هذي حياتي ..

[روح السجايا]

هذي حياتي مخيره فيها بدروب
باعيشها وبعطي وبكثر م العطا
مرت سنين مرورها مر الهبوب
واللي بقت ياليت ما فيها بطى
يا رب فرح كل خلقك والشعوب
جازيهم بغيثن هميلن لو سطى
تدري الغني ما هو بمتروس الجيوب
الله الغني منان خيره بالعطا
الناس هم نوعين وانت أي القلوب
قلبن بياضه يغطي طيور القطا
وقلبن ظلامه دامسن فاق الكروب
محسوب عندي مثل دوسي والوطا
يا رب سامحني على كل الذنوب
غير نفوسن نهجها نهجن خطا
ياللي عصيت الرب ذا ذنبك وتوب
رجلك عسى تنساق للجنه وتطى
أدري انخلقنا مكثرين من العيوب
لكن نوايا القلب هي خير وسطا
بختم قصيدي بذكر انسانن نجوب
صلوا على محمد عسى ما شي خطا