يوميات عضو-شاركونا بيومياتكم

[عبير الرحبي]

http://galbk.jeeran.com/2004-07-13-124432.gif
اللهم صل على محمد وعلى آله وصحبه أجمعين


اعزائي هذا الموضوع جديد جدا اعتقد اول مره يطرح مثله بالمجلس

عموما فكرة الموضوع انا نتشارك مع بعض مواقفنا المضحكه او المحزنه وغيرها

وبنشوف من بيبدا قبل
واتمنى من الكل المشاركه
والي ما يشارك ..................................:devil::devil::d evil:
http://fsfs.jeeran.com/7.gif


http://www.alamuae.com/gallery/data/media/123/0076.gif

[ناصر الهاشمي]

موضوع جميل انسام
الله يعطيك العافيه

يعني البدايه برمضان ؟؟

[رضوان الهاشمي]

اهلا انسام
بورك الجهد يثبت اكراما للفكره الجميله...دمتي بود




واتمنى ان تبدأي كي تتوضح الفكره للجميع

[عبير الرحبي]

http://www.p-yemen.com/highstar/arog4/p-yemen1%20(110).jpg

[عبير الرحبي]

http://www.alhnuf.com/gallery/albums/dir/welcome/Photos_welcome_thank_you%20%28193%29.gif



http://www.alhnuf.com/gallery/albums/dir/welcome/Photos_welcome_thank_you%20%28157%29.gif

http://www.alhnuf.com/gallery/albums/dir/welcome/Photos_welcome_thank_you%20%28148%29.gif



طبعا اعزائي حبيت اشاركم بهالموقف الي صار لي ايام الثانوية العامه لمن كنا لسه ع مقاعد الدراسه

المهم المعروف عني اني وايد
هادئه-ماحب الربشه-وطول الوقت بس منطبه ع الكرسي:devil:

والموقف التالي هو الدليل ع صحة كلامي للي ما يصدقني:a.3t3leq-ktabe08:

المهم كنت انا رئيسة الصف=القدوة
وخلوني الرئيسه لان البنات عيارات يبن اعطي المعلمات من هاللسان لجل مانتعاقب او شي

المهم بعد ما رحلت المعلمات بحجة انا متقدمين ع الصفوف الثانية في الدروس=كله شلخ اصلا نحن متاخرين:a.3t3leq-ktabe15:

عموما بتجيكم القصه لا تملو الكلام هههه

بعدها شو سوينا رحت انا الهادئه البنت الحبوبه بعد ماتحدني البنات وخلعت شوز المدرسه

وعلقت السوكس ع مقبض الباب
الحين البنات كلهن خارج الصف ولمن يجين يدخلن الصف يشمن شي غريب وفظيع وما انتبهن للامر
انا وربيعتي نزلنا تحت الطابق السفلي لانها تحدتني بان انزل قدام الادارة وانا بهالحاله
المهم نزلت ولفيت المدرسه كلها وسرت قدام مكتب الادارة وماحد لاحظ بعدها شفت المعلمه الي عندنا بالحصه الجايه وجلست اكلمها وهي مب منتبهه اني بدون شوز او سوكس

شوي ولا اشوف المديرة ورانا قلت اذا الاستاذه ما انتبهت اكيد هي ما بتنتبه
المهم مشينا كذيه خطوتين ولا اسمع المديرة تقول هذي فلانة=اسمي الحقيق- شو فيها
وجلست تناديني فلانه فلانه وانا شبيتها ركيض ما حسيت بالدنيا
والمضحك بالموضوع ان المعلمه الي عندي بعدها ما فاهمه السالفه

وعاد من خبرت البنات بالصف قامن يضحكن = يعني انتو عاد ضحكو الحين:a.3t3leq-ktabe08:

ولمن جات المعلمه للحصه تشم شي غريب وطبعا ما تكلمت بس تشوف علي وتضحك
وانا تميت طول الحصه كل ما حد دق الباب اتخوف قول هذي المديره

وهذا يوم مر من ايام الدراسة

وبجيكم بالاروع بعد بس اباكم تخبروني وتشاركوني سوالفكم


http://www.iraqnaa.com/ico/image/t002.gif

[رضوان الهاشمي]

:9qerh040:

:mad:



































:devil:
هذي سوالفك يا انسام



هههه



شكرا لهذا الموقف

[ارجوان جنان]

مرحبا خبرتكم اختي سالفتها مع الجوتي وانا بخبركم سالفتي مع الباب ع فكرة انا بعد كنت رئيسة الصف غابو فيها :devil:
السالفة الله يسلمكم كانت بداية السنة الدراسية لما كنت صف تاسع انتقلنا لصف جديد وسنة جديدة وباب جديد........
وباب ها الصف الجديد كان متخرب شوي وخبرنا إدارة المدرسة انو يبدلو الباب بس قالوا عادي مب خارب وايد ومشينا الموضوع ..........يتبع
والفصل الدراسي الثاني تخرب اكثر ترا احنه خربناه اكثر المهم صرنا مهزلة الصفوف الثانية ما عجبنا الوضع ولما كلمنا الادارة جالو من ينقلع الباب بنصلحة
وعاد هنا جات الفكرة العظيمة جبنا كل شي شفناه مصنوع من حديد والمساطر وتفلتنا عليه كل وحدة تخرب من جانب "جنون:devil:"
وانقلع الباب وطاح ووديناه لين مكتب مساعدة المديرة وقرروا يصلحوه فزنا:a.3t3leq-ktabe11:
وزيدكم من الجنون جنون طيحناه قبل يوم واحد من زيارة اللجنة للمدرسة هههههههههههه
وضطروا يصلحوه بسرعة جابوا رجال كبير يصلحة وهو يصلح يتقمقم ويجول حشا ما بنات اولاد:p
واحنه نضحك "شر البلية ما يضحك:D"
وصلحوا الباب وفزنا ونجحت خطتنا
لا تستغربوا بعد في وايد بيجيكم مع مرور الايام ولا تستغربوها في ولا في اختي الربشة شي وراثي :cool:
انتظر ردودكم وشنو تقولوا عن سوالف ايام المدرسة

[عبير الرحبي]

يووووووووووووه:devil:

انا انسانه هاديه ما احب الربشه:a.3t3leq-ktabe08:

رضوان انت تعرف الحال احيانا ناس يضطرو الواحد يسوي كذا
شو نسوي تراها خاربه خاربه:a.3t3leq-ktabe08:


http://www.albdoo.info/imgcache2008/698fdada9c9bf4765a0259e338ec92d0.gif (http://www.albdoo.info/imgcache2008/698fdada9c9bf4765a0259e338ec92d0.gif)

[عبير الرحبي]

ارجوانوه شو هالسوالف ها؟ اذا ماخبرت ابويه عليك صبري:devil::devil:
الله يخليك لي بس عاد لاتفضحينا :a.3t3leq-ktabe15:

http://www.albdoo.info/imgcache2008/28a9ebe9cc73b9188fd8c950bd001650.gif (http://www.albdoo.info/imgcache2008/28a9ebe9cc73b9188fd8c950bd001650.gif)

[ناصر الهاشمي]

مواقف كثيره بس بذكر لكم موقف محزن ابيكم تبكون :devil:



هذا لموقف كان في كأس الخليج بأبوظبي المبارة الافتتاحيه اللي كانت بين منتخبنا الوطني والامارات

طبعا كانت المباره بعد صلاة المغرب والعادة اني اروح ألعب كورة بستاد فريق القادسية :devil: ( قدساوي ترى )
بس من حماسي للمباراه قلت م اروح العب في ذاك اليوم ....

احد اخواني راح يلعب والثاني طلع والثالث كان نائم المهم اول ما أذن صلاة المغرب رايح اركض صليت جماعه وعلى طول اول واحد يخرج من المسجد ركض الى البيت ... بدت المباراه بس تفىجأت محد جاي يشوف المباراه من الاهل !! طلعت من الغرفه ماشوف احد اقول شو صاير وين غابووووو !!!

مهم تابعت المباراه لحد نصف الشوط الاول قلت في بالي لا لازم حاصل شي اخوي مارجع من الملعب واللي نايم قام صلى وما رجع واللي كان طالع مارجع شووووو سالفه !! طلعت خارج البيت اشوف الحله هادئه على الاخر غريبه مباراة النتخب !!!

مهم منتخبنا جاب الهدف الاول :a.3t3leq-ktabe11: وانا اقفز وحالتي حاله من الفرحه كذا بروحي اونه :devil: جابوا المنتخب الثاني وانا على حالتي ... فجأه دخل اخوي الاكبر وأنا اصارخ عمان 2 عمان فازت وهو وقف يشوف علي وعينه مرررررررره حمررررررررره كأنه يقول في خاطرة هذا صاحي :devil:

بعدها قالي انت ما عندك خبر ؟!!!!!! قلته خبر شوووووو؟؟

وكان الخبر كصاعقه ...... فلان طاح في الملعب وتوفي الله يرحمه

ما صدقت والخبر مادش راسي اخوي يبكي جنبي كل دقيقتين وانا مو متوقع كان شخص عزيز وغالي توفي تقريبا على الساعة 5:30 عصرا وهو يلعب كورة ........ دفن وانا لاخبر لي بشي والى الان متحسر وحزين لــ أجله شاب في سن الزهور ... الله يرحمك يا وليد

وهذا الموقف :9qerh040:

:f0000:

[عبير الرحبي]

الله يرحمه ويسكنه بمساكن الصالحين ف فسيح جناته

شكرا لك ناصر لهالمشاركه الطيبه
وناسف ااذا ذكرناك بها


http://www.atyab.com/uploadscenter/uploads/b2979a051d.gif

[صرخة الحرية]

رحمه الله وأسكنه فسيح جناته

هذه فلسفة الموت التي تبعد الأحباب عنا

[سلطان السيفي]

موضوع جميل غاليتنا انسام
تشكري جزيل الشكر عليه
جميل الانسان يستذكر المواقف الطريفة


موقف طريف حصل لي في ثكنات العسكرية
بعد انتهائي من ساعات العمل في حوالي الساعة التاسعة مساء رجعت للسكن
طبعا بدلت ملابسي ورحت آخذ لي دش شوية عشان اروح بعدها وادش ع النت من اللابتوب
طبعا الجو بارد داخل الغرفه وانا منسدح ع السرير طبعا دائما هالحركة عندي
وكنت احط اللابتوب فوق رجلي وانا اتصفح النت
وكنت احط وسادة صغيرة تحت اللاب وهو فوق رجلي
بس في هذي اليوم كان الوضع غير نسيت اني اضع وسادة تحت اللابتوب
قمت اتصفح واتصفح في المنتديات
لين وقت متأخر بالليل دخلوا علي الربع وانا جالس اتصفح النت
طبعا الربع كانوا تعبانين حيل جايين من السنما ويريدوا يناموا
طبعا الربع كانوا ضيوف عندنا وكلهم نايمين تحت وانا فوق راسهم ع السرير
ع العموم هم ناموا وانا أتذكر اني جالس اتصفح النت
ع العموم انا نمت وما حسيت بنفسي واللاب مكانه فوق رجلي
ع العموم وانا نايم بغيت اعدل من وضعيتي فالنوم طبعا انقلبت على جنب
ولأ طاح اللابتوب فوق راس الربع وانا نايم
فقفزوا الربع من نومهم يفكروا ان احد غزاهم او هجم عليهم يفكرون الحرب العالمية قامت ههههههه
ع العموم في الصباح خبروني بالسالفة ضحكت عليهم ضحك لين مادمعت عيني
لكن بصراحة موقف طريف ماحسبت له حساب مساكين الربع ماتهنوا نومهم قالولي مرة ثانية لمّا تنام لا تخلي اللاب فوق راسنا مرة ثانية باكر نخافه يكسرلنا روسنا وهذا كل الليي صار



عسى ان الموقف يعجبكم

[عبير الرحبي]

هههههههههههه
سلطان رغم اني اسمع هالموقف للمره الثانيه
الا اني كل ما اذكره اضحك من الخاطر
ههههههههههههههه

سلطان السيفي بهذلت الربع بس عسى اللاب ما تعور؟؟؟=اهم شي الاب هم برايهم:a.3t3leq-ktabe15:

دمت بود استاذننا العزيز وشكرا لمشاركتنا

http://img105.imageshack.us/img105/2862/96776639hg8.gif

[سلطان السيفي]

ههههههههه
الله يخيّب ابليسك يا انسام الحين اللاب مامشكلة بس المشكلة روس الربع من تتكسر من بيعوضهم اللاب ما مأمّن ههههههههه
شكرا جزيلا لك على تعليقك الطريف

[حسن امبوعلي]

اedsys"]لسلام عليكم :
انا اخوكم حسن أمبوعلي :
اتمنى تقبلوني معاكم كأخ صغير اتعلم منكم واكبر،[/font]
[CENTER]
حبيت اشارك معكم بموقف صار معي وانا داخل اصلي المسجد لصلات الفجر،
ومثل ما انتو عارفين كل واحد ناهظ من النوم غصب عنه وسرحان يفكر بلفراش
وكان بلمسجد هدؤ تام :
دخل واحد الله يستر عليه المسجد سكران ولما قامت الصلاة جلس خلف الإمام
> ستره < وها الشخص كان زمانه حافظ القران بتجويده والغه الانجليزيه معاه
بلبل ،
العموم /
بدى يقرأ الإمام الفاتحه وبعدها سوره وغلط بتجويد وصرخ هالشخص اكثر من
مره غلط غلط غلط وعاد لو تسمعو الهجه مره مسكته فخرج ر بع المصلين من
الضحك ورجع الإمام وقرأ الايه صح وصرخ هالسكران مره ثانيه بأنجليزي
فرجود > very good < لحد ما خلصنا مصلين والناس مرتبشه وتضحك
والكل عاد الصلاة /:[/



عسى انى ما كنت ثقيل عليكم:f0000:

CENTER]p:p:p:p:p:p:p

[عبير الرحبي]

سلطان السيفي
صقر البوادي
http://m002.maktoob.com/alfrasha/ups/u/26720/31303/392597.gif

[عبير الرحبي]

حسن امبو علي
http://m002.maktoob.com/alfrasha/ups/u/26720/31303/395788.gif




ههههههههه موضوع جدا طريف ورائع

والله يضحك بجد ----دمت بود وننتظر القادم

http://m002.maktoob.com/alfrasha/ups/u/26720/31303/392682.jpg

[ارجوان جنان]

الله يرحمة ويخمد روحة الجنة
هذي حال الدنيا كلنا اخر شي بنموت ونواجة ربنا
انا حاسة فيك اخوي ناصر لانه مثل ما مات عمي بحادث سيارة انصدمت بموته
الله يرحمنا جميعا

[عبير الرحبي]

ويرحم الجميع يارب

[عبير الرحبي]

بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين

هذا مو قف جديد من يومياتي
صار هالموقف قبل سنتين لمن كنت ف بعثة من وزارة التربيه للمواهب
بالمملكه الاردنيه الهاشميه:bounce:

المهم بعد هالمقدمات
كنا طالعين ضمن فعاليات المؤتمر كترفيه وقضينا اليوم بالاسطبلات الملكيه ف الامن العام وشوبينج وسوالف
عموما بعدها خبرونا ان مسوين حفل اوبرا بالمدرج الروماني ع شرف الوفود المشاركه
المهم كان المدرج فوووووووووول=مملاي ع الاخر من الحضور
وكنت ملانه حيل وبنفسي كنت اقول احينه لو احد صارله شي هنيه شلون بيصير او احد اطلق النار او شي=طبعا خيالات الافلام الي نشوفها بالتلفزيون
عموما كنا تعبانين ع الاخر ونكلم المشؤفين نبا نرد الفندق لجل نريح من التعب وحتى في بعض المشاركين ناموا بالمدرج

عموما طلعنا وبعد ما طلعنا ونحن نركب الباصات مشينا مسافة كيلو واحد يمكن الا و المتطوعين الاردنين اهلهم يدقوا عليهم وحنه مستغربين شو صاير ليش الكل مرتبش ومرعوب
اتاري بعد ما طلعنا بخمس دقايق من المدرج في شخص انتحاري اطلق الرصاص ع فناني الاوبرا والحضور وسقطو مصابين
الحمدلله ما كان في اموات
عموما الخبر انتشر ووصل لاهالينا وتمينا هذيكك الليله برعب رغم ان الحادث صار مسافة يمكن50 كيلو عن مكان سكنا بس عشنا برعب فعلا وسبحان الله والحمدله كيف ان نجينا من هالحادث


هذا موقفي واتمنى عجبكم

:f0000: نسايم:f0000:

[ارجوان جنان]

شاعرنا سلطان السيفي صراحة موقف يضحكك وايد
اختي نسايم قرت القصة قبلي وهي تخبرني ما ادري اضحك عليها وهي تضحك ولا اضحك ع القصة
والله مساكين ها الربع راحو فيها خلاص ما راح يزوروك مرة ثانية:a.3t3leq-ktabe15:

[ارجوان جنان]

حسن امبو علي صراحة ضحكت من الخاطر
مواقف مثل هذي ما تصير كل يوم ما ملوم الريال يحب يصلح الاخطاء عشات يكسب درجات من عند ربة
تسلم

[ارجوان جنان]

أختي نسايم والله ذكرتيني بها السالفة اتذكر امي كانت وايد خايفة والتلفونات من كل جانب الكل خايف
بس الحمدالله ربنا سلم

[سوسنة إسماعيل]

ماااااااااااااااشاء الله الكل هنا إلا سوسنه


أنا هذي مرحله من أسود مراحل حياتي

بخبركم عنهااااااا


أنا بطبعي هاديه مثل أنسام خخخخخ


ولكن عندي مشكله وحده إذا إنفجرت من الضحك مستحيل شيء يسكتني حت أبكي من الضحك!!!


مره كنت في الدوام .....رمضان الماضي وكنت بسلامتي منسقة المدير العام ومسؤوله عن الموظفين الشباب العمانيين والكل يسمع كلامي ...خخخ يستحوا لأني بنت وأصغر عنهم!


المهم كنت صايمه وجالسه في المكتب ودش مديري وجلس يخلص كم موضوع وأنا قلت بفتح نت لحد ما هو يخلص

شفت الشاعر اليمني أبو بدر الدهمي في موقعه وجلست أدردش معه

شوي ويعطيني تعليق على واحد من الشعراء

وأنا ما قدرت امسك نفسي ومديري في المكتب

على طول شلية تيشو خلية نفسي كأني مزكمه وطلعت ركض من المكتب ومديري يقول وت هبن سوزان!

طلع في وجهي واحد من الزملاء بطران وانا وياه مو تمام إلا وإنفجرت في وجهه من الضحك وانا أقوله سوري هاهاهاها سوري ها ها ها ها !!!


بعدها ركضت للمخزن اضحك في الظلام وحسيت حركه طلع واحد من الشباب يتكلم تلفون في المخزن وشافني

شغل الليت وقام يضحك ويقول شو صاير وانا أضحك ومستحيه فقلت له ها ها ها ها الهندي ضحكني !

قال أي هندي وهو يحضك على ضحكتي!!!

جيت أطلع إلا في وجهي زميل ثاني يضحك كذا لحد ما ضحك القسم كامل وكل واحد يقول شو صاير ليش تضحكون ها ها ها ويضحك!!!!


يومها حسيت نفسي بموت من الخجل ومن الضحك قلت لهم الشيمه ضحكة في وجه فلان !

قالوا عادي بنخبره إنك تضحكي على الهندي !بس من الهندي والله للحين ما أعرف خخخخخ


واليوم الثاني داومت وأنا عاقله والشباب يعطوني إبتسامات عريضه وأنا مخليه نفسي جد فلان سوي كذا وفلان عدل كذا

و عاد تبت ما أسولف مع أحد في رمضان وانا في العمل !!!

[سوسنة إسماعيل]

شو يسكت سوسنه اللحين خخخخ



هذا موقف طريف صار لي في عام 2008 وكنت متدربه لسه

دراستي برمجة حاسب آلي ولكن كنت احب أدخل راسي في كل شيء فوافقة أعلم مجموعه من النساء في رمضان في إحدى الفصول المسائيه...طبعا الموضوع نزلته في السبله وأيامها كان معي الأخ ناصر الهاشمي في ذلك المكان انقلهاااا لكم عسى أن ترووووووووووق لكم:) مواقف لاتنسى صراحه






(((تأبط شرا"))
رمضان كريم وكل عام وأنتم بصحه وسلامه.....

بما أنني أعتبر نفسي وحده منكم وفيكم هنا في السبله......
فأحببت أن أشارككم ....أحداث رمضان معي......((بتغيير بسيط)))

(1)

همسه قصيره:


والله إني لا أستحي من الله أن أرى
أجر حبلا ليس فيه بعير

أو أن أطلب النذل البخيل بعيره
وبعران ربي في البلاد كثير


أمس
كنت في إحدى الفصول/أثناء التدريب/
أشرح عن تأبط شرا الصعلوك الجاهلي
من كتاب الشعروالشعراء لإبن قتيبه الدينوري
وأقول:يقال هو من فهم ,وفهم وعدوان إخوان
وكان يغزو على رجليه......



فضحت إحدى العجائز......http://www.s-oman.net/avb/images/smilies/laugh.gif


شكلها فهمت....http://www.s-oman.net/avb/images/smilies/cool.gif

قالت لي:الأخت سوسن ...يعني كان يربعhttp://www.s-oman.net/avb/images/smilies/eek.gif


فضحكت جميع العجائز http://www.s-oman.net/avb/images/smilies/laugh.gif


قلت في نفسي ليش ورطت نفسي وجيت هناhttp://www.s-oman.net/avb/images/smilies/confused.gif


ضحكت جميع العجائز !!!
ولكن إحداهن ماااااااااااااااااااااااااااااااااتت من الضحك!!!!!http://www.s-oman.net/avb/images/smilies/confused.gif

نظرت لها العجوز الأولى وإسمها العمه شيخه....وقالت لها:

هيه هيه....عواش ضحكي عمرش....!!http://www.s-oman.net/avb/images/smilies/angryfire.gif
أنا قلت جايبتنش معي بتودريهن كلهن وبتعاديني أنا....


الصدمه:
أنني إكتشفت بعدها بقليل أن عايشه هي بنت من بنات العمه شيخهhttp://www.s-oman.net/avb/images/smilies/confused.gif


ساااااااااااد الصمت الصف
__________________

[سوسنة إسماعيل]

(2)

ساد الصمتhttp://www.s-oman.net/avb/images/smilies/confused.gif


قلت :مقاطعه للصمت المربك في المكان


لحظه يا أمهاتي لحظه.....http://www.s-oman.net/avb/images/smilies/rolleyes.gif

....إنقلبت جميع نظرات العداوه نحوي!!!
كادت تخرج عيونهن ....ملاااااااااااامح غاضبه !!!http://www.s-oman.net/avb/images/smilies/mad.gif


علقت الحاجه حليمه على كلامي:
بصوت خاااااااااااااااااافت
هيه ما أدري من يجيب كبرش!!!:devil:


تداركت الموقف العمه شيخه:
قالت....الأخت سوسن ممكن تكملي الشرح؟؟؟
لأني ما فهمت صارت فوضه في الصفhttp://www.s-oman.net/avb/images/smilies/devil.gif

نظرت لها بإندهاش....ومن كان سبب الفوضه غيرها؟؟؟http://www.s-oman.net/avb/images/smilies/wobble.gif

قرعت على الصبوره ....
قلت يا أخواتي.....
نطلع من الموضوع شوي ونترك تأبط شرا في حاله.....


يا بنات تعرفن من مخترع المكيف؟؟؟http://www.s-oman.net/avb/images/smilies/biggrin.gif


.....هذا المشهد100%صار معي بس ندمت بعدها كثير


يا بنات تعرفن من مخترع المكيف؟؟؟http://www.s-oman.net/avb/images/smilies/biggrin.gif

صرخت العمه فايقه....


رااااااااااااااااااااااجووووووووووووووو


أنا لم اتحرك....!!!
من راجو هذا؟!http://www.s-oman.net/avb/images/smilies/eek.gif

قالت الحجه سكينه بغضبhttp://www.s-oman.net/avb/images/smilies/mad.gif

فايقه تو نحنا ما جارات وخوات؟؟؟
حوش تعرفي عن راجو وما خبرتيني؟؟؟
حسبي الله ونعم الوكيل.

ردت فايقه.....


والله حبيبتي أنا أثقف عمريhttp://www.s-oman.net/avb/images/smilies/cool.gif
أي واحد يجي يركب مكيف في البيت...أوقف له عند الباب
يا تقول من أنته ولا ما تدخلhttp://www.s-oman.net/avb/images/smilies/mad.gif

عاد إعترف قال :راجوhttp://www.s-oman.net/avb/images/smilies/biggrin.gif



ردت سكينه بحزن وحسره وألمhttp://www.s-oman.net/avb/images/smilies/frown.gif
وأنا بعدهم أمس شلة هنود جايين يركبوا المكيفات مال بيت عدول ولدي
ولا خذيت إسم كم مخترع منهم!!!http://www.s-oman.net/avb/images/smilies/confused.gif



كان الوضع السائد
غيره تااااااااامه من العبقريه فايقه!!!
وقلوبهن تقول:تو الأخت سوسن بتحطلها درجات وبتستوي رئيسه على راسنا!!!
وهي حتى خبز الرجاج يطلع مكسر من تحت يدهاhttp://www.s-oman.net/avb/images/smilies/confused.gif



كيف علمت ما دار في قلوبهن؟
لأن بعد إنتهاء التدريب الليله الماضيه
جاءت خمس من الأخوات يحاولن إعادتي إلى رشدي!!!!

لأنهن لا يردن ان أنخدع في فايقه!!!!!

وأحدهن كانت صريحه جدا....
قالت لي بهمسسسسس:

الأخت سوسن ترا أكيد حد مغششنها إسم راجو
تراها جارتنا وأعرفها ما بينها وبين العلم شي
غير تسمع سوالف وتنقلهن!!!!
:devil:
لا أعرف ماذا سيحدث لي معهن اليوم
أتمنى أن ينتهي تدريبي على خير


رمضان كريم
سوسن


ملاحظه الأسماء غير حقيقيه

98%من الموقف حقيقي
بس بأسلوب أدبي
عشان توصل المعلومه


والسموحه
رمضانكم مغفره

[عبير الرحبي]

سوسنه ياعزيزتي
من وين جبتي هالهدوء كله؟؟
اكيد طالعه علي

ههههههههههههه

بصراحه مواقف كثير تضحك

شكرا للمشاركه سوسنه
بس اقوك الي يدخل عصه في شي ما يخصه
يشوف مثل سوسنه الي ما يعجبه هههه

[سوسنة إسماعيل]

سوسنه ياعزيزتي
من وين جبتي هالهدوء كله؟؟
اكيد طالعه علي

ههههههههههههه

بصراحه مواقف كثير تضحك

شكرا للمشاركه سوسنه
بس اقوك الي يدخل عصه في شي ما يخصه
يشوف مثل سوسنه الي ما يعجبه هههه


ههههههههههههههههههههههههههه والله لظروف السن أحكام

وعاد كل ما أجي أريد أصير عاقله ألعوز الدنيا

من شب على شيء شاب عليه خخخخخخخخ

ربي يحفظك حبيبتي

[خميس الكواري]

بصراحه توني اشووف هالموضوع .. " انسام " هالموقف اتصدقين انه ماوصلني >< واعتقد ان ولا واحد في الباص وصله الخبر لانهم كلهم " ناايمين " ههه

انا صار لي موقف انا والشباب اللي معااي في المدرسه

بقولكم ايش الي صار

انا والشباب اللي معااي عددنا 5 واحنا في حصة " الرياضه " مايلعبونا لان احنا مانلبس ملابس رياضه نلبس الثوب او الدشداشه ..

وكالعاده متمللين وننطر الوقت يمر .. عاد رحنا نتمشى في المدرسه .. والمشكله ان الجوو عندنا في قطر " حااار " جدا مع الرطوبه

لقينا ان غرفة " المرسم " مفتوحه .. ودخلنا دااخل .. واحنا قاعدين قعدنا انفكر انسوي مقلب للصف الي بيجي بعد هالحصه

خذنا " الفلين " وقعدنا انقطعه والمكيف شغاال واحنا انقطع الفلين وانجمعه .. قبل لا تنتهي الحصه بفتره بسيطه قفلنا المكيف

واخذنا الفلين المقطع ووضعناه في " فم " المكيف مكان الهوااا ودعسنااه دااخل ... يوم خلصنا دخل علينا استاذ الفنيه " مسؤول المرسم "

وكااان عرقاااان حده .. وقال حق صديقي شغل المكيف طبعا احنا رحنا بعيد وهو رااااح مسكين يشغله .. ولاستاذ ههههه

يوم شغل المكيف الا والفلين كله يتطاااير .. ويطيح ع الارض وعلى الاستااذ مسسكين .. وطبعا المدرس عصب وودانا للاداره

بس احنا رقعناها وقلنا ان احنا جاايين عشان اندور قلم .. وطلعنا له قلم " مزيف " وادعينا اانه هو القلم اللي كنا اندور عليه

ويوم راح المدير عند مدرس الريااضه .. ساعدنا وقال ان احنا طلعنا وماصار لنا 3 دقايق .. هههه والحمدلله عدت السالفه

على خييير .. كل ما اذكر هالموضوع اضحك ^^ .. وييعطيكم العافيه اذا تذكرت شي او صار شي جديد بخبركم ^^

[عبير الرحبي]

الله يعافيك سوسنه
ويثبتك بعقلك هههه

[عبير الرحبي]

هههههههههههههه
خميس اصلا انتوا كنتوا نايمين من لما كنا بالمدرج الروماني ههههه
عاد جت ع الباص؟؟
بس يومها بجد ربي سلمنا من ذيك المصيبه

[ابراهيم عادل]

15/9/2010

اليوم كان اول يوم دراسي الصراحة المدرسة تغيرت وااايد

صارت احلى عن اول بوااايد بس عدد الحضور ما كان كثير

اعتقد 100 الى150طالب فقط والكتب راح نستلمها بكرة ان شاء الله

والدراسة الفعلية يوم الاحد بس من جد المدرسة تغيرت كثير وصارت تفتح النفس^^

[هاجر المحفوظي]

هــود هــــــــــــــــــــــــــــــــــــــــــــود ـــــــــــ

[صرخة الحرية]

تذكرت موقف حصل لي وأنا في سادس ابتدائي... كنت ابي اسويه السنة.. بس خفت احصل تعهد وتروح عليي شهادة حسن سير وسلوك من البداية.. لا احنا ندرس نبي شغل خخخ !

المهم.. مرة من أيام صف السادس.. كنت مستملة حدي من المدرسة.. ومن أول حصة ابي ارجع البيت... الجو حده كئيب.. ولاعت جبدي من الوضع..
عاد طلعنا فسحة.. ورجعت ما ادري وش في مخي.. لبست عبايتي وحملت شنطتي بمشي ! ألووو باقي 4 حصص !!!
رفيقتي شافتني تقول وين رايحة.. اووو اهني اوتعيت لنفسي ومن الفشلة... صرخت.... ( ندري صرخة الحرية خخ ) واقول لها.. ما تدرييييييين ! ( اهني جا في بالي مقلب ) واركض الصف..! بناااااااااااااااااااااااااااااااااااات ! يلا قوموا لبسوا عباياتكم.. منمشيي...!! واهم يطالعوني وعيونهم اشواي وتطلع ! وش خبر هع هع !!
قلت لهم إن واحد من العائلة الحاكمة متوووفي ( الله يرحمه خوش رجال :a.3t3leq-ktabe18: ) والحين حصلنا اجازة في هاليوم << قوية صراحة...
وكلهم يصرخون.. ومستغربين في نفس الوقت... بعضهم ما صدقوا انه بيعطونا اجازة في نص اليوم... اما الباقي ما شفت الا غبار رجولهم راحوا للبوابة خخخخخخخخخخخ...
صادتهم المشرفة وبكل برودة يقولون لها الحين اجازة... زين بس ما انذكر اسمي هع هع


ولا اذا اذكر وحدة جاية لي اشوي وتصيح... : انا في باص وزارة بيتنا بعيد شلون اروح...
اهني اشوي واضحك وانكشف خخ... : لا حبيبتي بجيبون باصات الوزارة بعد...
ككك

< فضاوة.. وش اسوي عن الملل

وبعد شخبار

:devil:

[عبير الرحبي]

هههههههههههههههههههههههههههههههههههههههههههههههههه ههههههههههههههههههههههااااااااااااي


صرخه يا صرخه

وش ذا؟؟؟

انا حاليا بالمحاضره وجالسه اضحك

والمحاضره عصبت علي شوي واطلعني


الله يلعن بليسك

ههههههه



شكرا لك

[خالي الظنون]

قصة زمان الكسل...

كنا ثلاثة شباب...
وتونا صاحي من الرقاد..يعني (النوم)

فقال واحد...البارحه(أمس) حلم حلم يخوف
فقال الثاني حتى أنا...
فقام الثالث إلا هو أنا (وأتحسب يتكلموا عن الفلم مال الليل)

وقلت : عيل ما شفناه في التلفزيون..ههههه

وإلى الأن يعيروني على الخطاء في الفهم...

الله يعيني عليهم...

[خالي الظنون]

الموضوع نزل مرتين ما أعرف ليش.؟؟؟

بليزززززززز....حذفوا واحد...

[عبير الرحبي]

هههههههههه

مسوي فيها فاهم السالفه ها؟؟؟؟

ههههه



تم الحذف اخوي

[عبير الرحبي]

مرحبا من جديد

عندي لكم سالفه صارت ونحن بالكلاس ف الجامعه

طبعا نحن بالكلاس 26 طالب
4 شباب والباقي بنات


المهم كان عندنا ريدينج
فزميلتي كان بها القرحه فطاحت علينا من الالم ف الارض
سرتانا ومسكت ايدها احاول اهديها
ونعطيها ماء وكذا

الشباب طبعا طلعوا برا لان مب حلوه يكونوا موجودين بهالموقف
ولان المحاضر كان بريطاني
فجاء يشوف البنت فشاف حالته ع الله

المهم هو طلب الاسعاف
وبعد نص ساعه البنت تعافت

فلمن جينا نبا نكمل الحصه

طاح علينا واحد منالشباب فيهالربو طبعا

فلما طاحت البنت علينا هو خاف
فضاق عليه النفس
ولمن ردينا الكلاس طاح هو علينا

كلنا تخرعنا وخفنما عليه
لانه مصاب بالربو==الله يشفيه

عموما شوي ووصلت الاسعاف

فنقلوا بها الولد


صراحه كان الموقف كثير يخوف

ماقدرنا نكمل المحاضره فطلعنا من وقت

الحمدلله ع كل حال
والحمدلله ع سلامة زملائي

[صرخة الحرية]

" ذكريات من ميدان اللؤلؤة "

طبعًا الحين من تطلع من بيتك يجيون ياخذون تلفونك.. أي شي فيه عن الثورة.. على طول تنسجن..
وعشان جذي اليوم قعدت احذف في المسجات والأناشيد والصور إلخ اللي عن عندي

بس والله أيام كانت...

واهني بحط ليكم بعض هالمسجات...

(( ها غريبة ما شفتش في الدوار اليوم ))

(( رحتين أي مسيرة ؟ وبعدين رحتون الدوار لو مشيتون ؟ ))

(( اني عند نخلة 14 تعالي.. منزمان مانشوفكم ))

(( وا على افادي راحو عنها الدوار ))

(( اخوانش صوب خيمة الديرة انتين وين قاعدة ؟ ))

(( سمعتين سمعتين ؟! مهدي ابو ديب على المنصة الحين يقولون في اضراب عن المدارس ))

(( إذا خالش في الدوار تعالي وياه سار ))

(( هجموا على الدوار.. شخبار الأهل ؟؟؟ ))


وغيرها من المسجات
بعدين اوقف بحرقة قلب على

(( أحرقوك يا ميدان الكرامة ))
(( خليفة شحوال راح الدوار :( ))
(( لاااااااااا ما في دوار !!! ))

[صالح المسلمي]

إحم حم حم
ههههههههه بديت أشك كأن موضوع تجميع الشلخ هع هع هعهع

هع هع أم زلاغات لا تكسروا جامعات الناس بعد

لكم الشكر على الموضوع الطيب:f0000::f0000: