ملاك خالد - قصة بقلمي // كاملة ..~

[هاجر المحفوظي]

بسم الله

هذه اول قصة انشرها وتقريبا ثالث محاولة كتابة لي
اتمنى تعجبكم



بقلم :همس الجنون :


صحى { خالد } من نومه وكان جو المنزل مغيم .. أي بمعنى أصح ،
_ مشحووون _ ..
ياترى شو السبب؟!!
أكيد كالعاده طبعا!! قال : {خالد}
-خلني اكمل نومي أحسن ..

بس اللي حصل ، إن الصوت القووي زاد بقلب {خالد} الوسواس
وقرر يروح ويشووف " العاصفة " اللي صايرة

نزل ولقى والدينه يتضاربوون كعادتهم .. او بالاحرى كالعاده الجديدة ..
موضة الموسم !!

وشو السبب .. لايوجد سبب مهم ، بل سبب سخيف وتافه،

{ خالد } والده من النووع العصبي وعلى اتفه سبب يرتفع ظغطه ويقلب الدنيا
إلا انه يملك قلب كبير وحنون بس هالشي مو مبين الا للي يعرفه زين زين .

أما عن والده {خالد } فهي حنون ومتسامحه جدا وكريمة وتحب الخير
ضحت كثير من أجل عائلتها وابنائها
بس اللي صارلها خلاها تتغير وتتغير كثير

الأم من كثر تضحياتها مانتبهت لنفسها ونست ان الزوج اذا كبر وعدا الاربعين
عيووونه ترووح :"" تزيييغ وتشووح ""
نفس مايقووولون || مراهق فالاربعين ||

والرجال دائما يبحث عن الزين !!
وان غلط مسموح اما المراة [ لاتعليق ]

المهـــم

هالمرة السااالفة كانت عووده والام صممت انها تترك البيت ..
خذت عمرها وطلعت !

{ خالد } كان يشوف المشهد الي كان يتكرر امام عينه
واللي حفظ نصه حرف حرف
بس الغريب هالمرة
النص تغير !!!
ولكنه بقى صامت يحفظ المشهد ..

بعدها طلع لانه كان متضايق كثير خصوصا انه والده دائما يرمي عليه اللوم
ويقعد يقوله :: انت مامال شغل ؟ وعمرك مارفعتلي راسي :: روح شوف ولد عمك
[سامي ] وين واصل وينه اللحين .. ولا انته ولاشي ..
وبعد اللي صار والده قاله نفس الكلام .. والشيء أكيد يأثر في أي شخص

{ خالد } ماقدر تأخر في دراسته لانه اصيب بحادث وهالشي اخره كثير لانه بالاول ماكان يقدر يمشي
وبعدها تعالج علاج طبيعا بس بقى يعرج ..
تقريبا هالشي حطمه جزئيا يعني بمعنى أوضح
هو كان على علاقة ببنت اسمها [ علا ]
حبها بجنوووووون
واخلص لها لاخر لحظة وبدرجه كبيرة،
وبعد الحادث اللي صارله
علاقتهم كانت ل 4 سنوات
وهو كان ناوي يخطبها اثناء دراسته
ويتزوجوا من يكمل دراسة ويشتغل ..
بس النصيب ما وفق بينهم ..
واصابته حاله نفسيه من يوومها
وصار كلما يحزن او يتضايق يروح يقعد لحاله فالشاطيء ..

{ خالد } قعد عالشاطيء طول اليوم .. ماكان له خلق لاي شي
حتى موبايله تركه فالبيت ..
ورجع البيت بنص الليل ،،
حط راسه وعلى طووول خمد ونام من كثر التعب ..
.............

فاليوم الثاني ..

قام { خالد } على رنه موبايله
إلا وصديقه عادل يتصل : عادل من النوع الطيوب والكوميدي ومايحب الزعل ابدا لانه مب فاضي !! :
- { عادل } : هلا خالد .. انت وين ؟! حشا لله رد خوفتني عليك ..
-{خالد } : ..........
- { عادل } : ألوووووووو .. تسمعني ،،
-{ خالد } : ايــ [ بضيق الصدر ]
- { عادل } : إنزين خل عنك الدلع .. وقلي :: ليش امس ضربتني خيانة وماجيت ؟!
فشلتني قدام الربع !!
- { خالد } : .. ..
- { عادل } : اقووول ، شكلك مرررة رايح فيها .. خلك مكان مانت .. تو بجيك ..

وبعد ماوصل عادل لبيت خالد دق الباب :
ومحد طلع .. رد دق الجرس مرة ::وفجأة
تتطلع له بنت ..
{ عادل } : ......
{ البنت ] : ايوا خير ...
{ عادل } : ......
{البنت } : أخوي شفيك ؟!! اقولك خير .؟؟ من بغيت ؟!!!!!!
{ عادل } : القمر .. || بصوت واطييييي ||
{ البنت } : نعم !!!!!!!!!!!!!!
{ عادل } : هااااا !! السلام عليكم
{ البنت } :: تو الناس .. من ساعه واقف ! خلص . شو تريد وراي شغل
{ عادل } : وينه ؟! ماشوف حد

{البنت } : من ؟!
{ عادل } : الشغل ؟ http://www.albrzh.com/vb/images/smilies/bsmails/abu-asail%20(21).gif
{ البنت } : انت شكلك واحد فاضي وماعندك ساااالفة .. وسكت الباب في شكله ..
{ عادل } :: لحظة .. لحظة .. اختي ,,
{ عادل } : اووهووووو .. ليش انا خسف دائما !!!
{ عادل } : بدق مرة ثانية يمكن تطلع لي ؟! وهالمرة بعتذر منها عالتصرف الباايخ ..
شفيني اليوووم .. غريبة والله !!

-ويدق الجرس مرة ثانية ..

وتتطلعله بنية :
{ عادل } : سامحيني اختي والله ماكنت قاصد .. انا خسف وثوور والله .. بس كنت جاي اريد خالد
{ البنت ] : زين بابا تو نادي ..
{ عادل } : http://www.7oob.net/smiles/15/Q82_20.gif الرحمن الرحمن ،، طلعت خدااااامة وانا جالس اسب عمري ههه اسميييني
خسف بصحيح ..

-{ خالد } : هلا عادل .. ادخل
{ عادل } : اهلين بابا خخ .. لا مابدخل خلى معي ..
{ خالد } وين؟
{ عادل } انت تعال وبتعرف ..

وفالطريق عادل قام يحكي لخالد القصة الي صارتله عالباب وزوود شوي كعادته وخلى
خالد يضحك ..

ودخلو كوفي شوب وقعدوا

{ عادل }:يللا الحين بتقولي شفيك ؟! انت الحمدلله قريب طالع من المستشفى
وتشافيت والحين اقوى من الحصان .. لكن اللي مافهمت شو اللي صابك يوم كنت هناك فالمسشفى ؟
حالتك كانت مو طبيعية ؟ وانا مابغيت أسالك واضيق عليك ..
والحين مابخليك لين تحكيلي كل السااالفة وياووويلك اذا خبيت علي ..

يتبع ...

الجزء 2

[هاجر المحفوظي]

{ خالد }:شبقولك بس ؟ خلني كذا احسن ..
{عادل }: لا مابخليك .. انت دوووم تخبي وماتقولي شي ماكني اعز صديق عندك .
صحيح اني سافرت وقريب رجعت ومن زمان ماسولفنا .. بس مايعني تخبي علي .. يللا قووول وانا اسمعك
صدقني بترتااح ..

{ خالد } : طيب .. بخبرك بالسالفة
أنا بعد الحادث اللي صابني .. كنت فالمستشفى وانت دريت بحالتي ،، كان الالم اللي فيني كووم ثاني
يعني ماكنت افكر فيه .. بس اللي كان طوول الوقت شاغل فكري وبالي ،، [ علا ]
قعدت أحاتيها واايد واتمنى بس تجي تشوفني ثواني وتتطلع ،،
بالاول ماكنت ابغيها تعرف باللي صارلي عشان ماتتأثر او يصيبها شي .. ولكني خفت انها تحاتيني
وخليت اختي [ سحر ] تكلمها وتفهمما باللي صار عشان ماتنصدم
وسحر خبرت علا الموضوع
-- يقاطعه عادل ويقووول :: أكييد صابها شي المسكينة ..
{خالد } : للأسف ! ولاتغير فيها شي ..
وهذا اللي صدمني
واللي صدمني اكثر انها بدل ماتساندني وتوقف جنبي
صارت ولاكنها تعرفني ،، مدري شصار فيها !
والأمّر من هذا انها فيوم قالتلي:: [[ انا مابي واحد مايمشي عدل!! ابغي واحد صاحي ..
انت شلون تريدني اقابل الناس فيك !! ..والخ ]]
وهالشي مستحيل انساااه || يتكلم وفعينه دمووع ||
يعني معقوووولة اخلص واضحي واحبها بكل صدق ولا ارضى لاي شي يمشهما بسوء .. تسوي فيني كذا
حرااام والله حرااام ... يعني انا مو صاحي وافشل !! || ويبكي || [[ منظره كان يقطع القلب ]]
توقعتها غيييير ، توقعتها بتوقف معي ،
تصدق
محد كان وياي
غير اختي سحر ،، ولا ابوي وامي من كثر مايتخانقووا يجووا يكملوا فالغرفة اللي انا فيها .. تخيل !!

{ عادل } : .. .. والله مدري شقووولكـ، ؟!!
بس تدري ، احسن يوم انها قالت كذا ،، عشان تعرف معدنها زين
هي شكلها لقت وااحد او كانت تبغي تستغلك فقط لاغير ،، صدقني
{ خالد } : مستحيل اتصور ان علا كذا ؟ والله انصدمت وتغيرت من يووومها ..
{ عادل } : صدق ان الدنيا تعلم اللي مايتعلم .. بس ياخالد هذا مايعني توقف حياتك عشان وحده !
إعتبرها ماضي فاات .. او اقوولك .. انساااها
{ خالد } : ماقدر ..
{ عادل } : لا ياخالد لاتخلك ضعييف لهالدرجة ومووو بنت اللي تلعب بحياتك ..
صدقني بكراا بتنسااها وبتدعيلي ..
{ خالد } : الله يسمع منك .. لاني عن جد تعبت وااايد . وكلما افكر فهالشي ،، اتعب اكثر ،،
{عادل } : ودر عنك هالسالفة ،، وخلنا نستااانس .. شرايك نروح السيتي نضرب لفة !؟ ماتعرف يمكن تلقى لك وحده ؟! خخ
{ خالد } : عادل خل عنك تدري اني ماحب هالسوالف
{ عادل } : ماتحب هالسوالف لا حبيبي .. قووول انت محد اصلا يعبرك http://www.albrzh.com/vb/images/smilies/bsmails/abu-asail%20(21).gif ( هذا شكل واحد يعبروووه ) خخ
{ خالد } : ماقووول إلا مالت عليك بس هه
{ عادل } : انزين خلى ابغي اشتري ملابس جديدة يمكن حد يعبرني .. تعبت محد [يفيسني] !!! خخ
{خالد } : اسميييك ..
{ عادل } : اييييييييييييوا .. إضحك ياعم .. شف شلووون وجهك منوور .. بس لاتحاول مابنشتري كرست خخ
{ خالد } : إمش .. إمش .. احسنلك خخ

..........


يتبع ..

[هاجر المحفوظي]

نكمل القصة [ الجزء 3 ]



ومرت الايااام ..ورجع خالد لكليته ..

..........

فالكلية ,,

{حسن } :هلاااااااااااااااااا بخّلّوووود شحاالك؟ عساك بخير ..
{ خالد } : هلا والله بحسوونه .. بعدك ماتغيرت زندوول خخ
{ حسن } : حرام عليك خلوود .. ماتشوفني ضعفت عن اول ..
{ خالد }: ا والله صح .. شسالفة ؟!
{ حسن }: محسوووبك يحب خخ
خالد __ [ شرد فكره ]
{حسن }: خلووود ,, خلوود ,, شفيك ؟!
{خالد}: هااا ؟
{ حسن } : لاااااااه .. انت حالتك صعبه!!
{خالد} : خلها مستوورة هه!!
{حسن }: احسنلك لاني مب فااضي خخ

......
عادل وخالد اتقفوا يطلعوا يتعشوا فهاليوم
وعادل كان بيمر على خالد لان العزومه عليه والسبب انه تخرج
فراحله لبيته وانتظر خالد فالسياره على اساس يتصلبه به من يوصل عدال البيت ويطلع خالد
ويرووحوا

{عادل} :ياربيييييييي هذا شقيه مايرد !! خلني اجرب مره
-ويجرب مره واثنين وثلاث .. ومحد يرد
{عادل } : http://www.7oob.net/smiles/15/Q82_20.gif ,, هذا شفيه ؟! والله خوفني .. احسنلي انزل اشوفه ..
بس خوفي تتطلعلي الخدامة تأخرنا ومانطلع البررر

-وينزل عادل وأول مايحط ايده ع الجرس يريد يدقه .. تتطلع اخت خالد تصييح وتركض لسيارتها
{عادل} : مافهم شي . وراح وراها يفهم شصاير
{عادل} : اختي شفيش ؟! شصاير ؟ عسى ماشر
=البنت ماترد وخذت السيارة تصيييح مثل المجنونة !!
- عادل خاف كثير لايصير فيها شي وقرر يروح وراها لان الواحد اذا ساق فحالتها مستحيل يشوف قدامه
وهو رايح جلس يتصل ويتصل فخااالد واخييييرا رد
{خالد}: الوو
{عادل} : خالد وينك؟ [[ بعصبية وخوووف ]]
{خالد } : انا توني راجع البيت شفيك ؟!
{ عادل} : بسرعه تعال المكان الفلاني الحقني
{ خالد } : ليش
{ عادل}: مافي وقت تعال وبتعرف
{ خالد}: اوكي جاي جاي

=البنت تسوق بطريقة مخييفة كثير حتى عادل حاول يتجاوزها عشان يوقفها بس ماشي فاايده
وجلس يتبعها لحد ماوصلت الشاطي وهي توقف دعمت الرصيف وجلست تبكي كثييير

-عادل وصل عندها وشاحت سيارته شوي وبسرررعه نزل عندها وجلس يدق جامة السيارة
وبعد شوي وصل خالد وينزل يركض لعند سيارة عادل
{خالد} : عادل شفيه ؟!
-وينصدم خاالد .. لانه شاف سيارة اخته ..


يتبع

[هاجر المحفوظي]

الجزء الرابع

هذه تكملة القصة بس بعدنا موصلنا النص ههه

عواافي



{خالد} : سحر !!!!
{عادل} : اختك كانت ناوية تقتل نفسها ارجووك شوفها
{ خالد} : سحر ارجووك فتحي الباب .. فهميني شصار ارجوووك سحور ارجووك
{سحر} : مابي اعيش .. ابي امووت
-عادل راح لسيارته وتركهم لانه ماحب يدخل ..بس هو كان مستغرب ومافاهم شي !!
{ خالد} : سحر فتحي الباب
{ سحر } مابي شي مابي [ وتصيح ]
-وتفتح الباب لاخوها
{خالد} : يلاا هدي وخبريني شصار ؟! شفيها اختي الحلوة تصيح ؟!
{ سحر} : فيني !! شقوول بس
{خالد} : قولي وانا اخووش
{ سحر } : [ وهي تبكي ] ابوي يبغي يزوجني سامي
{ خالد } شوووووو!!!!!!! .. ليش؟ ومتى وكيف ؟!!
{ سحر } : ارجوك خالد تدري ان سامي خبيث ومازين وانا ماطيقه .. ارجووك مابي اموت
ابي اعرس مثل اي بنت بس ابغى زوج احبه ويحبني مابغى فلووس !! ابغى احساس
ابغى انسان يعيشني فحب واكون له كل شي وهو نفس الشي [ وهي تصييح ]
خالد انا .. اناا..
{ خالد } : انتي شووو ؟!
{ سحر } : انا مابرجع البيت
{ خالد } : شووووووووووووووووو ؟!!! شو تقولي ؟
بترجعي وخلي عنك وابوي انا بكلمه ؟؟
{ سحر } : ابوي مستحيل يقتنع هو يحب سامي كثير ومستعد يسوي اي شي عشانه
كلمته وماطاع ولاحتى خلاني اكمل كلامي قالي انت ماتعرفي شي هذا اللي بيريحش
وهو مايعرف ان هذا اخبث شخص .. لييش ياربي بس لييش .. انا شسويت [ وتصيح ]
{ خالد } : اهدي سحر وانا اوعدك دامني حي ماراح تتزوجين غير الشخص اللي يناسبك وتبغيه
{ سحر} : وشو يضمنلي ..
- خالد دمعت عيييينه كثير
{ سحر } : خالد والله انا ماقصد والله اخوي سامحني
{ خالد } : عادي سحر انا ادري يمكن مابعيش كثير بس لاتخافي كل شي بيكون بخير .. اوعدك ..

يتبع

[هاجر المحفوظي]

الجزء الخامس من قصة ملاك خالد .. اتمنى يعجبكم



.......

خالد رجع اخته البيت وخلها تروح ترتاح ولاتفكر بشي
وهو طول الطريق كان باله مشغول في الوعد الي وعد اخته وهل ياترى بيقدر يسوي شي?

خالد دخل غرفته وفباله الف سؤاك وعيونه شايله حزن الدنيا , فكر يروح يكلم والده بعد العشا ويقنعه/ وفعلا خالد انتظر يخلصو يتعشو عشان يفاتح والده بالموضوع واول مانتهو خالد قال حق ابوه: ابوي اريدك فموضوع مهم اذا تسمح?
الاب: تفضل , شو عندك?
خالد: ابوي سامي ... يشرب ..
ويضحك الاب: الحين انته معطلني عشان تقول هالشي! ماكلنا نشرب ماي عصير يعني شفيها!
خالد: ابوي انت فاهم قصدي سامي انسان سكير ..
يقاطعه الاب : انت اخر واحد تتكلم عن ولد عمك.. وبعدين سامي ماعنده هالسوالف وان كانت عنده مابيقدر يوصل للي هو فيه, وانت نسيت انه عنده خير وانه ناجح ومسؤول..
خالد : ابوي كل الي اريد اقوله ان سامي شخص مامناسب لسحر /
يقاطع الاب: مانت الي تقولي شو المناسب لها , هذه بنتي وانا ادرى بمصلحتها
خالد: بس يابوي..
الاب: لابس ولاشي والملكه تحددت الخميس الجاي ..
وفهالوقت سحر كانت تسمع الحوار وقالت: ابوي ماريده ماقدر ازوجه ماريده وتصيح
الاب: ليش ماتقدري ? قولي في حد فبالش
خالد: ابوي..
الاب: انا قررت وخلاص وكلامي الي بيمشي
راحت سحر تركض لغرفتها وتصيح مثل المجنونه وسكرت ع نفسها الباب
{ سحر من الناس الحساسه الي ماتعرف كيف تدافع عن نفسها ولاتقدر تعارض والديها فشي بس اذا زعلت مصيبه }
جلست تكسر كل شي حواليها وخالد خاف ع اخته وراح يدق الباب بس بدون فائده!
خالد: سحر حبيبتي ارجوك فتحي الباب
سحر وهي تصيح : لا مابفتح خلوني اموت ليش اعيش ولمن اعيش
خالد: عشان اخوك .. سحر فتحي الباب
''ومافي فايده ''/ خالد ماترك اخته لانه يعرفها اذا تضايقت ممكن تسوي اي شي بروحها
فجلس عند الباب لحد مانام,,, وهي مافتحت لاحد .!! ...

.................................................. ...........

بعد ايام...


سامي كان جالس مع صاحبه احمد فاللي ينقال عنه { كوفي شوب ..!!!! يسولفوا
احمد: صحيح مبروك عقبالنا ههه
سامي: يضحك, انت تتزوج خخ لا خلك كذا انت وسوالفك
احمد: لعنبو ابليسك الي يسمع انت مره ملك ماوراك بلاوي .. ياملاك !!
سامي: اي بس ما مطيح الشعب مثلك, مابقيت بنت ماتعرفها لا وبعد مخطف ع خدامات الحاره ههه
احمد: اسكت احسنلك , خدامات فعينك , انا مستواي ارقى هه اختارلي بنات هوامير اترزق من وراهن مانت طايحلي حب هه
سامي: اسكت انت ماوجه حد يقولك سر , مالت عليك بس وبعدين انا ماتزوجتها حبا فيها لا ياحبيبي ,, تزوجتها بس عشان ارد ثار والدي من عمي.
احمد: اوووهووو بسك بسك صدقتك خخ / ماحب مسلسلات رمضان هذه ,,
الحين يللا انا بترخص عنك عندي شغل ..
سامي: زين روح اعرف استانس وحدي هه
أحمد : اي قول كذا من الاول .. يحلالك الجو دوني .. وبعدين قول انا اللي مخطف مانت !! / يللا شاو ..
سامي : روح زين خخخ !!

..................

سامي كالعاده من تزوج سحر يرجع البيت متاخر وهو سكران وحالته زفته
وكل مره يرجع يشوف سحر خيفانه وجالسه فالزاويه
يدخل ويقول كلام ماموزون ولافاهم شو يقصد واحيانا يسب سحر وساعات يرمي اي شي قدامه عليها ولا يبالي لانه اصلا مافوعيه !! [ سكران بالعربي ] ..
وهو في هالحالة دائما .. !
بس سحر ماخبرت اي حد بهالخصوص ولاحتى تزور اهلها بسبب اللي يجيها من زوجها وخوفها منه وبعد بسبة الكدمات اللي فوجها .. والضرب اللي كان يجي منه ..
بس كانت كل مرة تسكت وتنطوي لحالها وتقعد تبكي لحد ماتقوم تالي اليوم وهي على هالحال ..~

...

يتبع ..~

[هاجر المحفوظي]

امس خلصت من كتابة الجزء السادس وفي شوية اكشن خخ

انتظر رايكم




......


رجع سامي سكران البيت بس هالمره مانتبه لوجود سحر
وعلى طول حط راسه ونام لانه كان تعبان من كثر الهياسه! والتخبيص,.

سحر كانت ماموجوده بالغرفه وسامي ماحس بعدم وجودها
لانه ماعلى بعضه
عموما
سحر كانت ماتقدر تطلع من البيت ولاتقدر تسوي اي شي لانها عارفه شو بيصيبها ففضلت تسكت وتتحمل زوجها
وكل ما اخوها يتصل تتعلل انها فالكليه او انها بيت ربيعتها والخ بس عشان مايشوفها خالد بهالحاله,. كانت تعاني بصمت وطبعا ابوها لاهي ولايسال ولاداري!
...
قام سامي من النوم وجن جنونه لانه مالقى سحر وراح يدور عليها فالبيت وبعدين سمع صوت بكا وتبع الصوت
لحد ما شاف سحر وانصدم
!! ياترى ليش??
سحر كانت فالغرفه الثانية الي فبيتهم | وهالغرفه دائما يدخلها سامي ويسكر ع روحه ويقعد بالساعات وبعدين يطلع ويسكر الباب وياخذ المفتاح معه بس هالمره من نام حط المفاتيح فوق التسريحه وشافتهم سحر
خذتهم بدون لا سامي يحس ودخلت هالغرفه عشان تعرف شفيها لان سامي حذرها تدخل / دخلت بس ماشافت شي غريب لان الغرفه كان فيها طاوله وكرسي ووديكورها بسيط بس الي صدمها الرسومات الي كانت معلقه والمذكرات الي كانت فوق الطاوله كلها كانت عنها
وكل الغرفه صور متناثره واوراق..
راحت تقرا وتقرا وتقرا وتبكي اكثر واكثر واكتشفت اشيا ماكانت تعرفها!
لحد ما دخل سامي وهو مامستوعب الامر,, ولاقادر يقول شي وكان يريد ينازع سحر لانها دخلت الغرفه / بس قبل لا يرفع صوته سحر اول مره تستقوى ع سامي لان الي قرأته ماشوية
سحر: سامي شو هذا كله وليش مخبي كل هذا داخلك ليش? انا مامن حقي اعرف? مامن حقي .. وتبكي .. ليش ماقلتلي وليش كذا تعاملني ليش بس ياربي ليش
سامي : لاول مره يبين دمعه لأحد بس ماتكلم....
/ مسك يد سحر بقوه وطلعها من الغرفه وسكر الباب واخذ مفاتيح السياره وطلع وقبل لايروح قالت له سحر: اذا طلعت بحرق روحي...
شاف عليها سامي ومانطق بحرف لان عارف انها ماتقدر وانها اضعف من انها تسوي شي كذا
/ طلع سامي من البيت وهو متضايق حده.. دخل سيارته وسكر ع روحه وقعد يدخن سيجاره وراء الثانيه لحد ماخلص الي عنده .. وحس بضيق وقعد يكح ويكح ويكح... وظل حزين لانه حس نفسه ضايع وظل يبكي!
لحد الفجر بعدها قرر يرجع البيت ومن رجع ودخل غرفته شاف سحر تصلي وتدعي الله وكانت تبكي بحرقه وبقوة وتقول : يارب انا مابي شي من الدنيا ياربي كل شي طلبته بس حنان بس مالقيت حتى ابوي ماحظني فيوم وامي من كثر مشاكلهاتغيرت وماصارت تهتم بي وخالد .. وتصيح.. وينه خالد .. اخوي ودنيتي وكان كل شي والوحيد الي فهمني.. يارب انت العالم شكثر عانيت واعاني و .. بس الي عرفته وشفته صدمني .. يارب خذني يارب خذ حياتي بس اهدي سامي.. يارب ماريد شي بس اريده يتغير انا اعرفه ماكذا وماصار كذا الابسبي وعشاني انا ياربي ارجوك ياربي ارجوك
خذني واهدي سامي وسامحه واغفرله ياربي .. وتبكي.. ياربي انت العالم كم وكم بغيت اخنق روحي عشان الي اشوفه والي يجيني منه كل يوم بس ياربي انا مسامحته ايوا مسامحته ولا اريد شي غير رضاك عليه يارب..
وظلت سحر تدعي وتبكي لحد مانامت فوق سجادتها...

فاليوم الي بعده سحر قامت بس ماستوعبت شو صار
شافت روحها نايمه وبجنبها بوكيه ورد يجنن مكتوب عليه: أسف على كل الجروح / بودعك بمشي واروح... انتي عانيتي واجد فحياتك وانا ضريتك وقتلت نفسك معي وهدمت حياتك .. بس اوعدك انك راح ترتاحي من عذابك ومني.. انا بطلقك وبخليلك البيت وكل شي تحتاجيه بيوصلك .. بس خلي بالك ولاتسالي عني وان شا الله ترتاحي .. انا اتأسف عن كل لحظه عشتيها معي وادري اني عذبتك بس ماكنت فوعيي ولاكنت داري بالي اسويه.. حتى ماحسستك بقيمتك ولا وحسستك بالي كان لازم تحسيه.. حرمتك من ابسط حقوقك وانتي كنتي فوق كل هذا ساكته وراضية بقسمتك.. راحل انا واوعدك مابيصيبك شي من عذابي.. انا اسف ... ورقتك بتوصل اول ماتبغي... سامي,.

سحر ماقدرت تفهم شو الي قلب الوضع ولاعرفت كيف تتصرف لانها حست ان سامي بداخله شخص غير والي يظهره شخص اخر ... ماكانت عارفه شو تسوي.. وكلما تشوف الورد جنبها تبكي من الفرح لان هذا اول بوكيه من زوجها .. بس فنفس الوقت تتذكر كل شي وترجع تتألم ماعارفه شو تسوي...

.................

يتبع ..!

[هاجر المحفوظي]

الجزء السابع
هذا الجزء السابع من القصة وشوي طويل ..~

كتبته في ساعه خخخ

............................

قامت سحر من فراشها وحست بدوخه قوية لانها ماماكله من ايام وهملت نفسها فجلست عالسرير لحد ماحست انها ماتقوى وع طول اتصلت بربيعتها ملوكه عشان تاخذها العياده لان حالتها سيئه..
(ملوكه او ملاك ربيعه سحر فالكلية والوحيده الي تعرف كل شي يصيب لسحر / بنت حلوة وحساسه وقلبها ابيض والي فقلبها ع لسانها وكوميديه كثير بتصرفاتها)

سحر بصوت مريض: الو
ملوك: الو .. هلا سحور .. هلا بالجمال والدلال والفناجيل ههه
سحر : هلا م.. لو.. ك
ملوكه: افا خير سحور? شكلك مره تعبانه .. شو صار.. قولي
سحر: س..ا وتصيح
ملوك: خير شو سوى سامي.. جايتنك البيت.. دقايق وبكون عندك..

وتوصل ملاك بيت سحر وتدق الباب بس ماحد رد فقررت تدخل .. دخلت وشافت سحر طايحه بالارض وراحت تركض صوبها.. سحر/ سحر ردي علي.. ماردت.. وحاولت تشيلها بس نفس الحاله ماقدرت فقررت تتصل بالاسعاف.. واتصلت وبعد خذت جهاز سحر وقعدت تدور اسم خالد.. اخو سحر .. لانها تدري محد بيهتم غيره .. لقت الاسم واتصلت..
ملاك: الو...بسرعه رد
خالد قايم من النوم: ا.. لووو
ملاك مثل البرق: خالد بسرعه تعال اختك طاحت وتو بنشلها ..
خالد: الو.. من.. وش .. خير http://www.7oob.net/smiles/15/Q82_20.gif
ملاك عصبت: اقولك اختك فالمستشفى يا ... خوي / وتسكر الجهاز

فالمستشفى

ملاك تنتظر الدكتوره تطلع من عند سحر .. واول ماطلعت سالت الطبيبه عن سحر
الدكتوره: تطمني عطيناها مغذي والحين بودي التحليل المختبر وببلغك بالنتيجه
ملوكه: تسلمي وربي عسى خير
الدكتوره: هذا واجبنا لاتحاتي...
..
وتدخل ملوك تطمن ع سحر فجلست جنبها تطالعها وهي حزينه..
ملوك: ياربي محد جا يزورها ليش كذا هذول.. احسنلي اتصل فذا المخرف خالد وان استعبط برويه شغله هالمره..

وتاخذ جهاز سحر وتطلع برا الغرفه بس قبل لاتتصل نادتها الدكتوره .. فراحت ملوك لعندها عشان تشوف النتيجه وتعرف حاله سحر والعلاج اللازم
فهالوقت وصل خالد المستشفى وسال عن اخته وعرف محلها .. وراح للغرفه الي سحر فيها.. اول مادخل .. شاف اخته وكنه من سنين ماشافها .. نحيله وشكلها متغير .. فقعد جنبها وحن لايام زمان وقعد يتذكر.. اخذ يد اخته وجلس يدعي الله تقوم بخير.. وقالها : الي وعدك بعده مامات وانا بعرف كل شي صار وبطلعلك من العذاب الي انتي فيه اوعدك..
..
هنا ملوك دخلت منصدمه من رد الطبيبه وماعارفه شو بتقول وهل تخبر سحر او تخبر زوجها سامي عن النتيجه?

دخلت ملاك وشافت خالد..
ملاك فاتحه عيونها وطابقه:السلام عليكم
خالد: وعليكم السلام
ملاك: انت خالد?
خالد : ايوا
ملاك: طيب زين جيت لان لازم اروح.. وبجي باكر الصبح اطمن ع سحر.. خلك بالك منها
خالد: طيب ياختي والله مدري شقولك بس ربي يبارك فيك عالوقفه هذه
ملاك : تسلم .. عموما اترخص بسير.. في وداعه الله
خالد: الله معاك

وتطلع ملاك وبعدها ماعدت خارج الغرفه: يالله كيف حليو يالله ارزقني زوج مثله
خالد: اختي شنطتك وهو فاطس ضحك.. لانه سمعها..
/ هنا ملاك انحرجت وخذت الشنطه وغطت وجها بالشيله وراحت تمشي بسرعه من الخجل .. مستحيل تقدر تطالع فشكله مره بعد هالموقف المحرج..
...
وقبل لاتتطلع ملاك رن جهاز سحر الي كان فيدها...
( خالد.. يتصل بك)
انصدمت ملاك وماعرفت شو تسوي.. واخيرا ردت
ملاك: الو
خالد: هلا ..اسف اختي بس بسألك.. انتي كيف بتروحي وانت جاية فالاسعاف?
ملاك: صح.. نسيت هه / عادي تو بتصل فاهلي يجو ياخذوني.. والحين بسلمك جهاز سحر.. دقايق وبجي اعطيك اياه
خالد: تمام
وتسكر المكالمه .. وهي راجعه رسلت مسج حق سامي.. هذا نصه( هلا .. سحر بتموت بسببك .. هي فالمستشفى / حرام الي تسويه فيها.. خاف الله ..
...
سامي اول ماقرأ الرساله جن جنونه واتصل..
ملاك: الو
سامي : الو .. شو صاير.. شفيها سحر? شفيها?
انا الحين باخذ اول طياره لعمان وبرجع.. قولي ياختي دخيلك شفيها?
/ملاك استغربت من سامي وكانه شخص غير الي تعرفه/
ملاك: هي فالمستشفى مريضه كثير ياليت تجي بسرعه لان في شي مهم لازم تعرفه
سامي: انا الحين راجع ياختي بس شو هو الشي رجيتك قولي?
ملاك: سامي.. زوجتك محتاجتلك هذا الي اقدر اقوله ومحد يعرف بشي
اتصل بخالد هو معها وارجوك ارجع بسرعه لانها محتاجتك.. انا بسكر الحين
سامي: اختي ارجوك شفيها سحر..
ملاك: سحر ياسامي كانت حامل ومات الجنين واهملت نفسها والحين حياتها فخطر.. وانت ماعندك خبر..
سامي: شو تقولي!!!!!!
ملاك: الي سمعته.. ويمكن ماتقدر تنجب ابدا..
سامي: الله يصرفني انا شسويت ويبكي ويدعي ع نفسه
ملاك: اعتذر ياخوي لازم اسكر واتمنى تغير حياة سحر لانها بجد محتاجك اكثر من قبل..... مع السلامه

سحر ماكانت تعرف اي شي عن الموضوع واول ماجت الدكتوره.. خبرتها
سحر: لا .. ماصحيح قولي انك تكذبي..
الدكتوره: يابنتي هذه اراده الله
سحر تصرخ وتبكي: لاااا ياربي لااا.. ياربي خذني ماريد اعيش خذني ولاتاخذ ولدي يالله
الدكتوره عطت سحر ابرأه مهدئه وطلعت
وظلت سحر تبكي وتبكي بحرقه وهي على هالحالة لساعات ...
لحد ما دخل سامي وفعيونه الف دمعه وحزن ..!
راح ولم سحر لحضنه وهو يبكي
وقعدت سحر تصارخ.. ماريدك .. وتضرب سامي.. قتلت ولدي ماريدك روح .. روح.. روح ماريدك ماريد

هنا سامي اخذ يد سحر وكفخ وجهه وقالها: ضربيني واقتليني وسوي الي تبغيه بس انا مابخليك
سحر تبكي وتصرخ: روح خليني ماريدك
سامي': لا ماني مخليك ابد وبعوضك كل شي وربي ماياخذ روحي قبل مااعوضك كل شي تستاهلي ان شا الله
{ ويمسح دموع سحر..} وضمها بحضنه وقعد يقرا لها قران لحد مانامت....

دخل خالد.. وشاف سامي بس مانطق بحرف.. لانه حس بفرح مع انه ماعرف اي شي عن الي صار لاخته وهو غايب .. وطلع بكل هدوء...

اليوم الي بعده.. صحت سحر من النوم وكانت تحسب روحها فحلم.. لانها شافت زوجها نايم فالكرسي الي كان جنب سريرها .. قامت وراحت غطته وفجأه قام سامي: سحر ليش قمتي? ردي نامي انتي تعبانه ولازم ترتاحي.. يا ..
سحر: ......
قام سامي من نومه وقعد يطالع فزوجته وكانه ماشافها من زمان.. بعدين راح وجاب فطور حق سحر.. قومها وخبرها تفطر بس مارضت.. فقعد يلقمها بشويش ولايعرف.. وكل شوي يكب اكل لحد ما فطست سحر من الضحك..
سامي: الله.. شحلاتك وانت كذا.. اكلي بسرعه عشان تتطلعي اليوم
سحر تطالع سامي: ........
سامي: شفيك سحر? قولي لاتخوفيني عليك
سحر: سامي.. بتطلقني?
سامي: وش ذا الهرج? من قالك هالكلام? فال الله ولا فالك.. ان سمعتك تجيبي هالطاري ياويلك..
سحر حست بارتياح ماعرفت وش سببه!









يتبع ..~

[هاجر المحفوظي]

الجزء 8


هلا بالكل .. هه اليوم قلت ماصيحكم ..!
وكتبت هالجزء واحولن عيوني لاني كنت نعساانه حيل وسي وموالح خخ هههه



ملاك كعادتها من تصحى من النوم تشوف جوالها.. هاليوم اجازه والحبيبه قايمه متأخر وبعد لانها تعبانه.. المهم/ شافت 5 مسجات 3 مكالمات وخافت..
فتحت سجل المكالمات ولقت ال5 من 3 ارقام غريبه .. واحد منهم كان كذا مره اتصل فيها وماردت لانها كانت فمحاضره .. وبعدين شافت المسجات..
كلهم من نفس الرقم ...
الأول.. { مساءك ورد..!
الثاني.. { اذا كان الورد نايم فانا اعتذر.. ازعجتك..
الثالث.. { ياقلبي ردي علي..
لاتنطريني واجد! اخاف فيك شي..

ملاك جنت وعصبت.. وقالت : اتصل وانا ارويك شغلك..
ماهي ثواني الا والاخ يتصل..
ملاك ترددت ترد بس بعدين قالت برد وبشوف شو يريد هالماصخ!!
ملاك: الو
الولد: الو.. هلا بقلبي وبالزين كله .. هلا بالورد والفل.. هلا والله
ملاك بعصبية: ولد الذين .. من انت وشو تريد مني? وش هالسخافه الي قاعد تقولها?!
الولد: انا هه مامهم من انا.. المهم انتي ياملاك.. الا جد من سماك كذا لان فعلا انتي ملااااااااك..
ملاك: انت كيف تعرف اسمي? بتقول من انت ولا كيف?
الولد: انا مابس اعرف اسمك.. اعرف كل شي عنك.. واعرف وين تروحي ومن وين تجي وان بغيت اعرف شو تاكلي ماهي صعبه علي!
ملاك: والمطلوب شو!
الولد: طلعي برا وشوفي وش في فوق سيارتك.. ولاتحاولي تخبري حد لان بقلب الموضوع عليك.. ولاتنسى اخوك احمد شو بيسوي فيك.. شاااو ياعسل!
ملاك: انت واحد نذل وحقير وماتتسمى .. الو .. الو..
{سكر الخط!.!
ملاك ماعرفت شو تسوي وقررت تروح تشوف وش في فوق سيارتها قبل لا ابوها او اخوها يجو ويحسبوا ان عندها سوالف وتروح فيها
...
نزلت ملاك وراحت عند سيارتها وشافت دبدوب كبير وبوكيه ورد وبطاقه حب كبيره
وماكان منها غير اخذتهم وركبت السياره وراحت تدور درام بلديه بعيد تعقهم فيه.. وتكرر هالوضع وصار الاخ يزعج ملاك وهي كل مره تحقره وتطنشه بس ماتاب ومصر انها ترد.. فكرت تغير رقمها بس اخوها بيشك فيها لانه متشدد وبعد ان خبرته بيمنعها من امور كثيره خوفا عليها ع قولته وبعد لانه ينتظر زله من اخته عشان يزوجوها!!
..
ملاك قررت تروح المسا عند سحر لانها بتطلع من المستشفى .. راحت تاخذلها هديه روعه.. واتصلت فسحر عشان تخبرها بالزياره
ملاك: الو سحر.. الحمدلله عالسلامه(:
سحر: ربي يسلمك غناتي... فديت روحك..
ملاك: حبو بجيك المسا البيت لاني مافاضية وقت غير وراي امتحانات وبلاوي الدراسه
سحر: هه افا عليك حياك اي وقت
ملاك: اي وقت ها ههه عجب خبري الزوج من باكر دوامي عندكم شرايك ههه
سحر: هه انتي بتخبريني بالرد لمن تعرسي
ملاك: ( بعده مايعرف يدق الجرس هه)
سحر: خلي يجي اول وبيعلمه..
ملاك: لاتعوريلي فؤادي هه اصلا انا ماعرف كيف يشوفوا كل هالجمال ومايترسوا عند الباب ):
سحر: بسك بسك هه بموت ضحك وانا مابي ضحك هه
.. انتظرك لاتتأخري
ملاك: اوكي تمام.. نلتقي..
سحر: في وداعه الله..يتبع ..

لا احلل النقل او السرقة باي شكل من الاشكال

[هاجر المحفوظي]

http://www.7oob.net/smiles/15/Q82_20.gif

أعتذؤ على الانقطاع بسبب ظروفي الخاصة
لكن كتبتلكم الجزء ماقبل الاخير بإذن الله
وهو طوييل .. بحكم ان في واجد امور خخخ !!
عاد الاكشن في الحلقة الاخيرة ..~

عوافي على قلوبكم واتمنى يعجبكم الجزء ...





فالمستشفى
سحر كانت تلم اغراضها عشان ترجع البيت وجا سامي وخذها ورجعواا
اول مادخلو البيت ..
سحر مستنده عسامي
سامي: شوي شوي يا ..سحر
سحر: لاتحاتي شده وتزول يالغالي
سامي: الله .. صحيح انا غالي?
سحر بخجل: اي بس ما واجد الا كثير هه
سامي: عشان هالكلام الحلو اليوم انا بطبخلك بيدي احلى عشا
سحر بعد ماجلست: ليش انت تعرف تطبخ?
سامي: يا .. حبيبتي بعدك ماعرفتي شي عني
سحر: ...
سامي: سحر شفيك ساكته?
سحر: صدق انا حبيبتك?
سامي: قتلك بعدك ماتعرفي شي.. عموما ارتاحي انتي الحين وانا بسير اشتري كمين غرض لزوم العشا
سحر تتمسخر: من تو كنسل طباخك اخاف بطني يألمني
سامي يقرص خدود سحر بلطف: انا اوريك ياعسل.. يالله بروح.. تريدي شي حبي?
سحر: لا سلامتك بعد هالكلام الزين شو ابغى بعد! .. ربي يحفظك وشوي شوي وانت تسوق
سامي وهو طالع: امرك يالغالية..
ويروح سامي ...
سحر: خلني اشوف ملاك متى بتشرف وابشرها بالحلم الي انا فيه
ويدق جرس البيت...
سحر: بروح اشوف من جاي
خالد: السلام عليكم
سحر: وعليكم السلام.. اقرب
خالد: لا فديتك مستعجل شوي بجيك باكر.. المهم خذي هالكيس وحطي عندك وباكر بفهمك الموضوع
سحر: اي موضوع!!!
خالد: باكر بخبرك.. يالله بسير .. تبغين شي?
سحر: لا فديتك
خالد: سلامي لسامي .. حياك الله
سحر: الله يحيك ولاتشيطن وانت تسوق
خالد: ان شاء الله ارباب هه
وتدخل سحر البيت وهي مستغربه ومافهمه اي شي! ولاتعرف شو سالفه الكيس...
/ خالد قبل مايركب سيارته ويروح شاف ملاك توقف سيارتها وتنزل
ملاك : السلام عليكم
خالد: هلاااا وعليكم السلام.. شخبارك?
ملاك: تمام ربي يسلمك.. سحر موجوده?
خالد: ايوا هي فالبيت.. يالله مظطر اترخص عنك
ملاك: طيب
وقبل لايروح خالد
ملاك: خالد
خالد: نعم اختي
ملاك(فقلبها): دوكم هذا ماختك انا ):
خالد: ملاك خير شو بغيتي?
ملاك: بغيتك فموضوع يخصني وماعرف كيف اخبرك بس ماعرف حد ممكن يساعدني..
خالد: افا وانا اخوك
ملاك تقول فقلبها: ياربي هذا شفيه ما اختك انا):
خالد: ملاك شفيك تسكتي
ملاك: ولاشي .. بس كيف اخبرك او
خالد: عادي قولي السالفه الحين
ملاك: امم السالفه ان في واحد مجنني
خالد: شو يعني مجننك بجماله ولا مجننك وجنيتي مافهمت هه
ملاك معصبه: ياثقل دمك.. تعرف مابقولك شي انا الغلطانه جيت اخبرك
خالد: افا بس ليش تعصبي بسرعه ? كنت امزح معك بس
ملاك.: وانت تمزح مع اي حد حتى الي ماتعرفه?
خالد: لا بس الي اعرفهم وشكلك ماتحبي المزاح!
ملاك: مامهم أحبه او لا..
خالد: من هو?
ملاك بعصبيه: من هو شو?
خالد بضحك: الي تحبيه ?
ملاك : اووهو شكلك تحب تطفر بالناس عن اذنك بسير داخل واجد ابركلي
خالد: مصيري اعرف السالفه
ملاك: احلم بعد هذا
خالد: مشكلتي احلم كل ساعه بس ماعرفت هه
ملاك: صدقني ان مارحت الحين بتشوف شي مايعجبك
خالد: اول حاجه تسامحيني وبعدين مابتشوفيني ابد
ملاك فقلبها / ليش مابشوفه ابد!
ملاك: عجب مابسامحك
ويجي سامي ويشوف الاثنين قدام البيت
سامي: هلا والله بخلوود شحالك
خالد: تمام فديت روحك.. اعذرني بسير الحين وبمركم باكر
سامي: ادخل وانا اخوك
خالد: بجيك ابوي لاتحاتي هه افتك مني اليوم وباكر مقيل عندكم ان شاء الله
سامي.: تمام عجب انتظرك باكر
خالد: اوك حياك
سامي: الله معك
ويشوف سامي ملاك
سامي: هلا اختي شحالك?
ملاك: اهلين اخوي.. انا اتأخرت ولازم ارجع البيت.. اذا سمحت عط سحر هالهدية وقولها بمرها باكر
سامي: طيب تسلمي اختي وان شاء الله نرد الجميل
ملاك: ماسويت شي سحر اكثر من اخت بالنسبه لي.. اترخص انا.. مع السلامه
سامي: مع السلامه
ويدخل سامي البيت
سامي: شخبار حبيبتي الي واحشتني?
سحر: بخير بشوفتك .. انتظر اذوق العشا الي بتحضره
سامي: لاتحاتين العشا جاهز بس احضره دقايق ويكون جاهز
سحر:‎ ‎هه قتلك ماتعرف تطبخ
سامي: اليوم ماخذ اجازه بس باكر بتشوفي ههه صبري شوي وبرويك احلى سفره
سحر: اوكي ياعم ناطرتك تخلص
وقعد سامي يجهز العشا ويزين الطاوله
سامي: فلتتشرف زوجتي الغاليه لتناول العشا
سحر: بنشوف شو مخبص هه
سامي: صح اولا لازم اغمضلك عيونك واخذك ومن اخبرك تشوفي شوفي
سحر: طيب يالله ابا اشوف
سامي: اوكي غناتي
وغمض عيون سحر واخذ يمشيها لحد ماوصلو قدام الطاوله
سحر: اشوف الحين
سامي: اي شوفي
وتفتح سحر عيونها وتشوف
سحر: شو هذا سامي? روعه دخيلك تجنن السفره.. انت مسونها صدق?
سامي: هه وانا شقول من الصبح
سامي كان حاط مفرش احمر على الطاوله وبالنص حط شمعدان عليه 3شموع حمراء وبعد نثر ورد احمر مع ابيض وكمين حبه لولو وحط خفايف مع كيك وسويتز يعني عشا رومانسي ولا اروع وكانو فقمه الفرح ومستانسين^^
...
خالد فهاللحظه كان رايح لأحلى مكان عنده.. وهو الشاطيء واول مانزل راح يمشي وكان الجو رووعه والمكان هاديء وماكان ينسمع غير صوت الامواج .. ..خالد انسان شاعري فرآقه الجو كثير وقعد عالشاطي واخذ كعادته يرسم عالرمل ويناظر القمر... الا ويقطع خيال خالد اتصال هاتفي...
خالد: ألسلام عليكم
ملاك: وعليكم السلام.. خالد اعذرني بس بجد اريد مساعدتك لاني ماعدت اتحمل
خالد: تفضلي امري
ملاك: مايامر عليك عدو
وحكت ملاك سالفتها مع الشخص المزعج لخالد
خالد بضحك: وهذا الي مجننك
ملاك: وانت شفيك دمك ثقيل ? يعني تريدني استانس واصادقه والله يعلم شبيصير بعدين
خالد: انزين قوليلي شو تريدي اسويله وبصفتي شو?
مايمكن ياخذها حيله ويورطك اكثر
ملاك: صح بس شو اسوي
خالد: لاتحاتي
ملاك: وكيف ماحاتي
خالد: من اليوم بقوله لايتصل ولايقرب صوبك تمام?
ملاك: اتمنى بس كيف بتقدر
خالد: انا اقدر بس بشرط
ملاك: شرط!!
قول شو شرطك?
خالد: بيوصلك شي بس مابيك بعد هالشي تسأليني ولاتتصلين ولا اي حاجه.. اعتبريني محد
ملاك: شي! اي شيء?! خالد ماحب الالغاز
خالد: كل شي بوقته حلو
ملاك: يعني مابتقول ?
خالد:باكر بتعرفي كل شي ..
ملاك: الحين من يصبرني لباكر
خالد: الحين سيري رقدي وخير لباكر..
ملاك: شكرا لك وبنشوف شو سالفه باكر.. اسفه ازعجتك
خالد: مابسامحك ازعجتيني ههه
ملاك : اوو منك صدق ثقيل دم
خالد: ثقيل دم بس بتشتاقيلي!
ملاك: نعم!! اش قلت
خالد: ولاشي من رخصتك بسكر الخط
ملاك: طيب تصبح ع خير
خالد: وانتي من اهل الخير مع السلامه...

بعد أيام.. ملاك ارتاحت نفسيا من مكالمات الشخص اللي كان يزعجها وافتكت من همه بس الي كانت تفكر فيه هم أكبر.. كان تفكر بكلام خالد وودها تفهم شو كان قصده ومعنى كلامه ولأيش يلمح! بس ماوصلت لنتيجه وكانت تحاول تشد حيلها عشان تنجح وتخلص كلية بسرعه

يرن جهاز ملاك وتشوف ان وصلها مسج .. فتحت المسج وقرأته
من :9wwxyyzz ‎
هلا ملاك.. شخبارك?
إن شاء الله بخير ..
بعد ربع ساعه بيوصلك شي من عند اختى واتمنى تشوفيه وبعد كذا ماريد اي رد او سؤال منك لحد ماخبرك
اعتبريني محد.. حتى عهالمسج لاتردي
السموحه


ملاك مافهمت اي شي والغريب ان سحر مانطقت بحرف.. عموما بعد دقايق.. سحر اتصلت فملاك
ملاك: السلام عليكم يالدبه وينك?
سحر: وعليكم السلام.. انا الي ويني ولا
ملاك: ولا شو!!
سحر بضحك: ماشي ماشي نزلي انا برع انتظرك بالسياره
ملاك: اوكي بوب هه
سحر: http://www.7oob.net/smiles/15/Q82_20.gif شو بوب مابوب .. خلفان لو سمحتي ههه
وتوصل ملاك لعند سحر
ملاك: منتج عماني ها هه
سحر: ههه احسن من سيف علي مالش
ملاك: كله الا سيف عالاقل هو الوحيد الي حاس فيني
سحر: دوك انته هه ماكنه بوستر معلق خخخ.. عموما خذي هالكيس امانه من عند خالد .. الا صحيح وشسالفتكم انتوا!
ملاك: سالفتنا خخ اذا تريدي تعرفي دخلي داخل ونتفاهم ولانتي كله والسامي مالك خح
سحر: تف تف تف اللهم لاحسد خخ .. انا بروح الحين بس مردي اعرف السالفه.. يللا شاوو
ملاك: زين عجب شاوو ههه

وتدخل ملاك البيت
أحمد: ملاك من كان برا وشو الي في يدك?
ملاك: هاا .. سحر كانت جاية وجابتلي هدية
أحمد: بمناسبه شو الهدية
ملاك: ولاشي بس لانها كانت مسافره برا وجابتلي شي معها.. في شي بعد ياكونان خح
احمد: لا ياانسه ملعقه سيري قبل لا الوفك بهالمخده هه
ملأك: تصدق انت بس لو تطيعني وتعرس كان انا ارتحت أأأقصد انت بترتاح
أحمد: لااااه ومن ذي سعيده الحظ الي باخذها?
ملاك: الا تعيسه حظ الي بتوافق عليك
احمد: قولي يلا من الي عندها ذوق وتنفع لي انا رجل المستقبل الانيق الوسيم وال..
ملاك بضحك: بخخح محد غير وحده هه
احمد : اكيد بس من هي
ملاك وهي تركض لغرفتها بضحك: ميري خدامه شواخ ههه
احمد يرمي الوساده ع اخته: يالخايسه مالت عليك هع

ملاك كانت منبطه ضحك ونست موضوع الكيس .. وأول ماجلست راحت تشوف وش به الكيس.. كان لونه احمر وفيه رسومات تجنن والاحلى الهدية الي داخل.. كانت مغلفه بورق مقوى وبلون احمر وابيض وفوقه ورده وحده ملفوفه بشريط..
ملاك فتحت الهدية ولقت انها سلسه فضه عليه جحر كريم وبعد اية قرانية .. بس ملاك مافهمت شي!
بعدها لقت ساعه رجاليه بس كانت مامغلفه يعني ساعه حد!
المهم,, هي فكرت وفكرت بس ماتوصلت لحل ولاعرفت شو الموضوع وليش خالد رسلها هدية + ساعه رجالية!
قعدت تفكر لوقت متأخر بليل لحد مانامت...
..
سحر: خالد وين رايح
خالد: بروح مثل ما ولدك راح
سحر: خالد.. تعال ياخوي لاتروح.. انا ولدي مات.. انت لاتروح ..
خالد: انا رايح سحر رايح .. رايح..
سحر تصارخ وتبكي: خالد لا ياخوي ارجع لاتروح لا تروح لا ...
سامي: سحر.. سحر.. قومي حبي شفيك.. سحر
سحر تفز من نومها تصرخ : خالد .. خالد.. , سامي خالد راح ياسامي راح
سامي: سحر حبي كنتي تحلمي خالد موجود ماراح
سحر تصيح: لا راح مع ولدي راح راح راح
سامي : شربي ماي واستعيذي بالله من الشيطان.. كنتي فحلم حياتي
سحر تصيح: اعوذ بالله من الشيطان الرجيم.. بس ياسا..
سامي: لابس ولاشي غمضي عيونك ولاتفكري بشي يللا
ويضمها لحضنه يقرألها قرآن لحد مانامت وعيونه فيها دموع..
سامي بقلبه: ضيعتك مرتين مني وانا لايمكن اضيعك مره ثانيه .. مثل ماكنت احبك وشلتك فعيوني راح احبك اكثر واكثر واعوضك عن كل شي كنت انا السبب لفقده وراح تكوني تاج ع راسي .. اوعدك يالغالية ..


يتبع ...

[هاجر المحفوظي]

الجزء العاشر والاخير --- الحلقة الاخيره ههه


واخييييييييييييرا خلصت القصة خخ
سوري طولت عليكم واجد .. رجعوا اقروها للتذكير خخخ

المهم هذا الجزء الاخير واتمنى يعجبكم ..
اريد رايكم اكيد ..!!




ملاك رجعت من الكلية وحالتها سيئه .. من الصبح وهي تحس بضيق ماتعرف شو سببه بس كان خاطرها تنفجر بكا بدون سبب..
وهي فطريقها للبيت جتها مكالمه من سحر
ملاك: الو
سحر: هلا الشيخه اخبارش?
ملاك: الحمدلله بخير بس مدري ليه احس بضيق!
سحر: عسى ماشر
ملاك: من الصبح وان......
وفجأه تجي ملاك دوخه وهي تسوق وتتطلع عن مسارها وكانت اقرب للسياره الي جنبها , لحسن حظها الشخص كان منتبه و يلف عنها
وفجأه ملاك تدعم الرصيف بقوه و
سحر: ملاك.. الو .. الو
ملاك ماردت!
سحر خافت لاتكون ملاك سوت حادث , فقررت تتصل بخالد
خالد كان فهالوقت فدوامه..
سحر: الو.. خالد
خالد: هلا سحورتي شحالك?
سحر: خالد .. اخاف تكون ملاك سوت حادث
خالد منصدم: شوووووو!
وحكت سحر لخالد كل القصه/
خالد ساكت... مانطق من خوفه
سحر: خالد?اخوي رد علي,,,
خالد شفيك?
/ خالد سكر المكالمه ودمعت عينه , وطلع من دوامه يركض يروح يشوف ملاك/
خالد ماصدق قلبه ينبض من جديد ولكن هاليوم بالتحديد كان ناوي يفاتح والده بموضوع ملاك عشان يتقدم لها.. بس الي صار عكس الموازين..
ملاك اصيبت فالحادث ونقلها الاسعاف للمستشفى
ووصل الخبر لاختها الي فورا راحت المشفى
خالد كان اول شخص هناك ولحد ذيك اللحظه مانطق
الدكتور: انت تقرب للمريضه ?
خالد: حرك راسه بخفه ( ايوا)
الدكتور: البنت فاقده كمية دم كبيره ولازمها دم فورا ولا بتسوء حالتها ويمكن)..
خالد: يمكن شو؟
الدكتور: ولا شي بس نحتاج متبرع ::
خالد اقنع الدكتور يفحصه ويتبرع لملاك وفعلا تبرع لها بدمه وكان قلبه يتقطع كلما يناظرها
هنا دخلت اخت ملاك تبكي: ملاك اختي
وتروح جنب سرير ملاك وتبكي
خالد رفع راسه ماصدق الي قدامه والي يشوفه وحس انه فحلم بس للاسف كان واقع
خالد منصدم: علا!!!!
علا: خالد! انت شتسوي هنا؟
خالد: ملاك اختك؟
علا: ايوأ اختي ليش، ؟
ويدخل الدكتور
علا: دكتور شخبار اختي طمني ارجوك
الدكتور: اخت،،/ يقاطعه صوت سقوط مفاجى!!
خالد طاح من صدمته .. ماتحمل الموقفين / حبه بين الحيا والموت وان علا اخت ملاك! وفوق هذا تبرع بدمه و لا اكل شي...
الدكتور حمل خالد بالكرسي لغرفه ثانية واعطاه مغذي
وخلاه يرتاح
بعد نص ساعه صحى خالد وهو مزعوج ومصدع ومامستوعب الي صار! خالد ماقدر ينطق بحرف
وصار فاقد النطق!!
قام من سريره وراح يطل عغرفه ملاك ومن شافها دمعت عينه بعدها طلع من المستشفى وحالته يرثى لها...
سحر وصلت تبكي خيفانه ع اعز صديقاتها وسلمت على علا وجلست تراعي ملاك
وبعدها الدكتور طمنهم انها بتتعافا من كسر رجلها مع العلاج الطبيعي والكدمات بتروح مع الايام
ملاك صحت من مفعول المخدر وفتحت عينها واول شي نطقت به كان : خالد انا ب... ( شأفت علا وسحر /
وين خالد/ ليش راح وخلاني!
سحر : ملاك خالد هنا بيجي بعدين ، ارتاحي ولاتفكري بشي يالغالية
ملاك تبكي: لا خالد راح ، ادري لا ماراح انتي تكذبي علي ..
سحر!مستغربه: اي طياره واي خرابيط/ شتقولي ملاك مافهمت شي!
ملاك: خالد اتصل بي اليوم وقالي خاطرك فشي .. قلتله : ليش ؟ قالي : لاني مسافر ومابرجع .. قتله : ليش وين بتروح وتتركني ؟ قالي : ثواني بتصل بعدين .. وسكر
وانا كان بالي مشغول اليوم ولاكنت اشوف شي ولا افكر بشي غير.. سحر انا احبه ولاقدر ع فراقه .. وربي جنيت اليوم وتضايقت من قالي بيسافر! عشان كذا ماقدرت اسوق ولاشوف قدامي !
الله يخليك قوليله يرجع قوليله ماقدر اعيش دونه.. انا خلاص ماعاد الهوا نفسي ولا عدت اشرب الماي ولاعاد شي يحييني من بعد ربي سبحانه.. سحر ارجوك سحر تكفين خبريه تكفين..
سحر ماتحملت ولاقدرت تقول شي بس وصلها مسج من خالد انه في كندا ..
وظلت ملاك اسبوع ع هالحاله فالمستشفى وكان ترفض تتغذى وكله تصيح،،مافاهمه ليش راح وتركها وعلا مانطقت بحرف لانها خافت ع اختها،،
خالد ماقدر يستحمل الي صارله فسافر عشان يكمل دراسته العليا ولكنه ماقدر ينسى شي ..كل شي كان فباله،، من يوم ماتصل بملاك وقالها انا بسافر ادعيلي،، بس ان صار شي بتلقيني قباله وجهك دوم،،
ملاك مافهمته لان كان كلامه مبهم وكل تفكيرها كان بيسافر وبيروح
(انا ناقص حب ثاني اجرح منه واعاني! )
خالد تعلق فملاك كثير مع انه ماكان يعرفها زين بس حبها لانها حساسه وعفوية والي فقلبها ع لسانها،، وتذكر مواقف كثيره مرت بينهم وقعد يبكي من الضيق،، ماكان في غربه وطن ولكن كان في غربه شعور،، حس ان الدنيا تلف وتدور حواليه وان كل شي متعلق بملاك، لاقدر يدرس ولاياكل ولايسوي شي،، حالته حاله فما كان منه غير يتحمل،، صبر اسبوع واثنين بس ماقدر ينسى ولا يتناسى
خالد كان خايف مايدري شو يسوي،، انحط فموقف صعب!
بعد ايام
سحر: سامي تخيل ان ملاك لحد الحين ماترضى تاكل وحالتها تكسر الخاطر
سامي: ادري ياروحي ، تعرفي احنا بيدنا نردهم لبعض
سحر: ياليت بس كيف؟
سامي: انا بخبرك كيف بس مايعرفوا ان احنا ورا السالفه عشان مايخترب شي
سحر: تم ياعمري
سامي قرر يرد الجميل ويجمع شمل اثنين ، كأن عارف بسالفه علا بس ماخبر سحر لانه خاف تزل لسانها وتقول حق ملاك
عموما / سامي رسل مسج حق خالد هذا نصه:
في يوم كنت حاس انه حلمي بيتحقق وان كل دنيتي وهي سحر بتصير لي بس ماخلت ان ابوي بيوقف بوجهي بسبه زوجته وبيغيرو تفكيري لدرجه يكرهوني فسحر وانا ماكنت اشوف غيرها ولاعرف شي غيرها كنت اكتبلها قصايد واشعار وارسمها وكانت هذه معاناتي لاني كنت ضعيف ماقدر اواجهها بشي لحد ماغيروا تفكيري وغسلو مخي وصرت اكره كل شي وتغيرت وانحرفت وانت ادرى بكل شي صار بس المهم اني اكتشفت ان الدنيا لحظه وانك اذا ماستغليت الفرص بتندم طول عمرك
خالد علا كانت ماضي واحب اخبرك هي ماكانت تحبك وانت تدري / بس وش ذنب ملاك؟ وش ذنبها تعيشها ع ذكرى اختها
تدري ان حالتها سيئه وكله تطريك؟ ولا تاكل ولاتنام!
ياخوي من حقكم تستانسون وتعيشوا حياة حلوة
فكر عدل وارجع لانك ان مارجعت انا بجيبك
انتظر ردك حبيبي
ملاك كانت فحاله من الألم لدرجه انها نست كيف تضحك، صوره خالد مافارقتها لحضه ولاعرفت شلون توصله
فوق الف مره تتصل وتتصل فخالد ولكن كله مسكر
فقدت الامل وحست انه فيه شي،، او يمكن صاير معه شي بس ماتعرف شو تسوي!
كانت تدعي الله يكون بخير ،، قررت تداوم بس ماستفادت
لان الدموع فعيونها وكلما حد سألها قالت مريضه !
عموما ماقدرت تحضر ولا كلاس لانها انفجرت من البكا ولاحد عرف شفيها حتى ربيعاتها حاولو يهدوها ويعرفوا السبب بس ماصار
ملاك اتصلت فسحر تجي تاخذها لانها ماتقدر تسوق بسبب الكسر فرجلها من الحادث
عموما كانت مقرره قرار بس ماقالت لاحد وكله بس تشوف صوره خالد وتبكي وتدعي الله مايكون فيه شي
والي صار بعد مارجعت البيت انها قررت تسافر لخالد وتدور عنه لان مابقى شي ماسوته!
ملاك خبرت سحر توصلها المطار وسحر وصلتها بس ماكانت عارفه ليش !!
بعد ما نزلت ملاك قالت حق سحر: سحر انا بنتظر هنا وحده خذي هالورقه وخليها عندك ، أريدك تعطيها خالد
سحر: ملاك شفيك؟ وكيف اخليك هنا بحالك؟
ملاك: سحر اسمعيني انا بنتظر هنا واريدك تجي بعد ساعه ارجوك اريد اظل وحدي شوي
سحر: اسفه غناتي ، طيب انا بمشي وبجيك بعد شوي
ملاك : طيب بتصل فيك
ملاك راحت تحجز لها تذكره عشان بتسافر وفنفس الوقت سحر كانت مامطمنه فقرات الرساله وكانت حقها مش حق خالد
كان نص الرساله:
سحر انا بسافر ادور روحي لان باقي شوي وتموت،!
سحر جنت وراحت المطار بسرعه عشان تلحق ع ملاك
فنفس اللحظه رن جهاز ملاك
الي نسته فسياره سحر
سحر اخذت الجهاز وانصدمت!
(ملاك الروح يتصل بك)
سحر : خالد حبيبي وينك
خالد: سحر!!!!! وين ملاك
سحر: م مملاك بتسافر
خالد: بتسافر!!! بتسافر وين ولمن وليش
سحر: ملاك توها بتسافر تدور عنك
خالد: انتي شو تقولي؟
سحر: ايوا ياخوي هي فالمطار وشكلها راحتلك خلاص
خالد: طيب انا جاي
خالد كان توه واصل مسقط وراح يدور ملاك، بدون فايده{ فطرأت فباله فكره / راح الاستعلامات وطلب ينادوا اسم ملاك للضروره
وقعد خالد ينتظر وينتظر وينتظر بس بدون فايده!
خالد: ياربي شو اسوي الحين كيف اخليها ترجع؟ ماباها تروح مني
راح الاستعلامات وطلب المايك بعد عنا طويل وافقوا له
خالد عالمايك:ملاك رجعي الي تحملين دمه حي مامات، ردي لي روحي ارجوك/ هنا بدا خالد يبكي لان حس ان حياته انتهت فعلا
سحر راحت تشوف اخوها ومدتله يدها وحاولت تقنعه يرجع وانهم بيلقوا طريقه يرجعو ملاك!
خالد ماطاع وصمم ينتظر ويدور ويسال عنها فالاستعلام مره يمكن تكون راحت،
سال وسال وسال بس مالقى حد
فجأه يجي طفل صغير يقول: عمي تعال عمي، بثرعه نام ارض ثيح انا عمو
خالد: مافهم شي وراح مع الولد وفجأه يشوف ملاك طايحه عالارض
خالد ركض ناحيتها وصرخ : ملاك ردي علي ارجوك ردي علي
ملاك كانت فاقده الوعي كليا
خالد حملها وراح يركض يدور اقرب طواري
ادخلها قسم الطواري وكان ميت من الخوف لان حاله ملاك صعبه
خالد وقف جامد يبكي بحرقه وخايف يكون بها شي
جا المسعف لخالد
يقول: ياخوي لاتحاتي هذا اغما سببه انها ما كلت شي ، احنا اسعفناها ولله الحمد بس تحتاج كمين مغذي ورعاية جيده
خالد: تسلم اكيد ان شاء الله
/ خالد حس بفرح كبير لانها بخير ولله الحمدواتصل فسحر عشان تجي تاخذ ملاك ولانطق بحرف كان بس يطالعها وبداخله الف جرح وجرح
بعد ايام
ملاك صارت احسن وتعافت ولله الحمد والسبب خالد، كان كل شوي يرسلها مسج ياكد عليها تاكل وتهتم فنفسها بس ماكان يتصل او يرد عليها
لحد ما ملاك رسلت هالمسج: خالد ارجوك جاوبني ليش ماترد ع اتصالي؟
اذا مارديت ع اتصالي صدقني بحرق نفسي وبسوي شي فعمري وانت تعرفني مامزح
خالد خاف تسوي فعمرها شي فقرر يصارحها بالموضوع
رسل لها: بكلمك باكر
مسج ملاك: ليش باكر ماليوم؟
مسج خالد: شوفي التاريخ بتعرفي
ملاك تعرف التاريخ بس مافهمت! بعد دقايق
ملاك: اهأااا الساعه!!
ملاك تذكرت ساعه خالد الي عطاها اياها وكانت موقته ع الساعه 7 وبتاريخ 24 فبراير
والي يصادف بكرا!!
ملاك: ياترى شبيصير باكر؟
كان فراسها الف سوال وسوال وتذكرت ان خالد قالها يانكون سوا يا انتهي؟
خافت كثير فرسلت مسج لخالد
مسج ملاك: خالد دخيلك شو في باكر س7
مسج خالد: صبري وبتعرفي
مسج ملاك: صدقني اذا مارديت بحرق روحي / شو في باكر
ملاك انتظرت وانتظرت مسج خالد بس مارد لحد مانامت
وصحت اليوم التالي ع اتصأل من خالد/
ملاك: أ أ ألووو
خالد: هلا ملاك، اسف قومتك!
ملاك: تبآ الصدق قطعت علي حلم حلوو
خالد: اكيد انا فيه هه
ملاك: اكيد مانت لاني ماقمت منتزقه هع هع
خالد: عينك ... سمعي جهزي عمرك ولمي كشتك هه
ملاك: وش؟ من ..شو تقول
خالد: س 7 بجي اخطبك يا.. انسه
ملاك تخبلت: تو انت من صدقك؟
خالد: من صدقي
ملاك: احلف
خالد: جالي قلتلك شي كذب!
ملاك: اقول سكر سكر جتني الحاله هه
خالد مستغرب: http://www.7oob.net/smiles/15/Q82_20.gif وش فيك
ملاك: وش فيني؟!!!! عاشو عاشو ايوا ياسلاأاااام ياسلااام
خالد: شكلي بهون
ملاك: اول مره حد يحس بجمالي وو
خالد: يابوك بس بس تراني مانيب جاي
ملاك: تروم ماتجي
خالد: اروم
ملاك: ماحبك روح غيب مابا شي
خالد: اول مره تقولي ماحبك؟
ملاك: ايوا ماحبك هاأا
خالد: شورك محد بيحس بجمالك ههه
ملاك: لا الشيمه ا ا ح
خالد: ها شو؟ كني اسمع شي
ملاك: سلامتك ولاشي يافارس الاحلام... لاتاخرني عاد ابا اكشخ خخخ
خالد: انزين ملاكي،،، ودي اشوفك صدق ملاك
ملاك: افا عليك لاتوصي هه
اهم شي تجي لاتطول.. تعبت انتظر من تو هه
خالد: تمام لاتحاتي يالله نلتقي ع خير
ملاك: في وداعه الله
خالد خطب ملاك وحددو موعد لعرسهم وكانوا اروع اثنين
اختاروا تاريخ 3 من شهر 7 وجا اليوم وعرسوا وكانوا ولا اروع عن جد ملاك كانت ملاااااك خالد وكان خالد يطيح من جماله هه
والعرس كان حلو مره والكل مستانس لان عارفين شقد عانوا
سحر وسامي صار عندهم بنوته تجنن وسموها قمر وابنهم قيس
عادل اول بنت له سماها سحر
ملاك جابت ولد وسموه وليد
وخالد صار يغار منه لان ملاك تدلعه كثير^^ ههه
وخلصنا^^


القصة بقلمي / همس الجنون
لا أحلل النقل والسرقة باي شكل من الاشكال

[هاجر المحفوظي]

انتظر رااايكم وتعليقاتكم // استفيد منها

[يوسف المفرجي]

همس الجنون
يسعدني ان اكون اول المارين هنا.. بس تعبت لين خلصتها..
تملكين قوة في السرد وخيال واسع في تصور الاحداث..
انتي رائعة هنا
همسة::
لكن اعتب عليك لأنك لم تستخدمي الفصحى المفهومة لدى جميع العرب..
وهذا مجرد رأي يحتمل الخطأ والصواب..
دمتي بنقاء وصفاء..

[هاجر المحفوظي]

يالطيب هي بالعامية وليست الفصحى //
مادري ليه حسيتها فصيحة
(=
يعني رواية بالعامية

تسلم ومرورك شرفني كثير

[أبواليقظان المفرجي]

الشاعرة الكاتبة المبدعة *&* همس الجنون*&* حقا أنها قصة
طويييييلة ولكن بعد أن أطلت الجلوس لقرأءة هذا الأبدع الجميل
والسؤال الذي يطرح نفسة لما أنا جلس طول هذة الفترة لقراءة القصة الجميلة
الا لأن القصة أتت الينا بأسلوب جذاب
وما يحيط عليها من الدهشة
والأنتظار ماذا هي نهاية سحر
وكيف سيكون لخالد وملاك
فأتيت اليكي لكي
تسمحي لي ابدي اعجابي بقلمك وتميزك واسلوبك الراقي وتالقك
فأتمنى أن لا تحرمينى من قلمك وحبرك اللأمع

:a.3t3leq-ktabe06: :a.3t3leq-ktabe06: :a.3t3leq-ktabe06:

[هاجر المحفوظي]

اقتباس:
المشاركة الأصلية كتبت بواسطة أبواليقظان المفرجي http://majles-oman.com/vb/w1a1-eid/buttons/viewpost.gif (http://majles-oman.com/vb/showthread.php?p=46490#post46490)
الشاعرة الكاتبة المبدعة *&* همس الجنون*&* حقا أنها قصة
طويييييلة ولكن بعد أن أطلت الجلوس لقرأءة هذا الأبدع الجميل
والسؤال الذي يطرح نفسة لما أنا جلس طول هذة الفترة لقراءة القصة الجميلة
الا لأن القصة أتت الينا بأسلوب جذاب
وما يحيط عليها من الدهشة
والأنتظار ماذا هي نهاية سحر
وكيف سيكون لخالد وملاك
فأتيت اليكي لكي
تسمحي لي ابدي اعجابي بقلمك وتميزك واسلوبك الراقي وتالقك
فأتمنى أن لا تحرمينى من قلمك وحبرك اللأمع

:a.3t3leq-ktabe06: :a.3t3leq-ktabe06: :a.3t3leq-ktabe06:



لك الف شكر على هذا المرور الراقي سيدي
تسلم //
واعتذر عن تاخري
تو اشوف الرد (=
السموحه

[أنا غير]

- الاسم تقليد لرواية قمر خالد...
- لو كانت بالفصحى أجمل....
- لا يوجد أي ترتيب لأفكارك حين تسردينها...
- الأفكار متاضربة و متناقضة...
- القصص و الروايات أجمل عندما لا يحدد لها مكان إلا بالخيال...
- وجود حبل يعود بنا من القصة أو الرواية للواقع و للمجتمع التحفظي يعطي رونق لا مثيل له...

تقبلي مروري بنقدي البسيط...
:)

[هاجر المحفوظي]

الصمت احكم لغة من الكلام سيدتي
لكن
انا ماقليت ادبي ولا ماعمتلش بدون احترام ورجاءا بلا كلام مبهم واستفاهمات
وان كان في قلبك حكي علي قوليه دايركت !!!!!!
كوني ارقى كما عهدتك ولاتفسري اي شي على هواك

[أنا غير]

هههههههههههههههههههههه
لا تعليق يليق...
:)

[هاجر المحفوظي]

يخاطبني السفيه بكل قبح //
فأكره ان اكون له مجيبا !!!

[أنا غير]

الحمد لله على نعمة العقل...
:)

[اسيرة الهمس]

عجبـًا ..
... كيف لـأقلام مُثقـفة ..
وبــمُنتدى أدبي جميعنا فيه أخوة وأخوات
ننتـقد بـعضنا البعض ..
لنـرتقي بأقلامنا ..
أراهــا تتقــاذف لبعضها البعض بهذه الالفــاظ..


..عُـذرًا..
أَتمنى إحترام ذات المجلس ورُواده..
والتقيد بالقوانين ..
رعـاكم الله ..

[هاجر المحفوظي]

هناك ردود حذفت لذا اعتذر من اللي مافهم !!
عموما تسلمي يالغلا

[أبواليقظان المفرجي]

بكل الود وكل الأحترام
بكل معاني الشكر والتقدير
وفي الحقيقة بعد طول القراءة
اسمح لي ابدي اعجابي بقلمك
وتميزك واسلوبك الراقي وتالقك
فوالله أن تتبع الأحداث الجميلة
تجعلني لا أنقطع من قراءة النص
بأكملة وعن قراءة قصتك الجميلة
وما فيها من المواقف المحزنة والمواقف المزعجة
كذا خالد يتألم وبعدها المسكينة سحر
تهطل دموعها كالمطر
والحظ الوحيد أن كان لكل من خالد وسحر
يملكون أصدقاء كانو نوعاما فكاهيون
وكذا من الدروس التي تتمتلكها القصة
أن لاترمي بفلذة أكبادكم في التهلكة
والأخت المسكينة سحر هي العبرة
وأيضا أخي أختي الحبيبية
عش بالحب
عش بالود
عش بالمودة
عش بالتفاؤل
واذا أحببت فلا تحب الأ بالحد المعقول
لتضع في عقلك كل الأحتمالأت
لكي لا تتفاجئ بمايحدث
فأعلم أن الحياة دول
من سرة زمن سائتة أزمان

فأعود بالشكر والتقدير
ولا تحرمنا من جديدك
:f0000: :f0000: :f0000:
دمت بصفاء,,,

[هاجر المحفوظي]

والله شهادتك اعتز بها
والحمدلله اعجبتك
بعض المشاهد هي من الواقع ^^

[سوار القدر]

أختي : همس الجنون

قصه مثيره...وجميله السرد
بورك مسعاك...ووفقك الله في كل خطواتك...

***

اتمنى ان ارى جديدك هنا قريبا...

اخيتي\...

حاولي ان تكوني سلسه في الردود على بعض النقاد..
تقبلي المفيد ..

وتجنبي التداخل بما لا يليق بك كمثقفه وبما لا يليق المجلس
دمتي بود...

كل التحايا..

[هاجر المحفوظي]

تسلمي غلاي
ولكن في حد لكل شي بارك الله فيك ^^
السموحه

[عمر]

(((هاجر المحفوظي)))
دائماً ما نحلم.... ونؤمن بان لدينا موهبه غير عاديه واننا نستطيع ان نؤثر في الاخرين بطريقتنا الخاصه وان نجعل من العالم مكاناًافضل ا نها طموحات واحلام نعم قد تكون قصتك هي شهادة (((ميلاد)))للمبدعه انتظر جديدهااميرتي ((هاجر)) اعجبتني قصتك وسااعود اليها مرات فهي من صميم الواقع هاجر هاجري بناء الى فضائك الواسع فنصك اسعدني ((همسه))اكتبي باي لهجه فلمبدعون يمتلكون لغات الكون سيدتي تقبلى مروري المتواضع وانا على يقين ان نصك القادم سوف يكون اكثر اشراق

[هاجر المحفوظي]

ع راسي مرورك استاذي
وسيكون ردي لك كما هو توقيعك
نحن لن نستسلم، ننتصر أو نموت
ماوقر في قلبي وما استطيع عمله اكبر من ذلك بكثير
ساحظى بالوقت ان شاء الله لكتابة قصة جديدة ولكن ساخذ نفسا عميقا فيها ,,
لم اصل بعد للكتابة بالفصحى ,,
الى ان نلتقي مجددا
كن بخير

[الورده الحزينه]

رووووووووووووووووعه بصراحه من بديت اقرا والبسمه ما تفارق شفاتي ذكرتيني بالحب الرائع والتضحيه روعه بالتوفيق غلاتو ....

انشالله اقرا لج وحده ثانيه تكون اروع فدو ...

[هاجر المحفوظي]

تسلمسن غلاي
شرفني مرورش واحتاج للنقد
لاني بصدد كتابة ثاني قصة ولكن راح تكون احلى واقوى واروع
واكيد من الواقع