ما خنتك

[أحمد الغافري]

تدري إني مول ما خنتك = يا منايا وغاية مرادي
في القلب والروح أنا شلتك = من شراكم عذّب فوادي؟

هدّني شوقي عقب بعدك = والكرى متبدل سهادي
ليت بس يروف بي قلبك = قبل حادي الموت بي حادي

كان فيني يالغلا ودّك = تشعلن بي نار وقّادي
حسبِيَ الله هو بعد حسبك = تحقق المطلوب ولمرادي

عاد سدّك يالغلا سدّك = شوف حالي كيف متغادي
قد بلغت وزدت عن حدّك = سدّني تشميت حسّادي

شوف قلبي يهتوي ردّك = وانته قلبك سالِيَ رقادي
ليت ماهو بدّني بدّك = كان ليلك غصّه سوادي

تجتني وتقول ما ذنبك = وانته عندي خير لعبادي
عفت أنا المعروف من عندك = كان هذا عندكم عادي

الهوى والعشق من ربك = نعمة اللي خيره وكادي
حبي لك مكتوب من حظّك = لا تردّه بصد و عنادي

لو سألنا شو سبب صدّك = من هو المظلوم والبادي
كنت تعرف إنّي ما خنتك = يا منايا وغاية مرادي



والسموحة

[إسماعيل الشيادي]

ما شاء الله عليك .

كل يوم وإبداع أكبر.

[أحمد المهداوي]

صح لسانك يالغالي

ولا هنت على هذي الابيات الراقية

بس أبي أطلب منك طلب يالغالي

حاول ما تستعجل في نشر قصائدك او كتاباتك

حتى لو كانت قديمة العهد ..

ولك مني كل الود والرقي سيدي الفاضل .

[النور]

أخي::

شعر يتدفق فلا تدعه ينضب..

أسقنا أكثر من هذا الإيقاع المنفرد

دمت بخير..

[هاجر المحفوظي]

ياسلااااامـ عليكـ استاذيـ الجرناااسـ
صحـ لسااانكـ
باركـ اللهـ فيكـ


السموحهـ