ديوان الشاعر ((محمد بن ضحي اليحيائي))

[محمد بن ضحي]

البطاقة الشخصية


الاسم:

محمد بن مرزوق بن ضحي اليحيائي

الوظيفة:

طالب أكاديمي

الدولة:

سلطنة عمان

الولاية:

ضنك

[محمد بن ضحي]

..العمر محسوب..


من منطلق بيع الفضيلة بالقليــــــل
سوق الرذيلة يفترض ما به خصام
//
يا هالزمن وش لك بطعنات القتيل
ما تدري أن الطعن فالميت حرام..؟؟
\\
حس الرجل يشعل همومه كالفتيل
يشعل ويطفيها الأمل حر وحسام
//
كنه رزين شكاة همه للهبيـــــل
يشكي ولاحدن سامعنه بالتمام
\\
كيفي بدوس القاف بحيي هالقتيل
بنحت قوافي دوسها لا للحــــرام
\\
لأني ابا ابدع بوح ماله أي مثيـــل
يمكن يجاري الأصمعي أغرب توام
//
يهمنا المقصد قبل سكرة رحيـــل
والمعضلة أن الدعا مسك الختام
\\
وأن الحزن ما عاد يمديه العويــل
وأن الأمل يسبح على نفس النظام
//
قصدي العمر محسوب وحسابه جزيل
والمنطق أن النور يحقره الظلام
\\
هذي طباع الليل يقصر ثم يطيــل
والعمر يفنى لو تساوم ما يســـام
//
وأنا وهبت الشعر نذري والأصيل
اذا نذر يسهر وجفنه ما ينــــــــام
\\
مثل العروض اللي أسر فكر الخليل
نابع من اللهفة على ركب الزحام
//
يمكن عذوق التمر تحملها النخيل
ولا الرسالة حملها صعب المرام
\\
يا ابن أدم خل حياتك مستطيـــــل
أربع زوايا قائمة بالألتــــــــــزام
//
ربك جميل يحب عابده الجمــــيل
بس الجمايل تبتدي بنشر الســــلام
//
يعني الخلاصة بالرذيلة لا تميــــل
عقل الفضايل شبعه (بسير العظام)
\\
عندك أنا شايل خدودي كالمزيـــــل
أمحي طعون الوقت بأصدق ابتسام
//
عفت الحزن هم الصبح واوجاع ليل
مالي وماله حالتي ع ما يـــرام..!!




محمد بن مرزوق بن ضحي

[محمد بن ضحي]

مجاراتي الاولى لشاعر اعتبره من الشعراء الجميلين جدا فالساحه العمانية فالفتره الحالية

الشاعر كامل البطحري

نص قصيدة الندى التي يقول فيها:


تـــنشــــديني! لــيه أحبــــــــــك؟! ياصـباحـات النـــــدى
انشـــدي هالــــــــــــشمس, قـولي: ليه شرقي تشرقين؟!

وانـــــشـدي المــســحوب والهزج وتـفاعــــيل الــحــدا
ليـــه ساحـــلهم يهــلـّّي يوم جــيـتــــــي تسـبــــحـيــن؟

والهـــجـيـني ليــــه يهـجـيـني؟ وباحــــزانــه غــــــدى
يــوم ما وطــّـيــــت أســـمــك في تفاعيــله حـــزيـــــن

وانشــدي القـيـفـــــــان ليـه الزيــن في شعـــري بَــدا؟
يــوم تـــــتـزيّن لـــــوصـفـك لجــل أخــتار اثـنــتــيــن

مركــــب الــــبــحّار يشــكي غــــدر بــــحــره لاهــــدا
ثمّ هـــاج وقــسّم الــــــمــركب بــغدره جـانـبــــيـــن!!

واتـّـضح انّــــه تــمــادى في شــــعـوره, وأعــــتــــدا
هــاج يـبـغى يحضـنــك يوم ان قــدّامـــــــه تـجــــيــن

زادك الله زيـــْ!! (عــفــــواً) حرفــي حـــــدوده عــــدا
والله ان الزيــــن نفــسـه!! زاده الله مـــنــك زيــــــن

العــمر من يــوم شــفـــــتـك (دقّ) بـابـي وأبــــتـــــدا
والحياه تبسّمـت بعيــــــوني وصــــــارت تـــزيـــــــن

نبـض قـلـبـــــــي اعرب اسمــك له يكـون (الـــمـبـتدا)
(والـخـبـــــر) جملة:احبـك موت يالــظبــي الــرزيـــن

أدخــــــــلـي/ قلـبي: وسادة شوق / وضـلوعـــي: ردا
وارتــوي من دمّ قــلــبي لابـغـيـتــــــي تـرتــــــويــن

كل عــــــــضـو بداخـلي نـــادى: انــا كـلــّّي فــــــــدا
للعـيون الّي النــعـاس برمـشــها اضحى ســـــجــــيـن

ولـلحـســـــــام الّي حمى وْروده من يـْـديــن الــــعــدا
وللســـــــحابـه لي تــمطّر ثــلج/ يـومـن تـبـــسمـيـن

صرتي انتي صــــوت وآنا صرت لـك مثل الـــــصــدا
والصـدا للـصــوت (اوفــى) من جميـع الوافـــيـــيــن

وحبّـنــا لـــــوطــال عـــــمـره في ســنـيـنه ماصــــدا
والذهـب يبقى ذهـب خالــــــــص على مرّ السنـــيــن

شارقـــه انـــــتــــي باحــشــائـي على طــول الـمـدى
لـــين تغرب شمسنا بالشرق.. يمــكــن!! تــغربـــيـن

افهـــمــــي هالشـعر يالّــي طــار وبصــوتــه شـــدا:
شــــمس هذا الكون غصب بشرق اراضينا تبـــيـن!

وانـــتي (الشرق) المهم لشــــمـس حبّي يـالـــنــدى
وأسئلــك بالله عــقـب اليـوم ذا لا تــنـشـــــــديــن!؟

لن اطيل عليكم


يقوول:


..ندى..


_تنشديني ليه ببعد يا صباحات الندى
انشدي جمر الخطييه ليه طفته السنين


_وانشدي دلة خفوقي ليه ذوقك ما غدا
يسقي خطار المحبه من فناجيل الحنين


_المهيل عاف هيله من بعد ما به بدا
يختلط فيه العبط ويعفر اذواق الفطين


_والقوافل لي سرت بالشوق صادفها العدا
واسرقوا حتى التصبر ما دروا انه ثمين


_الصبر لو هو بشر ما كان يمديه المدا
يسجع بلحن الخطأ ويرضف احمال الأنين


_والرجز هذا البحر خفاق كامل به شدا
لين جيت آيتمه وأدفن معاناته بايين


_ما فداني غير قلبي أسف اقصد ما فدا
هالصبي إلا دماغي جره من جوف الغبين


_ما عرفت المنتهى لأني عرفت المبتدى
سكة ضاقت علي من سوف يأتي باليقين


_كان حلمي أم حامل هقوته ضاعت سدى
ما كمل حلم الأمومة لأنك اجهضتي الجنين


_كنتي انتي قطب سالب وآنا موجب اعضدا
لين بيينك الزمان الموجب اللي تنافرين


_بس يكفي هذا قلبي غصب عنه ارتدا
ثوب خاطته الشكوك وزينه غدرك بشين


_شاق طفلي طال صبره لكن العقل اهتدا
أن لي رب ن رحيم يرحم العبد الرزين


_حبنا ما طال عمره هبتين وذا صدا
معدنه ماهو بذهب مصبوغ بأغبى صبغتين


_صبغةن تشري الغلا وتشاركه أهل الهدى
وصبغةن باعت غلاها للوشايا العاذلين


_تنشديني لا السموحة آبعديني اعتدا
كل أحساسك على نبضات حبي وتنشدين


_ما بقالي غير طيفي هو مثالي المقتدى
والقلب اعطاك عمره بس لا تترحمين


_فاتح ابواب التعازي لكل شاعر يا ندى
إلا انتي طالبك بالله عني تبعدين


طالبك بالله عني تبعدين

بالله عني تبعدين

عني تبعدين

تبعدين
محمد بن مرزوق بن ضحي

[محمد بن ضحي]

..فارقوني..


وا عليه فارقوني
ابعدوا عني اتركوني
ما دروا اني احبهم
راحوا خلوني بجنوني


************


قول يا احمد كيف اقدر
اتحمل وااتصبر
لكن اللي هو مقدر
غصب عني يهجروني


************

يا زمن عد الاماني
الدقايق والثواني
هام بي من ثم رماني
كيف بكالي عيوني


************

القهر اني احبه
غاب عني بدون سبه
انتسى عهد المحبه
ما هقيته لي يخوني


************

باع قلبي لي صفاله
باعني بيع الدلاله
ما ابي حتى وصاله
لا تحنوا وتجبروني


************

ماني راجع له كفايه
هجره لقلبي وجفايه
ربي عالم بالخفايه
ما يخيب لي ظنوني


محمد بن مزروق بن ضحي

[محمد بن ضحي]

ما ابيك (تحضن) ما ابي منك (بوسه)
لابي حنانك شل (طيفك) و(الأنفـــاس)

استاذ فكري (حاذفك) من دروســــــه
كلمة احــــــــبك عافها كـــــــل كراس

عقلي مسك قلبك وفكـــر..؟؟ يدوسه
من قهر صدك صابته (رعشة الياس)

حظك بقلبي راف به مع .. عبـــوسه
ثم قال: خله يالخوي يذوق ويقـــاس

تلطم رؤوسه مــــــع تلاطم طعوسه
ويعيش جو ن ما اهتنى فيــه جلاس

الياس حارس والهقاوي محبوســه
والغدر طلقة صابت الحب فالــراس

لاني حسبتك حلم واثريك ســــوسـه
تنخر حياتي لين موتت الاحســـــاس

كنت اسكبك في كاس حب محروسه
قمت اتبخر ما بقى شي فالكــــــــاس

عليت صوتي يا انتكاسة رؤوســـــه
كابر جيوش الصـــــد والرد والباس

حلقت في وصلك وطيري يحوووسه
ما عاد يبرق ضاق صدرك يا جرناس

يا شين طبعك ياااه مشين طقووسه
تقهر مصابي وانقهر فيك وسواااس

جملت عذرك ســــــم قلب مطموسه
ونهايته ويــــاك (افلاس x افلاس)

يعني تبي هاليوم ترجع تبوسه..؟؟
يا هيه ابعد صارت احزاني اعراس


محمد بن مرزوق بن ضحي

[محمد بن ضحي]

.................................................. ......
اختبار الحب


طالب ن فكلاس حبك ادرس وفيك اجتهد
ادري ما شديت حيلي في جواب الاختبار


قمت اعدي كل سؤال و ما اكافيه الجهد
والسؤال اللي بعد هذا يزيد الاحتيار


يعني لو كنا ف علل أو سؤال الكم عدد
الجواب يكون هذا لا بعد هذا خيار


يعني بكتب لا بمسح لا بشطب والسهد
فارش فعيني حصيره ينتظر مني اختيار


هيه يا سارح يا عاشق انقفض يا بو حمد
الوقت يمضي وأنت يمين وتحاتى اليسار


الفكر شارد بعيييد وهالعقل بعد بعد
محد يغشش هنا ضلت هواجيسي المسار..؟؟


هاجس الفكر يتخيل ضاع كل ما به وعد
والحلم ارسل اشاره خوف يبغي اعتبار


وانطلق تيار عزمي يسحب الفكره وترد
تنطبع اجزل اجابة بعد ما كان احتضار


خذها يا استاذ صحح ورقتي قبل أي احد
ما بفارق مهما كانت احتضار او انتصار


الاجابة بلا تراجع تنقبل او تنتقد
بعتبر أني اجتهدت ويكفي خضت الاختبار




محمد بن مرزوق بن ضحي

[محمد بن ضحي]

السلام عليكم

الجديد والحصري اضعه هنا بين ايديكم الموقرة

http://im4.gulfup.com/2011-07-06/13099569545310.jpg

القصيدة بإلقائي على هذا الرابط
http://www.alsultanah.com/voices.php?action=listvoices&id=199

..{}[]{}.. الضـــــــــــريــــــــر..{}[]{}..


الشعور اللي يصحي .. ضيقة (اليوم العسير)
ان ماله حد ثاني .. يبادله (نفس الشعوووور


الطموح يشيخ].. في فكرهـ .. ومع هذا يصير
اكثر انسانٍ يجـــــــاهد نفسهـ .. وعزمهـ يفور


عاش عمره يتبع الاحلام وهو اصلا (ضرير)
والوقائع .. (ترمي الاشواك) في دربه شهور


والعصا .. نيتهـ .. يللي [ كل ما فكر يسيــــر ]
نورت له {القلب وآفاق السهاله} .. للــمرور


[غربة الواقع // وتلتيه الأماني // والضمير]
والمشاعر .. خلوته) ما دام يعداها القصور


جرب يعاند حظوظه [خل يصير اللي يصيــر]
واكتشف أن الإراده شيمة الشخص الجسور


ماله فدنياه إلا [بصرة الـــــــــــرب البصير]
و[الطموح] اللي يسااير هقوته في كل طور


يوقف و لحظه يطيح .. ثم يحاول .. ثم يطير
وأن تعلى فوق هامات السحايب .. شع نور


وان تمكن (جوه) .. وفكر يحافظ عالمصير
المصير ..[] يطيع شوره دامه {العبد الشكور}


{{كل يــــــــــوم يجمع هموم الأوادم في قفير
كل ما يثقــــــل قفيره .. تغمره نشوة سرور}}


تملي جراب الأمل ثم يغسل {كروب الفقير}
والفرح يبني على قلبه.[}{]. بنايات وقصور


عكس من تم ف حصيره ينتظر يسقيه بير..!!
[.. طاااف كـل اليوم وغيابه يتلخبط بالحضور


ما لفى شر بحياته ولا لفاه {.. (البر) ..} خير
والفشل ..} يسكن ف جلبابه على مر العصور


مل منه [ .. الكون والساعات تشكي للحصير
و[.. العمر يشكي وجوده قهرررر والدنيا تدور


يا بن ادم {{.. لا تحسب أنك على غيرك كبير
حدك ف دنياك [دينك] والوعد يوم النشور..}}


ربي { } اجعلني من اللي يعمل وما يستجير..
غير {وجهك} يا {عظيم الشأن} يا ربي {الغفور}


محمـــــــــــــد بن مــــــــرزوق بن ضـــــــحي

[محمد بن ضحي]

جديدي//

لا اجيد العناوين

ولكن:

قالوا الزمن عااايب// ولا فيه احساس@..@قلت الحقايق باينه مـــن وميضه


العيب ماهو في زمن عيبه ( الناس!)@..@العيب من هلّي يهلّـــي حضيضه


مدمن على:(الافلاس والذل وخياااس)@..@يشفي غليله بـــسّ نفسه مريضه


عبد ن فقير وحالته دوووووووم تحتاس@..@ساحة ذنوبه وش كبرها عريضه


م اكبر فلاها ما روت روض الانفاس@..@تعطش م دام الذنب يـــزداد فيضه


يدري بأن خاْطره وسواس .. خنّاس@..@رزمة قرابين المعـــــاصي تريضه


عكسه فقير يخاف ربه بلا (قياس..@..@مثل الطّفل خايف على كيس بيضه


يستغفر الله .. ليت هالذنب له راس@..@يضرب عليه بفـــــاس تقوى غليظه


يستغفر الله .. عدّ ما هب نسنااااس@..@واهتزّت اغصان الشجر من نفيضه


يستغفر الله .. عدّ ما قالوا النـــــاس@..@الله واكبر في صلاة الفـــــــــريضه


محمد بن مرزوق بن ضحي

[محمد بن ضحي]

المستحيل

صوتية:
http://www.alsultanah.com/voices.php?action=show&id=1516

مقرؤه:.

في حلم عايش بي ومحتاج اشياء
اشيـــــــاء تعنيلي ورغبات عمياء
.
.
محتااااااج اطفو فوق بحر التّعابير
واصنف افكاري على كيف ما شاء
.
.
امشي (معاكس) فالهوى كل تيار
عكس السمك ميت وتجرفه الانواء
.
.
وانحت مواقف للملا ف اوجه الصخر
واشخبط الزلات بايدي علـــــــى الماء
.
.
ودّي اكون النجم .. (ناهج ومنهاج)
طاااااف وسنا زوله تناظره الأحياء
.
.
الابتسامة تختصر لي مشاويـــــــــــر
والبال شارع .. لكن بدون ضوضاء
.
.
اسعى وربي هو تكــــــــفل بالأرزاق
حامي ولاني مرتقب شوط الاحماء
.
.
اركض مع أن الوزن ذا ما اتمناه
والهرج من حولي وبي أذن صماء
.
.
عندي مناعة واجتنب كــــــــل لمّاز
عشقي جهاد النفس ومعالج الداء
.
.
استاذ نفسي عندي خطوط حمراء
اشطب من القاموس تكرير الأخطاء
.
.
المستحيل ف عيني انسان (ميزته)
أنه يقاوم رغبته وقت الأغــــــــراء
.
.
لا جيت ابني فرقة ن فالها الفوز
اختار لي ناس ن يحبون الأعباء
.
.
واصعب رجل ماني بقدرة تحديه
اللي يقهر الياس ويصد الاغواء
.
.
ادري بأني مستحيل الطموحات
خيال فكري حلق فكل الأجواء
.
.
عادي واطلق خيل عزمي بلا سرج
ايهيج في سيح الصدر وقت ما شاء
.
.
ما دام غيري صار والله لا اصير
قناعة أن الحاء جا بعده الخاء
.
.
المشكله حورتها في الملمات
انها (تحدي) والملذات اعداء
.
.
رايق شعر مع أن فكري تراوده
نساء أفكاري عدد ذكر الأسماء
.
.
لولا الفشل ما كان لي فالنجاحات
لولا التعثر .. ما تبينت الارجاء
.
.
من كثر م اتعثر جمعت العراقيل
واهي سبب مقنع لتسليط الاضواء
.
.
حتى الفقير اللي فعينه طموحات
(اعلّمه يملــــي جيوبه بالاشياء)



محمد بن مرزوق بن ضحي

[محمد بن ضحي]

.. مطمع العرسان..

على هام السّحب نرقى ونبصم بصمة العرفان
لجل ارض ن حوتنا بالسّعد والرب حاميها


بلد حشمه ونامــــوس المفـــــاخر تجبر الأوزان
تسيّل هـ القوافي لــــين ما تسقي فيافيها


موارد للعطـــا والطيب والنخـــوة ورفع الشان
أبد ما تنضب أحواض المفاخر لو بنحصيها


بلاد ن كنها الجنّــــة شواطي خاشمــت وديان
تسوق علوم داخلها و عـ الساحل ..تغنيها


مواويل الفخر ، قصّـــــــــة: سفينة قادها ربان
تهابه موجة الصّحوه وهو يدري خوااافيها


يعلّمنا المـــروّه والشّهامـــه وفالقلوب اخـوان
(ننــاااطح) كل عايل بالوشا يلمس اياديها


نعم قابوس تفخر به المكارم يوم زان عمـــــان
ولبّسها وشـــــاح العــــز قاصيها ودانيها


نعم قابوس حلحيل ومحنّك صيرمي سلطــان
تعلّى عرش أجداب الفكـــر وأنبت روابيها


نعم قابوس لي يحصد مزارع خبرة الازمـــــان
ويــزرع زينهـــا فـ أجيال والشينه يمحيها


نعم قابوس لو بجمع خصالك لين ذكــــر الأن
حرام ان ما بوفي دمعة الفــرحة يا كاسيها


يا قايدنا لهام السحب ودي ابصم العرفـــــان
وامغي للوطن حنّى القصايد وأنت حنيها


عمانك سيدي أجمل عروس ومطمع العرسان
وأنت المعـــرس اللي جزّر أيامـــه يداريها


لأجل هذا فدتك ارواحنا شيب ونسا وصبيـان
مـ غير تـأشر بأيدك حشـــيم وما نوطيها


بقلم:
محمد بن مرزوق بن ضحي

[محمد بن ضحي]

http://im15.gulfup.com/2012-01-04/1325673941351.jpg (http://www.gulfup.com/show/Xb21okvqkbex)

جديدي//

ادري يا هايم ما نفع معــــك ودّي
دام السّنين اللي احتوتنا مآسي
:
ازرع وتقطع .. لا .. وصل معك حدّي
خلّك سماد الحبّ لا تكون فاسي
:
ودّي بقربك بس اخطيت ودّي
يوم ن رسيت ف مظلمات المراسي
:
غاصت عيوني في ظلامك وخدّي
صفعة يمينك من وجعها يقاسي
:
لاول أشبه طيب قلبك بسدّي
لامن ضناني الشّوق تسقي حواسي
:
كنت .. الوفا يفزع ف كربي وشدّي
كنت .. الأمل بالايد يمسح ع رأسي
:
بس شفتني تايهـ وأشر ب بيدّي
سقت المشاعر كل أبوها تكاسي
:
ضاعت ثواني العمر كلها تفدّي
فصل وبلبس وأنت أدرى بمقاسي
:
وش له تماريني كأنا بتحدّي
ترا الحياه ماهي بلعبة كراسي
:
انته معاي اليوم ..؟؟ ولا انت ضدّي..؟؟
يا مدعي للطيب والقلب قاسي
:
تدري بحبك كان جزري ومدّي
تدري ولكن ع الخيانات راسي
:
لا فدوتك عيني ولا بعد جدّي
روّح عساها تحتويك المآسي


محمد بن مرزوق بن ضحي

[محمد بن ضحي]

جديدي//

http://a1.sphotos.ak.fbcdn.net/hphotos-ak-ash4/s320x320/399776_339909409362577_100000305637073_1126021_584 372827_n.jpg

هــمّـهـ

لا للقهر .. والذل ؛ بحرق دمّه
لا قلت ؛ ماني راجع بأقوالي..!!

(الأجودي) زاين بزين الذمّه
محفور فعله: الأولي والتالي

والا (الذميم): ان ذمني؛ ما اذمّه
اجر ولفاني .. من قفا عذالي

يا ناس: بعض الناس صارت: "رمّه"
دبّت .. وتنهش في عرض آمالي

اللي نوى بالشر ؛ خير يخمّه
ربّي (حكيم) ونيتي أعمالي

ربّي (حكيم) وخاطري (ما همّه)
مؤمن بأن: "اللي يكتبه جالي"

كم عاذل ن فجر (سكوتي) غمّه
كم (انتكاسه) ارفعتني عالي

كم هاجس ن (واهي) قدرت ادمّه
يا كم أنا دمّيت .. خيّب فالي

بي "همّه" تناطح سحاب الأمّه
و"رياح عذلي" م قدرت ع جبالي

اللي يبي "قدام" مش بكمّه
دمع المواقف والزمان الخالي

واللي يبي "البيرق" عرقه يشمّه
موتي ولا حرة كلام رجالي

واللي يبي "أمه" خذوه لأمّه
يمكن معاها ما يهاب العالي

محمد بن مرزوق بن ضحيّ

[محمد بن ضحي]

https://fbcdn-sphotos-a.akamaihd.net/hphotos-ak-prn1/562565_378967998790051_100000305637073_1215170_492 872860_n.jpg

https://fbcdn-sphotos-a.akamaihd.net/hphotos-ak-ash3/548998_319729448094132_100001712378949_941204_5212 04445_n.jpg

(أنتي وأنا)

ماني وحيد وكلّ ربعي حواليّ
نهبش (سوالف) ونْتقهوى (مَسرّه)

وأنتي وَحيده رشّي أفكارك بميّ
يمكن تطفّيهـــا بعد كلّ حرّه

كنّا .. أنا: أنتي // وأنتي: بن ضحيّ
واليوم حرب مفارقك مستمرّه

لوداعْ يا (شجرة هوانا) إلى الفيّ
شايم مـ دامك تثمرين المضرّه

كنتي يباس // وقلت: يمكن مع الرّي
ينقض (أمل) لو ماي عطفي اغرّه

قمّطتْ (وصلك) طفل و ارخيته الطيّ
والحين شايب ما لقى من يبرّه

لنّي سقيت الليل من جرّتي (ضيّ)
وانتي كسرتيْ بـ ليلنا ألف جرّه

يا ما كويت ثياب سترك بيديّ
يا ما عـَفسْتيْها على حين غرّه

يا ما طرحت (الصّعب) واجبرت رجليّ
تدعس على جبهته كره وفرّه

شوفي أنا (الطائي) بحبي وكل شيّ
وأنتيْ الفقير الّي عطيته وتشرّه

كل ما ازيد بمدتي زادني غيّ
واوضاع غيري للأسف مستقرّه

خلاص مالي فالعشق بفصخ الزيّ
يلّي تفردنا بـ لوله ودرّه

علّقت ماضينا على غافة الحيّ
واحجار غيضي بالخوالي تفرّه

وأنتي كما أنتي .. وآنا بن ضحيّ
والقلب منك اليوم يكفيه شرّه

أبدعت في رسم الوفا ع الرمل حيّ..!!
وألفت رياحه بالمفارق تذرّه

محمد بن مرزوق بن ضحي