ديوان الشاعر ( أحمد المغربي )

[أحمد المغربي]

http://t2.gstatic.com/images?q=tbn:ANd9GcTEJ9ZPqBBkJ6VtqKsYytwISWxs0guMG 4EDbQhV9lGF_JqA1M9v


فجأة \\ بعد ضيق العتب فالمحاني..!!
ـــــــــــــــــــــــــــــ زادت سواليف الجفى في عيوني

من يوم ماغابت عليك الأغــــــاني
ـــــــــــــــــــــــــــــــــ خليت في نفسي دقايق جنوني

أشعلت لك صدري وأنادي عشاني
ـــــــــــــــــــــــــــــ أطفيتي شمعاتي وأنا في طعوني

كم ظالمن عانا غضب في ثواني
ــــــــــــــــــــ وكم عاشقن يبحث عن أسوء ضنوني

قدمت لك دنيا على شكل ثاني
ـــــــــــــــــــــــــــــــــ بس المصيبه ماتحملت عوني

بعض العتب لامن تعدى ثواني
ــــــــــــــــــــــــــ يرجع على الفرقى وحلمي تخوني

غابت فوانيس الندم في زماني
ـــــــــــــــــــــــــــــ مديت أغصاني وربعي إحطبوني

ضاقت على يأس العمر هالمعاني
ــــــــــــــــــــــــــــــــــ حطيت في درج الأمل لاتكوني

كنتي وكنتي للمحاني أماني
ـــــــــــــــــــــــــــــــــــ غبتي وغبتي ثم تعديتي كوني

حتى سؤال لعمر : أحمد تباني؟
ــــــــــــــــــــــــــــــــــ ألقى عيون الرد عايش بدوني

ضاعت ثلاث سنين والهم باني
ـــــــــــــــــــــــــــــــــ أكبر مدينه بين أصغر حصوني

مدري عسى هالروح تنسى مكاني
ـــــــــــــــــــــــــــــــ وإلا أشيل الثمر وأكسر غصوني

أدري بعد ضيق العتب ف المحاني
ــــــــــــــــــــــــــــــــــــــــ أفقد غلاتك ثم أبدى جنوني


أحمد المغربي

[أحمد المغربي]

قــبر الأمــاني

صباحك ينثر ( خيــوط الفــجر ) من فرحتك بسكــات
يجي باول شعاع الشـمس يشرق قلـــبك احساســه

يقلّـب ( دفــتر جروحــي ) ينــادي قلبــي بــ هقـــوات
يزيــد [كســـور إحســـاسي] يدور ضــعف أنفاســه

أنــا مـــاقـد خــبرت إنــك كــريمة حتــى بالطعنــــات
حشا ماني على خبرك [نزيـــفي] ماعرف ساســه

عــروقي داخـــلي "تــذبــل" بكثر الحزن والـــزلات
وصدري ضايق(ن) كنه "رجــل" غارق بإفلاســه

تــعالي واجمــعي ذاك (الغــرام) الممتــلي كــذبـات
تعــالي [ورسـمي جروحـي] على أوراق كراســه"

تعــالي وحـاولي بإنـك تزيـدي [هالجـفى] رسمــات
تفســـر كل تفاصيلــه وســط "أشــلاء قرطاســه"

"يتيمــة" فرحتـي لنّـك تحبـي (ترشــفي أوقـــات)
مـن أيـام الزمـان اللي يصافح "نفسـه إنعاســه"


بكى حتى [الرصــيف] اللي جلست بقربه لساعــــات
أدور عن "رغيف الخبز" وجوعي عاش في ياســه

شــعوري بالألم أهـون مـن إنـك تكـثري صدمــات
تبعثر كــل ملفات الغرام فــ (وســط هوجاســه)

أجي كلي مع "فصــل الربيــع" أتخــيلك ضحكــات
تــوزع ورد في ]قــبر الأمــاني[ وضاع نسناســه

أنـا مـن هو عطـاك "الجــلد" في فصل الشتا وقفات
لجــل تدفــى وسـط برده محــال تحصــل أجناســـه

صــبر وش هو نهــاياته إذا كــان العــمر ظلمــات
يحــاول ينتصــر لكــن يــلاقي الفــاس في راســه

وش آخر حب في عمري إذا شفت (اليـأس أصـوات)
تجــي تستــحوذ أفكــاري وأنـا من لك وهب كاســه

سكبتي "السم في قاعه"، وقلت أشرب بعد لحظــات
على (آخــر أمــل) قلت أنتشي من سمك احساســه

كتبــتك" قـبل ماألقــى كلامــك داخلــي صفحـــات
قريــتك" بعد ماشــفت العمر قد سافروا ناســـه



القصيدة بالصووت
http://www.4shared.com/audio/eu4Ekuv7/___.htm

أحمد المغربي

[أحمد المغربي]

أمممممممممم
أعوود من جديد لقلوووبكم .. فقط كي أبقى بالقرب

قصيدة عاطفية .. تابعوا مابداخلها !!


فصــــــــــــل السعـــــــــــادة

إقترب فصل السعاده ثم سرى فيني حنينه
ترجمت كل المشاعر تجربة إحساس ثاني

إسمعي نبضات قلبي جاوبي صرخة أنينه
شوفي الأشواق تبني لجلها سور ومباني



إجمعيها ثم تعالي وأسأليني الحب وينه
والإجابه هي حنيني يكتبك أجمل أغاني

شوفي إحساسك لقلبي مانويتي تسألينه
يا أحبك أو أغادر لجل ماأبقى مكاني

وأنتظر قلبك يدور أي أحد يمسك بدينه
أتركي كل شي عشاني لاتقوليلي أناني

الجروح اللي تجيني مالها أية سكينه
والقصيد اللي كتبته لجلك حروف وأماني

مابقالي غير حلم وصخرة الذكرى الحزينه
كسرت كل الضلوع اللي بقت داخل كياني

يومها صمتي أسرني وأمسحت إيدي جبينه
غادرت مني مشاعر وأتركت فكري يعاني

لاتخليني لحالي أسمعي شي(ن) تبينه
لو أحبك ثم أحبك وأجمع بكل المعاني

مابلاقي غيرك إنتي واخذك لجلي سجينه
طالبك كوني ف قلبي قبل ماينفذ زماني

وأنجبر أبعد واوآدع كل هالحب وسنينه
لك أنا كلي حبيب وظلة الحب وحناني

مابقى إلا خيالي ينتظر منك تجينه
ياتبيني أو أسافر وابني لقلبي مباني

أحمد المغربي


وهنا بالصوووت:
http://www.4shared.com/audio/JZDKfZIO/___.html

[أحمد المغربي]

نويــــتي تبـــعدي

نويتي تبعدي فجأة ولا أدري وش اللي صار..
نوى قلبك يخليني على باله بينسيني..

يبي ينسى مدى حبي يبي يتجاهل الأقدار..
خلف وعده نسى ودي مصر إنه يخليني..

تباعدنا وأنا أدري بأنك تعشقي الأمطار..
ولا يصبر أبد قلبك من الغيم اللي يحويني..

أحبك .. بس حبك لي مثل ظلة تحت أشجار..
أخاف أجلس تحت ظلك وأشوف الشمس تأذيني..

مثل شارع..مثل وادي..مثل سكه عليها قطار..
أخاف أمشي أنا ف حبك وأحس الموت يناديني..


إذا شفتك أنا صدفة أحس بداخلي إعصار..
ينادي كل من حولي ويحرك كل مافيني..

أمانه يابعد عمري أبي حضنك لغيري نار..
وأبيك تكوني لي جنه وزهرة في بساتيني..


أبيك تكوني لي وردة وأنا من حولك الأسوار..
أبي أحضن دفى جسمك وأحس حضنك يدفيني..

وإذا شفتك بعد لحظة أحس عقلي عشانك طار..
ويبدأ الشوق يلعب بي وأحس إنك وحشتيني..

يمر اليوم وأنا أحاول أمني نفسي بالأسحار..
يسيل الدمع من عيني لهيب الشوق يكويني..

يزيد الشوق بي ويكبر وأحاول أمنعه بإصارار..
لأني صرت من بعدك جسم والقلب يحييني..

كفاية أرجعي لحضني ترى صدري بدونك ثار..
كفاية مابقى بعدك ف جسمي شي يشفيني..


أمانه يابعد عمري أبيك ترتبي الأفكار..
ترى حبك بدى يكبر وأنا محد(ن) يواسيني..




هنا القصيدة بالصوت ::

نويتي تبعدي :::
http://www.4shared.com/audio/ku_AxH7q/___.html

[أحمد المغربي]

حقيقـــة حلــــم


كم نسيت الحال في عز المقابر
وأمتلا جرحي ظلام وحال بور

ليه كل ما جيت أستانس أخاطر
في طريقي بعد ماعشت ف زهور

هي حقيقة حلم في أضلاع شاعر
سلهم الفكر ونسى حلمه يزور

مقبرة فكره بعد ماكان ساحر
يسرق الحاضر ويهدم كل سور

أبتسم حزنه ونادى وين سافر
ترجم الماضي خياله "لا حضور"

أستضاف الهم في حلقات خاسر
وأكرمه قهوة أماني ثم شعور

وأستقال ف ملحمة مليون صابر
وأمتزج دمه معا دفتر يثور

هو كذا حال الغياب إنسان كافر
ينتظر لفراق بين أرقى سطور

أستفاق اليأس في إنسان ناطر
تجربة شاعر ملا شعره غرور

وأستمر حاله "هنا" إحساس غادر
من مكان الوهم إلى سكة شرور

ليه كل ما جيت أكتب حب فاطر
ينتج المجموع "لا يوجد سحور"

هي كذا حال الحياه أسوء مخاطر
كل شي له تذكرة لجل العبور

سلة جروح ف عروقه هي تذاكر
يرحل ف أسوء حزن لا مايدور

ينتظر لحظة أمل " تذكار شاطر"
يبتعد لآخر زمن (حب وسرور)

مالقى غير الحزن والهم شاغر
والفرح محجوز في أبسط أمور





والقصيدة الصوتية هنا (http://www.4shared.com/audio/QUp7Oz8s/___.htm)

[أحمد المغربي]

صـــدر الغيـــاب



حملتك هم في [ظــهر الأمــل] وأتنفسك نسناس

جروحك للأسف وسط الظلوع وحب تحيابه


زرعتك ورد في أرض الجفاف ومانبت أجناس

نبت نفس الظلام اللي غشى صفحات مرتابه



لمحت أسمك على (صــدر الغيــاب) وحال بي وسواس

قــطع حبــل الغرام اللي يــواسي دمعـــة غيـــابه



"على الساحل" أجي أسأل أمانه وين هالجرناس

يجاوبني وهم طيف الرمل ماراح تلقابه



على وقت الغروب أودع أسباب الندم لاباس

ثمل صوتي من غيابك على أمواج تتشابه



آلا وين الحنان اللي مليته في حنايا كاس

شربته لين ماداخ الغرام وقلت أرضابه



سمعت الحسره من "صخرة أماني" تستر بهالناس

أمر وحالتي حاله وأقول الهم وش جابه



صدى صوتي يجاوبني يقول الأرض ماتنداس

حبوب الرمل تتألم نست الأصداف ف كتابه



ضحكت ف وسط أحزاني وأنا أستفقده أنفاس

أجل وش حالتي تبقى إذا ماشفت ألعابه..?!



تسليني بعد ضعفي وأرد أستقبله أجراس

لأن جسمي بدى ينحل ولا يكفيني جلبابه!!

[أحمد المغربي]

حفلة جروح

وطن كانت حضاراتي تعيش وتغلق الأبواب
رسمت الفرحه في ذاتي بعدها كم رسمت بحور

بدت تغرق ملفات الفرح وأتمالك الأعصاب
بدت ترسي قوارب هالحزن في داخلي وتزور

مساحات العيون اللي تفيض وتغرق الأهداب
تبدد داخلي ذاك الظلام ومابقى بي نور

طفى حرفي وسط جرحي وانا أصرخ وش الأسباب
هجر فكري أمل وصلي بنى فيني الوهم ديجور

بدت حفله من أوجاعي تسابق خلفها لحباب
لبست الهم في نفسي وقلبي كم غدى مخمور

نعم هزيت لك جذعي/ تساقط طفل بي ماشاب
زرعت الشيب في نفسه/ وهو في داخله مكسور

دخيل الزهر وأنواع الغرام وصالة الأصحاب
تمر يم المكان اللي إنكتب فيه الحنين سطور

دخيل الحب واحلام الأماني وقلبي المنصاب
قبل ترحل أبي منك تحطم جسري المبتور

لأني عارف أحكام الزمان اللي بها أنياب
تعاود تجرح أنفاس الأمل في صدري المهجور

نعم مبروك لك خاتم ذهب في صبعك اللي ذاب
أناديلك غصب عني هنيالك بدون شعور

رغم فصل الجروح اللي بقى في داخلي ماغاب
رغم كل الطعون اللي رست فيني ثلاث شهور

أجيك أحمل (طفل حلمي) ذبيح وداخله أغراب
وأقول وداخلي غصه/ألف مبروك لك مجبور

أجيك وفرحتي ماتت وحزني زاد بي ماطاب
بنى فكره من أنواع الجروح اللي بنت له سور

حسافه زادت أوجاعي بعد صدمة أمل كذاب
بقى هاليأس في ذاتي يتابع قصتي بسرور

لبست الهم في حفلة جروح وماضي(ن) بي خاب
خلعت الصبر في رحلة أماني عايشه ف قبور

أحمد المغربي

[أحمد المغربي]

ياقلب لا تحزن إذا ضاق بك ليل

الصبح يطلع من بعد ما تركتــه







أدري دقايق هالعمر هدت الحيل

وادري تزيد أوجاع شعــــرٍ كتبتــه







مالت غصون الهم وأحلامي تميـل

في وسط صدرٍ للأســـف ماعجبته







أجمع شتــات العمر وأحزاني تسيل

كلمــا جمعت أوراق عمـــري خسرته







مازاد جرحي غير كثر المراسيــــل

تهدم جدار الصمــت وأقــول : وقته ؟!







يمكن حنيــن الشعر فيني تمـــاثيل

لكن يحرك داخـــلي ماقتلـــته







حفنــة حروف تمــد أشغالها طيل

ذيك السنين اللــي نست مافعلته







من آخر أوقات الشقى والتعــاليل

أذكر هنــا شخصٍ خسرني وعفــــته







ياكثر مايهدي لقـــلبي تراتيــل

أفراح بسمــة حب فيـــني حفظته







من كثر ما يسمع من الناس هالقيل

قرر يسافر من فضــاي وطلـــــقته







دارى دموعي من على الخد منديل

كلما يجف شوي عيـــني عطتــه







يخنقني الواقع .. ويبكي عليّ جيل !!

هشم قفص صدري (طفل) كم ظلمته





وأشوف جرحي صار للهم قنديل

كلما يزيد الهم بيدي شعـــلته



أصحــى على بكره جروح ومواويل

تقتـــل وجودي بين حاضر كسبــته



مادام حظـــي صار للغــير تقبيـــل

ماهــي غريبة لنســـرق شــي ملكته



إنســد مأرب فرحتــي وزاد بـــي سيــل

إمــن الحزن يروي حصـــادٍ زرعـــــته





وإن مرت الصدفــه على ثنين إبريل

أتذكـــر أيامي لغــالي فقـــــدته




مدري أخلينــي على الحـــب تظليــل

وإلا أزيـد همـــوم كل شــي ذكــرته




مادام عقــلي قادر يحـــط ويشيــــل

باااذكــرك بطمــوح فينــي خـذلــته

.



.



.

يا شين ذكرى تحمل أقسى التفاصيل

دامـــك ملكـت إنسـان بيدك ذبحـــته




لو كنت أدري القــلب يسهـربك الليل

كنت إعتـذرت وقلــت: قلبــي قفــلته











أحمد المغربي

[أحمد المغربي]

لاتلعني حظك


لاتلعني حظك .. ماعدت لك ( أحــــمد )

..



مدري متى نبعد .. دام العمر يمضي ..



من عاشنا غيرك .. حلم وسحاب وكم ..



.....



تتذكري..



غابت دقااايق هالعمر ..



والحلم يكبر داااخلي ..



وينك ..؟؟



كلي تسآآآءل داااخلي ..



مدري إذا عشت بعمر ..؟؟



ذاااك الظلااام اللي إنووولد ..



صحت إبتعد..



ماعااادت أيااامي أمل ..



يأسي ثمل .. نوري بطل .. شعري كسل ..



ماعااادلي غير الصووور ..



مدري متى...؟؟



ذاااك الخريف اللي إختفى .. يرجع يلملم مابقى ..


من حلمنا .. أو كلنا ..



مدري متى ...؟؟



....



لو تذكري .. كنا هنا ..



صرنا تعب ..



والهم يرسي ف الضلوع .. اللي تناااديني إختتفى ..



إتصدقي ..\\ غبتي.. \\ وأنا ماهمني غير العمر ..



كيييف أستمر ...؟؟



وأنا بدوونك ماأمر .. لأنك تذاااكر هالسفر ..



أبسألك ..



شااقووول لك .. لو عالمي أصبح يتيم ومنزوي ..


أبذمتك شاااقول لأغصااان الزهر .. شاااقووول لأحلام العمر ..



والكل يسأل وينها .. وأنا بدووونك .. منعزل .



لأن الشتا أصبح يصب فهالجسد ..!!



شلتي دفى جلدي وأنا .. أسأل متى يبدى الهنا ..؟؟



مدري متى ...؟



ضاع العمر ..



عشنا القدر ..



ياحظ مدري وش حصل ..


صغت الجروح ف غيبتي ..



جيت وأماني غربتي ..


تبحث .. عن أحلام الزهر




وينك تعالي وأجمعي في أصدق أبياتي جنون


كلي فداك أدري ولكن لي متى هذا الجفى




ماطقت أعيش أيام عمري داخلي , أدري يمون


لكن تمادت غربتك , رحتي وناديلك كفى




عودي لصدري وأجمعي أحلا طيوفك ف العيون


لنّ الأسى في غيبتك يبني , وتفكيري إختفى





هذا أنا .. في غيبتك ..




عيشي حياتي لك وأنا راضي .. تعالي وحضني ..




كلي فدى صدرك ولكن أكتبي لآخر مدى:


إني أحبك


ثم أحبك


ثم أحبك


ثم بدى



أول أمل في داخلي للحين يذكر هالصدى




كلي بكى لين أختفى ذاك الربيع اللي شكى



كلن سألني وينها ..؟ ماشفتها ..؟



إلى متى .. ؟؟ مدري متى ..؟؟




غابت سنين وفرحتي تكتب على آخر سطر


"ماعاد لي في هالزمن إلا ثواني ثم أموت"




شعري تسطر وإختفى


شمعي تدهور وإنطفى


حلمي كبر لين إكتفى




ياوقت يكفي مابقى إلا الحزن وسط الشتا



والكل يسأل


( وينها..؟ )


حتى عصافير النهار..!




أدري تطول فهالمغيب.. أدري ولكن لي متى..؟!


ذبلت بساتين الأمل والهم يهديني إنهيار..!



غابت وحلمي قد نسى .. أول تفاصيل اللقى ..


ماعاد لي في قربها إلا بقايا شمعةٍ




طاحت من إيدي وإحرقت .. أجمل دقايق بيننا ..
طاحت من إيدي وإحرقت .. أجمل دقايق بيننا ..
طاحت من إيدي وإحرقت .. أجمل دقايق بيننا ..





أحمد المغربي