ديوان الشاعر ( ياسر الغانم )

[ياسر الغانم]

السلام عليكم ورحمة الله وبركاته

إسمحوا لي بأن أضع أول قصيدة بين أبيديكم وعسى أن تنال إعجابكم




شينفع أذكر الذكرى وذاك الباب لي سدّه=تركنا وغيّب المفتاح وصرنا كان يا ما كان

يا ويل الحال من صبّه صدع هالجدع من غدّه=مع إني جيت له إنسان مثل نار الغضا وريان

دخيل الوقت والأنفاس وهذا الوقت من عدّه=سنين البعد والحرمان تخلّي هالغضا كهلان

عصر يا ما نظرت إوجوه فجر في جمالها ندّه=مسا تضمر ويحقد طير ظَهر من شدّته ظمآن

وانا ما قلت له حبّي فعينه يحتضر خدّه=كثر ما للسفن آيه ومرسى ضمّها أزمان

عليها كل تحياتي... أبياتي مع الصدّه=لأني ظلّها القابع وراء هالظلّ لي فرحان

شينفع أذكر الذكرى وحلمي هالزمن هدّه=وش اللي باقي ٍ فيني مدام إنه كذا عميان

حسافه يتضح همّي ويبلع هالوقت ودّه=أونّه يقطع النخله وتبقى رعشة الفنجان

حضنتك يا ثرى أرضي سحابه تمطر بشدّه=كثر ما للجزر مدٍّ يجي يمّ الثرى ولهان

كثر ما للصبر حدٍّ (ف) هالألوان ممتدّه=ويعني ذا أبنبش في كتاب الحب والسلوان

يا عيني ليه ما تبكي مدام إنه كذا بدّه=يناظر فيني الدمعه واحس الكون ذا أحزان

تبلور داخلي يسْره كثر ما للوقت جدّه=يضم أشياء (ف) شيائي يلاشي موطني نسيان

وأنا أهمس لذي التربه أكيد إن المحب حدّه=مدينه بس.. لها رمح ٍ وجرح ٍ ما عليها فان

أكيد إني على اللقيا كذا أبكي فرح مدّه=سكنتك دمعة المنفى وبرق ٍ حنّ للأوطان


ياسر الغانم


:f0000:

[ياسر الغانم]

لكم مني هذا النص بعد الغياب

عسى أن ينال على رضاكم




مسجدي إن صان عهدك من سنين=يا للأسف حنّا هنا نروي دهر

لوحة زمن لا لامست ليلى يمين=عمري هدر ما بين ضمّه والكسر

أستغفرك ربي كذا طارت لوين=زهري قطف كل دمع قطره في عمر

المسجد اللي لا بكى يمّي حزين=هذي دموعه تصْرخلّي يا بشر

من زمّلوني... زمّلوني هاك دَين=من بعدها ما صابهم جرحي غدر

لو ينجبر فكري مثل كسر اليدين=ما إنْتَكس هالحال عاله من شهر

لكنّها من يسمعك غير الدفين=ما شفْتَهَم للشعر كل واحد شعر

حتى القصيده أصبحت فيني سجين=أي رمزها ما عاد للسامع أمر

من يومها صاحت لنا خدي يبين=وش لي بقى من هالدّنا إلا الصبر

يا للصبر منك عذر في دمعتين=أو للعذر منك صبر دمعي همر

كل ٍ كتب ما جاه في سطر ٍ ولين=وحْنَه على قوله محد فينا بهر

يعني (سعد) مالك زمن في حالتين=دامه هنا عله سهم ما يستتر

وان كان شعري ذا رحل في ساعتين=مقوى أنا إلا عتابي للبحر

يا لشّعر منها حزن صبر ٍ يهين=(غبرا وداحس) أنثرت حالي قهر


سلامتكم

أخيكم
/
/
/
/
/
/
/
ياسر الغانم

[ياسر الغانم]

:f0000:
:a.3t3leq-ktabe12:

كم قلتها يابوي ما فات هالفوت
كم قلتها إن عشت بعْلن (ف) غدّي

إن بان ما دحرجت بالأمس ممقوت
جِدّي غدى ما بين هرجي وحدّي

وانته تقول الله يا ولد هالكوت
ما هرجنا إن كان ذا الأمر عدّي

دمع الحقيقه فاض يا (صاحب الحوت)
إن كان ما أنكرت فعلي (ل) ودّي

قل لي وش اللي أجبر حسين (ع) الموت
وحْنا نقول حسين بالله هدّي؟

عقبه وش اللي صار في بخت مكبوت
ما شفتهم لاقوه بالحسن صدّي؟

هم يضربوا هالصدر مع راحة التوت
وحْنا نسوق الدم بجزر ٍ ومدّي

حتى تلاقى في سمانا بتابوت
مكتوب من أوّل على ذيك ردّي

أستغفرك يا دين إن صرت ياقوت
لجله نبيع الدين والناس كدّي

ما فادني هالصمت مع بحّت الصوت
إلا سرايا عين في شيب جدّي

كم قلتها يا بوي وانته لها سكوت
باني أسير الجمع في الجمع شدّي

فضّلت صعلوك ٍ غزى وقت مبهوت
ذيب الجماعه وان عوى هيه ندّي

فصّيت راسه من على راس منحوت
هذا جزا رمح ٍ عشق ماء خدّي

ابنك الصغير

ياسر الغانم

:f0000:

[ياسر الغانم]

عشاني لا أبنفضها أمل في روح من أبكيت = عشانك بس بتروي لك مسا (إف) صبح شيطانه

ثلاث سنين من عشرين فيها الرابعه عيّيت = أصيح الهم معي باكر مواني حب فـــ بستانه

هنا كل الجسد واحد رغم في اختلاف البيت = هنا كل المشاعر في زوايا عقدة ألوانه

تعبت ثلاث من عشرين غير الرابعه سلّيت = حروف الحزن يا (هاجر) عساها عين سلوانه

لإن الرابعه خطره وانا في غيّها غنّيت = ودست العرق لجل العرق كبر فيه فستانه

دعيت السر في حلقك وصحتي أحمد وصلّيت = صلاة ٍ ما بها ركعه تواري دمعتك شانه

يـــ أمّا ذنب آبائي يجي للرابعه أخطيت = يــــ أمّا ينتحر فيني ويبقى هالأرث وااااا...انه





ياسر الغانم

[ياسر الغانم]

السلام عليكم ورحمة الله وبركاته

قد انقطعت لفترة طويلة عن المشاركة وصمت صوما طويلا عن التواصل معكم ومع أخواني الشعراء وما ذاك إلا بسبب ظروف العمل ولحاجة في نفسي لعلي أجد ظالتها قريبا بإذن الله تعالى

كما أرجو أن تنال هذه الأبيات التي سأتركها بين أيديكم على استحسان ذائقتكم الراقية

البارحه نفسي على صوم ميّاسه
واليوم نفس الأمس ما صامها خيالي

ودّها عجيبة ودّ بشوق ٍ كذا باسه
ما هي رذاله إن بعث من سمع حالي

شوقه يغطّي كل خيالي وإحساسه
حتى المدينه حلمها صار جوّالي

بس الوكاد إنها على هالأمر حاسه
إني على خلفان لوني وموّالي

مغدور إن ما شاف شخصي وقرطاسه
المشكله في القلب ما غيره التالي

يا صاحبه قولي لها ما حنى راسه
باكر إذا ما جات بخطب ترى ليالي

إخواني وأخواتي إلى أن ألقاكم أستودعكم الله الذي لا تضيع ودائعه

فتقبلوا مني كل الحب والشكر والتقدير والإخلاص

أخيكم

ياسر الغانم

[ياسر الغانم]

السلام عليكم ورحمة الله وبركاته



أعتذر عن انقطاعي وغيابي الطويل فلقد أصبحت مقلا في الكتابة الشعرية وأعتقد بأن هوس النقد بدأ يأخذ الوقت مني في الأوان الأخير.


اليوم أيها الأعزاء والأحباء أضع بين أيديكم هذا النص المتواضع لعله يشفع لي عن الغياب والانقطاع، كما إني أرجو أن ينال على استحسان ذائقتكم الجميلة والرائعة.


فنجان ضيق


يمّه علام ايدك لــ هاليوم ترجف
عاصم تزوّج واشبك البيت بالبيت


هزّي شعور الجذع يسقط لنا كف
بروّزت حلمي فيه عمر ٍ تربيت


يمّه غدى هالبيت مصلوب في رف
شوفي الشقوق اللي ضلوعي لها كويت


عيّت تأن الآه/ في سمعها الدف
عيّت تصيح العرس / هالعرس وبكيت


يمّه ترى مدري إذا كنت مختف
لمسي شبابي كيف أذّن وصليت


خلـّي العزا قايم ولا بيه صف صف
يروي عجاف التين من بير أبطيت


صبّيت شاي الطيف بالهون والشف
واثره دفا قي جوف اللي ترجّيت


يمّه فديتك لا / تجيبين هالظرف
عنتر هوى عبله ولا جات زلّيت


داوي صدع هالراس من ضيم هاللطف
ضيّق حسامي الأرض وارتزّ يا ليت


وجدٍ ملا هالكون دمع ٍ تأفف
فنجان ضيقه ما حياني إذا ميت


يمّه دخيلك بس / تقولين انكف
ودّي أزف الروح مــ البيت للبيت





أخيكم
/
/
/
/
/
ياسر الغانم

[ياسر الغانم]

نص من ذاكرة النسيان ولم أكن أرغب بأن أخرجه من أدراجي لدرجة إني فقدته فسبحان الله الذي إرادته فوق كل شيء، فلقد وجدته بعد أن فقدت الأمل في إيجاده بجريدة عمان

أجي مع دمعتي شمعه ويبكيها الفجر أتعاب
قفا نبكي على ذكرى حلاتك يا الهوى نصّه

أكيد إن الشعر سوى كذا بأهل العشق أسباب
واكيد إن الشعر سوى حضور قلوب مقّتصّه

كذا نفعل لمن بانا ونشرع للسيوف إرقاب
إذا يبكي العمر غالي هنا جدّي لها خصّه

مَثلها حربها داحس يــ عيني محجر الأهداب
تشوف الوقت ذا راحل حرايب كلّها هصّه

بلى تكبر مقاديري وفيها تنكسر الأنصاب
أبشرع في حكي قلبي عقب مَا انهدم جصّه

وانا ما بين همّي ذا وذاك في عالم ٍ أصحاب
أصيح إن الهوى قاتل وحبي يضمن الحصّه

ألا يا رب يا عالم ذنوب ٍ منها توّاب
كذا جاب الزمن حظي أسير ٍ والهوى بصّه

يجي مع حالتي حاله وجمله نصبها أبواب
مدام إنك نويت الجرح... أيْ.. صارت لنا رخصه

كذا من خلقت الدنيا نهيم في بحرها أغراب
كذا من صارت الدنيا ضياع وصارت القصّه

أحس إن الزمن ينزف ويخلق بالنهار عجاب
ولا منه غدى المغرب تسارع للعشا لصّه

(ألا يا حاديًا للعيس) هل في ركبهم أحباب
لجل يفرح قلب ناصر ويدمع من شطف فصّه
:f0000: :f0000: :f0000: :f0000: :f0000:
:f0000: :f0000: :f0000: :f0000:
:f0000: :f0000: :f0000:
:f0000: :f0000:
:f0000:


ياسر الغانم