قصيدة في حب الوطن والسلطان

[أحمد بن عبدالله المعمري]

هنا(لج) الشعر صدرالمسافرلين ضاق اليل
تجرد من مقصاد رحلته ثم نوخ أبكاره
ورصع بالفكر أغلى دررفي عالي الاكليل
لجل خاطرعيون إللي تزين فكرة أشعاره
سبقت الريح يافكري على صهوة بنات الخيل
وبارك للذي خلد سموالمجد بقداره
هناقابوس سيدنا بطل مغوار ياحلحيل
رحيل الشمس مايعني يغيب العزفي داره
ترابك تبرياموطن عسى يدنوسحاب السيل
وتغني لك طيور السعد (ع)نغمات قيثاره
وتتراقص لك النجمات في حضرة سمو سهيل
ويعشوشب سهل حبك إلين يفيض مدراره
كأنك سوسنه تنبت عل جانب ضفاف النيل
وشفت النيل من ريحة عبيرك فاضة انهاره
لانك ياوطن شامخ بوجه الريح لين تميل
كذا ياعمان في العلياء تكوني للمجد جاره
كذا قابوس عودنا على حب الوطن بالحيل
كذا قابوس ربانا بجوده وحنكة أفكاره
ولو أني كتبت الشعر في حقك أكون بخيل
أبد مايوصوفك شعري فقط أهديك تكراره
عسى تبقي لنا هذا الوطن يامنزل الانجيل
وتبقي سيدي قابوس في نهجه وأصراره