فات من عمري سنين ومادري شلي بقى

[صالح المري]

السلام عليكم ورحمه الله وبركاته

هذي لكم مني قصيده
أرجو أنها تحوز على رضاكم..



فـات من عمري سنين ومادري شــلـي بقى=يـــالله انك لاخـذيت وداعتـك تغفـر خطاي

هو صحيح أن المفارق حزن والفرحه لقى=ويـــوم جيتك أبغي الفـرحه لقيتك ياشقاي

من هقى بالخير في ذا الناس يبشـر بالهقى=والمصيبه هي ترى هقوتك فيني ياغلاي

خنــجــرك أبغـي الــوقى مـنه ولا مـنه وقى=صابني ماهوب في مقتل ولكن في كلاي

وهـــو صحيح أنــي أنا مــنــــك تعلمت النقى=بس مــاهــو لازم أنك تختبرني في نقاي

الغلا لك بحر في صدري ومن كثره سقى=لــيـن صــار المــورد الي استقي منه لماي

كنت أنا غرقان مـن دونك وذا الحين غرقى=غارق ٍ في بحر حبك وأنت غارق في هواي

جــيـت أنا أبغيلك الـهين وتبـغـي لـي الشقى=وأنت (أمس ٍذا) تذرى من همومك في ذراي

أشهد ان العشق صعب ٍ والعشاشيق حمقى=يتـبــعـون الســكـه الصــعـبه وذا اول بـــلاي

عاشق ٍ من زود هــمــي في حياتي مــا بقى=نجمــه ٍ لـي اسـتـــدل بضيها بـاوســط سماي



صالح المري


...

[عمر السعدي]

حجـــــــــــــــز من الدرجه الالى

ومقعد VIP في طائرة الابداع

ونعم ياخوي صالح

ونعم بالمره جميع

قصيده راقت لي كثيراً

حاولت أقتنص بيت عجبني

لقيت ان القصيده كلها في قلبي

راقي بكل ما تحمله الكلمه من معنى

لك مني أخي جل الاحترام


أخوك السعدي

[صالح المري]

الله لايهينك أخوي عمر السعدي على المرور ..

وسلمت على الرد الجميل ..

ويامرحبا بك وبردودك..

تقبل فائق لاحترام والتقدير..


أخوك صالح المري


...

[رضوان الهاشمي]

الشاعر صالح المري


يطيب لي الحرف بين نبض حرفك


فهنا الحروف اشبه بجمال قلبك الطاهر


رأيت انتقاء مميز من سليقه شاعريه تهيج الحروف من شدة روعتها



فات من عمري سنين ومادري شلـي بقـى
يالله انك لاخذيت وداعتـك تغفـر خطـاي
هو صحيح أن المفارق حزن والفرحه لقـى
ويوم جيتك أبغي الفرحـه لقيتـك ياشقـاي




الله يعطيك طول العمر ويحسن ختامك.....وختام الاجميعين....


خنجرك أبغي الوقى منـه ولا منـه وقـى
صابني ماهوب في مقتل ولكن فـي كـلاي
وهو صحيح أني أنا منـك تعلمـت النقـى
بس ماهو لازم أنك تختبرنـي فـي نقـاي


تلاعب بالكلمه صنع ايقاع تكراري اتحف القارئ وابدعت فيه....

ويطيب لي هذا التمتع بالحرف حينما نجده في اشطر الشعراء

تعلمت النقى ماهو بلازم تختبرني في نقاي...


ابغي الوقى ولامنه وقى...


الغلا لك بحر في صدري ومن كثره سقـى
لين صار المورد الي استقـي منـه لمـاي
كنت أنا غرقان من دونك وذا الحين غرقى
غارق ٍ في بحر حبك وأنت غارق في هواي


لين صار المورد اللي استقي منه .......لماي.....درر.....ياكوكب الدرر...



استاي القصيده تحفه اهنيك عليها واهنيك على هذا الفكر الذي يسحر
العيان..



دمت في ود..وتألق...وربي يوفقك....

اقبل اعجابي بين نبضك....ووتواصلي..بين حرفك

[صالح المري]

أستاذي واخوي رضوان الهاشمي

الله يرحم والديك ويطول عمرك على الطاعه..


الله لايهينك على هذا الرد الي اعتبره شامخ ومحفز لي على تقديم الاجمل انشاء الله..


وأنشاء الله اني اكون قدمت شي يرضيكم ويلامس احاسيسكم وهذا هو الاهم بالنسبه لي..


الله لايهينك أخوي وجعلك في الوجود..


أخوك صالح المري



...

[سعود السيفي]

اخي واستاذي الشاعر صالح المري

صح الله لسانك وعلا شانك ولا هنت الغالي

قصيده جزله من راس جزل وما عليها كلام

تقبل مروري المتواضع ولك مني خالص الؤد والتحيه,,,



اخوك الشويعر/سعود السيفي,,,

[سلطان السيفي]

أشهد ان العشق صعب ٍ والعشاشيق حمقـى
يتبعـون السكـه الصعبـه وذا اول بـلاي

عاشق ٍ من زود همي في حياتي مـا بقـى
نجمه ٍ لي استدل بضيهـا باوسـط سمـاي


الله الله

لله درّك لله درّك ودرّ الارض التي أنبتتك

شاعر جميل وأبيات جميلة كمثل صاحبها

نظم رائع من شاعر رائع


أخوي الغالي والصديق الرائع والشاعر المميز


صـــــالـــــح الــــمــــــري


ماعليك زود يالغالي أبياتك جميلة عانقت بشموخها صرح الابداع الشامخ

صح الله لسانك ملااااييييين ولايسدن

دمت في خير وصحّة




أخوووك// أبوراكان

[صالح المري]

يامرحبا بك أخوي سعود السيفي..


أتشرف برؤيه ردك على قصيدتي..


وصح الله بدنك ..ماعليك زود


ورحم الله والديك..


الله لايهينك على المرور..


أخوك صالح المري

[صالح المري]

أخوي المبدع سلطان السيفي..



صح الله بدنك..



ولاهاانك الرب على هالرد الجميل مثل صاحبه..



ويامرحبا بك واتشرف بوجود ردك هنا في زاويه قصيدي..


الله لايهينك على الرد..


ودمت سالم


أخوك صالح المري

[ابراهيم الفزاري]

صالح المري ..



صح لسانك ،، لاهنت على هالجزلة الفريدة ..





قصيدة في غاية الروعة ..


تقبل مرروي المتواضع ..

[صالح المري]

أخوي ابراهيم الفرازي


صح الله بدنك


ولاشنت..


الله لايهينك على الرد الرائع..


وجعلك تسلم


أخوك صالح المري

[م ح م د]

أشهد ان العشق صعب ٍ والعشاشيق حمقـى
يتبعـون السكـه الصعبـه وذا اول بـلاي


اجمل ما في الحب صعوبته...

وهذه رائعه اخرى من روائعك استاذي..


تقبل مروري ...

م ح م د البلوشي.

[صالح المري]

أخوي م ح م د البلوشي


لاهنت على الرد الرائع..


وماعليك زووووود..


ويامرحبا بك وبردوودك



أخوك صالح المري


...