تتقبلوني ضيف جديد وعسى انشاء الله نفيد ونستفيد..

صالح المري

[رضوان الهاشمي]

هلا اخوي الشاعر صالح...مليون ترحيب فيك....



فارس على كل الشجاعه ينادي

صوته محال الريح تعكس مراده




حرف ( د )

[صالح المري]

دك الحصون المغلقه حولك وطير...ياهـاجسـي حــلـق شـــراه النداوي
الا متى والفــكــر محــدود وصغير...والذيب من جوعه على الرجم عاوي


حرف (( ي ))

[ناصر الحضرمي]

أهلا بالشعراء
حرف الياء من قصيدة قديمة أتمنى تعجبكم

يا إيميلي ليه ما جاتك رساله
كمّل الشهر ودخلنا شهر ثاني

شوف حالي بالهوى ما هي بحاله
أحسب الأيام واعدّ الثواني

ردّ إيميلي ولا كنّي ع باله
صاحبك ناسيك ياخي لا تعاني

حرف النون

[رضوان الهاشمي]

ياهلا فيك...


ناجيت ليلي همس بسكون عالي

ياهمس أهمس يا دخيلك وناجي




حرف ( ج )

[صالح المري]

جلى حبك غلا غيرك بصدري وأستحل وحل...على عرش الخفوق وخافقي وياه متطمن

[رضوان الهاشمي]

نار اشتعالي ماغدت لي لهيبه
يا دنيتي لطفك بحالن طرالي



حرف ( ل )

[صالح المري]

ياصاحبي هون على روحك تهون
ترى حياه ال ابن آدم تجارب



حرف(الباء)

[ناصر الحضرمي]

حرف الباء

بدايه جيت للمجلس وأنا كلي ظما للشعر
لقيت الشعر متألق على كثرة بحور القاف

سلام الله ع الشعّار شطرٍٍٍٍٍٍٍٍٍٍِِِ(ن) راح يتبع شطر
زال الشكّ دام الود زاد الحب دون خلاف

حرف الفاء

[صالح المري]

فرحــت بجيتك يامرحـــبا بـــك يارفيـق وحل...بوسط القلب في اشرف مكان ٍ للغلا حياك

عقب ماجيتنا أرزم سحاب ٍ في سماه وهل...من أمطار الغلا في قلوبنا من نظره محياك



حرف(الكاف)

[رضوان الهاشمي]

كل القلوب المرهفه لك محيَيه

من وين ما تلفى لعيناك نلفى



(ف)

[صالح المري]

فرحت بجيتك لي عقب غيبه حطمت بي قلب...تنعنش خافقي وأصبحت في دنياي متونس




حرف ( س )


...

[رضوان الهاشمي]

سامر حبيبك يا عيوني دخيلك

كم عشت اصبر للعمر في وجودك




( د )

[صالح المري]

داخ فكري ماعرفت شلون باتعامل معاك...مره ٍ عاقل ومره جاهل ٍ في حبنا




...

[رضوان الهاشمي]

باللي خلق هالكون وش أسوي

الكون ضايق وانا على ضيق حالي




(ل )

[صالح المري]

لاضاق بالك يارفيقي من الناس

وجه لرب الناس وجهك واسجد


حرف (الدال)

[رضوان الهاشمي]

داري عمان المجد دار الكرامِ

فخر العروبه والاصاله عمان



(ن )

[ناصر الحضرمي]

ناديت طيفك واشوف الطيف ما جاوب
يرجع صدى الصوت يشكيلي معاناته

العام روّح وجرح البعد ما طايب
يا سارق القلب خلي السالفه وهاته

حرف التاء

[صالح المري]

تاه قلبي في دروب الحب وينك يالدليل
لاوصلت ألي أبيه ولا عرفت أنت شتبي

جاك قلبي دون تفكير ٍ حسافه يالبخيل
حتى شكرا مانطقها مبسمك لي ياغبي


حرف(الياء)

[رضوان الهاشمي]

يا من يتوهنــي بحبـه غرامـــــــه

يسكب غرامه لين ياصل قليبي



(ب )

[صالح المري]

بديت لعبه حبنا ضحك ومزاح
ولادريت شلون انا بانتهيها

تبدلت ضحكاتنا صرخ وصياح
ياليتني فكرت قبل ابتديها

[أحمد الحجري]

هاض الخفوق وزاد به حب واعجاب
واتراقصت ريضان قلبي بتطريب
على نسيم هب (م) الشرق هباب
ذكرني بترف الصبا والمحابيب



والسمووووحه على الغيبه الطويله

كانت لأسباب شخصيه والعذر منكم

[صالح المري]

بأموت أنا من حبها مادرت بي
ياويش حلي ياعرب خبروني

مني خذتني وين مدري غدت بي
جسمي مع ذا الناس لكن بدوني

[عيسى النوبي]

السلام عليكم ورحمة الله وبركاته...@

مرحبا بأساتذتنا هذه مجرد محاولة للمشاركة معكم

والاستفادة وعسى ان تعجبكم هذه الابيات البسيطة

ودي تعرف ان الغلا لي كان لك راح.....من بعد ما ذقت الهلاك وصار لي روح

هاذي رسالة خطها لك قلبي وصاح.....مالك مكان ابداخلي يا خل مسموح

ولكم جزيل الشكر

اخوكم : النوبي

[خلفان علي سعيد العيسائي]

نسناس محبـــوبي تزايد قـــــربه وأنا معاه فــــ حلــــــي وترحالي
بعض الضروف تجي تراها صعبه والشوق يشكي ليعته ويسالي
بالروف يا عمــري ويكفــي غربه أرجع رجيتــك وأهتنـي بوصالي



حرف الياء

[صالح المري]

ياصاحبي والحال ماهوب كايف
لابو زمان الولوله والحسايف

والهم كل شوي في الجوف طايف
جعل الهموم الي بذا القلب تنزاح

[أحمد الحجري]

حي القصيد وحي منهو نطق به
حي الشعر بأطراس بيضا تلالي

الشعر ذوق وبه وصايف رقت به
اغراض عده وارتقت ف العلالي

[زاهر الهميمي]

مساؤكم شِعر أيها الـ مُبدِعون
أشكركم على هكذا بوح
واعذروني إن أقحمت حرفي لـ يستمتع بوجوده بينكم



يحسبونه شيّ تافه والتفاهة في احتواءه
....................... وأجمل أشياءه تِمِرَّدْ عن مبادئه وهواه
كنّ فيه الروح ميّت والمقابر اشتهائه
....................... وما تكفّن غير ضعفه ومدّ موته في مداه



أشكركم على الـ قراءة


ولنا لقاء

[رضوان الهاشمي]

همي شكيته على نفسي بعد ضيمه

همن لفاني ولا شفته يداويني



(ي )

[أنور السيفي]

الياء
ياليت كل الناس قلب ٍ وقالب
نقرى معانيها بلا ستر ٍ وريب


(ب)

[عيسى النوبي]

(ب)

بدمع(ن) من وسط قلب(ن) ينادي كل محبينه

ويتجاهل اساس الهم في لحظة ويصبح فات

(ت)

[أمنيات]

بالاذن من أساتذة النبطي

أردت المشاركة معكم بمحاولة متواضعه


(ت)


تكدر خاطــري منك /بغيت أنسى

أشيلك من وسط قلبي وغلاتك فيه

وأشكي همي وأبكي بذاك الليل

بعد ما كنت الك صاحب عزمت اليوم /

أخلي صحبةٍ دامت ثلاث سنين

عسى هالقلب يطاوعني /أترك حبك وأرميــــه

(هـ)

[عيسى النوبي]

(الهاء)

هاجسي نبض المشاعر والمشاعر من هيام


وانزف الآهات دمعن من حنايا الزوح دم

(م)

[أنور السيفي]

مدري الايام باكر وش تكون
الامل موجود مع كل العنا
تكفى لاننسى زماني من نكون
والبشر مثقالها فينا دنا
‏@ن@

[رضوان الهاشمي]

ردي معي هذي العباره رجيتك

حبك على قلبي على ..وش يشيله؟



( ل )

[ليتني طفله]

§¤°~®~°¤§ليت النسيم لي بطيب الزهر هب... يوصل سلامي صوب دار الحبايب

سلام مشتاج من القلب للقلب ...يوصل حنيني للي عن العين غايب


اللي بعدي::

حرف الألف§¤°~®~°¤§

[ضرغام بدية]

حرف النون



نبكي ويبكي مثلنا كل محزون .................. قلت السبب تبكون ؟ قالوا يتاما
قلت اليتيم اياي وانتم تسجون .................. مع البزور وكل جرح يلاما
الا جروح بخاطري ما يطيبون ..................... جرحي عميق مثل كسر السلاما


حرف الكاف ......


ولكم جزيل الشكر والامتنان ...........

[ليتني طفله]

كنت أحسب إنك غصن تفاح ... وغصن ورد وعطره يفوح

نصبح ونمسي لك بالنصاح ... ونزوركم والبال مشروح

حرف

الحاااااااااااااااااااااااااااء للي بعد

تحياتي للجميع.....

[أبو حسين الحجري]

حبيبي يالي دايم(ن) أنا آخذ بشوره مهما ابتعدت صورتك فالقلب تبقى محفورة

[علي المري]

هــاك قلبي والعيون وما ملكت_واستمع قول ٍ طلع من وسط جاش

يالغضي يالترف عذرن لو هلكت_مـابقالك عـقب مــوتـي كـون طـاش


(ش)
@@@@@@@@

[أحمد الحجري]

شاب راسي من وانا توّي شباب = وانطفى ضوّي وبيّن لي شفق
وانجلى فرْحي وطوّل بالغياب = كن ربي ما رضى عني وحمق


((((( ق )))))

[علي المري]

قــــايل ٍ لك يافؤادي لاتروح_

للهوا يطعنك حــد الشاذليه

كان تسمع هانصيحه لاتبوح_

لين ياتي من تحبه بالعطيه



((هـ))
@@@@@

[عيسى النوبي]

(هـ)

هاج دمعي من جفى رمش ن ينادي من يغيث@@وارتوى خدي بدمع بكل ليلة وكل نهار

مل صبري من كثر صبري وقال انه حبيث @@مايحس بقلب خله اللي بناله فوسطه دار

(ر)

[علي المري]

((ر))


رايق ٍ بالي ولو حظي من الدنيا تعيس@@@لاذكرت إن لي صديق ٍ على الطاعة يعين




((ن))

[أحمد الحجري]

نوّن تبادى من مغيب الشمس بمزانه ,,, سايقه نوده ويسقي به فيافي مقفرات

[علي المري]

تعتـرف لــي بـالمحبه وانت مـاتـعرف غلاك_

مــادريــت ان زود حـبك راقـي ٍ كل النفود

في غيابك أعترف لك كني اشوف الهلاك_

وفي وجودك بالسعاده صاير ٍ مالي حدود


((د))
@@@@@

[ناصر الحضرمي]

دورت لي بين المخاليق صاحب # لا من طلبته فز من دون لا اجيه
حصلت متكبر وخاين وكاذب # ولا زلت أدور صاحبي وين أراضيه

[لمني بشوق]

هاك أغراضك وكل شيٍ يذكّرني بوصلك

وعطني بس قلبي وكل ما راح إعتبره حلالك

حتى لو قلبي تكسّر جيبه مكسورٍ نزف لك

يمكن ألحَق باقي نبضه ويسعِفه واحد بدالك

[علي المري]

كل الغلى ضايع معك وانت لو رحت_

مــــاهي حسافه روحتك أو رجوعك

روح على دربك وانا أقول مـن أنت_

حـتى أنـزل هـامـتي مع خضــوعـك

[ناصر الحضرمي]

كل المشاعر لو تجي صوب الأشعار
جاتك مع الأشعار كل المشاعر

يا كيف تطفي النار يا مشعل النار

وبركان حبي بين الاضلاع ثاير

[علي المري]

ربك كتب لي حـب قـلبي لشرواك

وانــا كـتبت انـي لشـرواك حبـيت

لمت ضلوعي شوق جاك وتعداك

ومـنيـن مـاهـب الـهوى فيك لديت

[ناصر الحضرمي]

تبغى تشوف القلب يا ساكن القلب
قرّب تعال وحط يدك بصدري

ما راح تلقى قلب مشغول بالحب
لكن بتلقى حب بالصدر يسري

[علي المري]

يـالـغـالـي الـي بـرتـكـاب الـجـريـمـه_
تـعـلـن بـلا خوفٍ على روس الأشهاد

إنـك خـذيـت الـقـلـب مــنـي غـنـيـمـه_
غصب ٍ علي حبك وغصب ٍ لك إنقاد

[ناصر الحضرمي]

دامك نويت البعد وش عاد يثنيك
وانته بوصلي دايم الدوم منّان

روّح عساني كل ما جبت طاريك
أضحك واقول اليوم و الأمس شتّان

[علي المري]

يـابـنــت قـلـبــي بـــك تــورط تـوراط_
مـن زود حبك صـار ماهوب مضبوط
إن قــت أحـبـك قلـتي رح بس خراط_
وإن قلت عاشق قلتي العشق بشروط

[رضوان الهاشمي]

طال الاجل ولا قصر لأتبعك
ماهمني ارضاك ولا الزعل


( ل )

[علي المري]

لـمـلـمـت باقي ذكريات(ن) قديمه

أحـيا بـها فـي بـاقـي الـعـمـر وياك

يـالـغـالـي الـي كـل مـاشـفـت ديـمه

تطري علي من شوفها في حلاياك

[صنعاوي]

كفـــكفي الدمع الحزين &&& وارحميني ياعيوني
كيف تمضي هالسنيـن &&& كلميني ياسكــوني

[علي المري]

يــسـعـد صـبـاحـك يـاعيوني وممساك

ويشهد على صدق الدموع الشماغي

انــي أعـزك واعـشـقـك حيل واهواك

وان قــو حـبـك مــاتــصــوره طـاغي

[جاسم الحمادي]

نسيت النون من قافي ولكن للظروف احكام ،، وانا لامن بغيت ادخل تحدي بالشعر دامي
طلبتك هاجسي تفزع اذا شعر القرايح قام ،، أبي قاف(ن) يشرفني،، تفاهم انت والهامي

[جاسم الحمادي]

مساء الخير للجميع،،
أولا أحيي الأخ رضوان الهاشمي على هالفكره
ثانيا اسمحولي أشارك ببيتين من الشعر الإارتجالي المتواضع


نسيت النون من قافي ولكن للظروف احكام ،، وانا لامن بغيت ادخل تحدي بالشعر دامي
طلبتك هاجسي تفزع اذا شعر القرايح قام ،، أبي قاف(ن) يشرفني،، تفاهم انت والهامي



،،حرف الميييييييييييم،،

[فهم العيسائي]

مايغفرالدمع من خطاياك
مايفيد الدمع وكثرحلفاني
يعل السعادة دوم وياك
ماتصيبك نوبات الزمانِ

[جاسم الحمادي]

مساء الخير،،
أولا: أحيي أخوي رضوان على هالفكره الأكثر من رائعه.

ثانيا: اسمحولي أشارك ببيتين ارتجاليات ع الطاير.

نسيت النون من قافي ولكن للظروف احكام
وانا لامن بغيت ادخل تحدي بالشعر دامي
طلبتك هاجسي تفزع إذا شعر القرايح قـام
أبي شعر يشرفني تفاهم انت والهامـــي



،،،حرف الميييييييييييم،،،

[عيسى النوبي]

مراحب...@



من قال انلعب بقلبك لعب الاطفال@@@واني مهاجر حبك ابهالسهوله

ياصاحبي لا تسمع القيل والقال @@@ بعض البشر ما همها اللي تقوله

[علي المري]

يــابــو ســعـد ناصيك بالهرج يالذيب::عندي علوم ودي اسألك عنها
ولد الرجال اهل المواقف هل الطب::ويش العلوم الي السنافي دفنها

[أحمد الحجري]

هات العلوم اللي تسر الخواطــر ,,, واترك حتات القول وانبذ ضعيفه
خلك مثل غيم المطر لاصار ماطر ,,, وارقى بعزك لو حياتك كسيفــه

[عدنان الشعيلي]

هنا يتناشدوا عن علوم القبايل :: من اضغر خبر لين عاليها
وانا عناد فيهم اليوم مب قايل :: اخط القوافي بحبري أمليها

[ليتني طفله]

أعاهدك باللي خلقني وسواك ... ويعاهدك قلب(ن) إذا غبت صانك
والله ما أرخصك ولا أفكر أنساك ... ومفقود قلبي لو انه بيوم هانك

[رضوان الهاشمي]

كيف الزعل ماطاعني يرتحل
وانــا سجينـه يـوم انـه بغــى




( أ )

[مشعل الغبين]

أرتاح بس اشوف زولك قبالي=واموت في قهري اذا شفتك اقفيت


( ت )

[رضوان الهاشمي]

تناجيني ترانيمك وانا مستغرب الصوت
تهامس من قريب البعد كنها تطلب العون



( ن)

[أنور السيفي]

نسيت البارحه خلي نسيت الوعد ياقاسي
انا ناطر بعين الليل تمر وتاخذ احزاني
ولاكن للاسف مرت ثواني الوقت ياناسي
ثواني شفتها ليله بنار الهم تصلاني



(ي)

[مشعل الغبين]

ياللي تصد وتحسب أني بناديك=أرحل فما والله جيت أترجاك

غلطان ياقلبي وخابت هقاويك=مابيك لأوالله لو قلت انا أبغاك



حـرفـ/الـ ك ـاف

[ناصر الهاشمي]

كان تبي قرب شاعر
تحوي حروفه الاحزان

غمض عيونك ل باكر
صرتلك شاعر احزان



((( شاعــــــــــر الاحــــــــــزان)))

[ليتني طفله]

نبيع الروح لأجل عينك
ونبيع الغالي لو ماصار

[روح الباطنة]

[روحي عقب فرقاك ياروحي عليله
وعينا عقب شوفك صارت عميه
ماغير فرقاك ادعاني اشتكيله
وماغير حزني و الهموم الثقيله

[روح الباطنة]

أرد على نفسي ما مشكلة


][®][^][®][لاصار وقت الضايجات الكبيرة
ياخوي ياعزوتي صداد الارماح

أنصاك أنا، و بالقلب نار سعيرة
يا قرم ياحر نادر ياضي الاصباح ][®][^][®][

[عاشق الليل]

يللي تنادي من البعد محد يسمعك
الصبح باكر والمساء في انتظاره

خلك مع الاوقات ياصاحبي وانا معك
ماتنفع الضيقات تتليها خساره

[خليفة الغافري]

هانت عيون الخلق لأجلك حبيبي
ولأجلك حبيبي كل الأحزان هانت
بانت بعيني دمعة من نحيبي
وعلوم مخفية من سنين بانت

[ناصر الهاشمي]

تشكيلي همومك وناظر عيونك
ماتــــــــدري عيـــونك همها اكبر

تدمعلي عيونك ومسحها بجفونك
واقـــول من ســــــواك الله اكبر

[عاشق الليل]

رديت او مارديت عندي ولا حاجه == ولاعاد أفكر فيك مثل ماكان أول

تدرين عنّه فعل ماضي وأخوانه ++ مثله لازايد يمكن ناقص الأول

[احمد الحبسي]

ناحت تصيح وعينها دمعه رهينه وسط الهدب يا عين هلي ابصببها
من يوم شفتك روح منشافك سجينه تطلب رضاك وكفها يدعو لربها


حرف البا بيتين من قصيده بالوزن والقاف

[روح الباطنة]

بسمه خالق الكون الكبير بسم ربا كريما له العالم خضوع
أبتدي أبيات شعري و القصيد هدية إلك ، يامن ملكت الروح

[زاهر الهميمي]

يا كبر قسوة هالزمن لمّا يجي حلمك غريب
.......................ويا صغرها نفسك ليا منّه غدى الحلم الأخير