أحمد الغافري
11-13-2007, 12:20 PM
يا تعب حالي , ويا عوقي من الفرقا = ويا شوق نفسي لهوى دار المحبيني
أصبر وصابر , وانا بدمعي من الغرقا = يا صاحبي , ترا بعدك يبَكّيني
من زود شوقي , تباين طيفكم شرقا = وانا من لي على شرقا يوَدّيني؟
طغى حبك , وزاد الحرق بي حرقا = ومالي غير شرا زولك يطَفّيني
على بالي , وكيف يرتاح من يشقا = أسامر ليلْ , وطيفك بات يشجيني
أقول لليلْ : دخيلك صاحبي تبقا = ولو لحظة , لجل خِلِّي يواسيني
وبي خوفٍ , لعلّه يِخْفِيَ الطرْقا = وطرْق الليلْ , يموّتْني ويحييني
ولى مر ليلي , تلوح الشمس لي برقا = كأني به صدى صوته يناديني
سراب ٍله , وجرحه كيف بس يرقا = وانا عايش , وذي جمر الغضا فيني
ألا ويلي , ومنهو لحالتي شفقا = وانا المجروح , ولا جرح السكاكيني
عجيبه! كيف يتركني بلا رفقا = وانا اللي في هواها ضاعت سنيني
وللذكرى , كتاب مسطّر الوَرْقا = وأوراق ٍبها شِعري ودواويني
ألا يالله يصبّرني على المشقا = ( ويرحم من شكا مثلي من البين ِ)
عسى أن تنال على رضاكم.
أصبر وصابر , وانا بدمعي من الغرقا = يا صاحبي , ترا بعدك يبَكّيني
من زود شوقي , تباين طيفكم شرقا = وانا من لي على شرقا يوَدّيني؟
طغى حبك , وزاد الحرق بي حرقا = ومالي غير شرا زولك يطَفّيني
على بالي , وكيف يرتاح من يشقا = أسامر ليلْ , وطيفك بات يشجيني
أقول لليلْ : دخيلك صاحبي تبقا = ولو لحظة , لجل خِلِّي يواسيني
وبي خوفٍ , لعلّه يِخْفِيَ الطرْقا = وطرْق الليلْ , يموّتْني ويحييني
ولى مر ليلي , تلوح الشمس لي برقا = كأني به صدى صوته يناديني
سراب ٍله , وجرحه كيف بس يرقا = وانا عايش , وذي جمر الغضا فيني
ألا ويلي , ومنهو لحالتي شفقا = وانا المجروح , ولا جرح السكاكيني
عجيبه! كيف يتركني بلا رفقا = وانا اللي في هواها ضاعت سنيني
وللذكرى , كتاب مسطّر الوَرْقا = وأوراق ٍبها شِعري ودواويني
ألا يالله يصبّرني على المشقا = ( ويرحم من شكا مثلي من البين ِ)
عسى أن تنال على رضاكم.