أحمد الحجري
11-20-2007, 09:54 PM
عساها تكون من مستوى المنتدى وتعجبكم ...
ودي بقصيده ترجف الكون وتهزه = ويحول حرفي بين كاتب ونقّاد ِ
وتكون أبياتي مسامير مرتزه = في جوف متغطرس وفي حلق حسّاد ِ
وآصوغ بأبياتي مطاريش مندزه = للغالي اللي ساكن بلب لفواد ِ
للغايب اللي اذكره في كل حزه = قومه وقعده وتالي الليل بسهاد ِ
الصاحب اللي في قليبي له معزه = تسوى بلاد الهند وأمجاد بغداد ِ
لو كان عن درب الخطا ماهو منزّه = ماكنت عديته من اصنوف لعباد ِ
طيبه يخلي الجارحات افراخ وزه = ويسوق ظبي الريم طايع ومقتاد ِ
يشبه جمال الريم في كل فزه = ويروق لي طبعه ولو كان بعناد ِ
كنت آتمنى ارجف الكون وآهزه = وآصوغ شعر(ن)ماله أشباه واضداد ِ
لكن وصوف الغالي صعاب معتزه = ماتنوصف بالشعر وحروف م الضاد ِ
وسلامتكم
والسموحه ع القصور
ودي بقصيده ترجف الكون وتهزه = ويحول حرفي بين كاتب ونقّاد ِ
وتكون أبياتي مسامير مرتزه = في جوف متغطرس وفي حلق حسّاد ِ
وآصوغ بأبياتي مطاريش مندزه = للغالي اللي ساكن بلب لفواد ِ
للغايب اللي اذكره في كل حزه = قومه وقعده وتالي الليل بسهاد ِ
الصاحب اللي في قليبي له معزه = تسوى بلاد الهند وأمجاد بغداد ِ
لو كان عن درب الخطا ماهو منزّه = ماكنت عديته من اصنوف لعباد ِ
طيبه يخلي الجارحات افراخ وزه = ويسوق ظبي الريم طايع ومقتاد ِ
يشبه جمال الريم في كل فزه = ويروق لي طبعه ولو كان بعناد ِ
كنت آتمنى ارجف الكون وآهزه = وآصوغ شعر(ن)ماله أشباه واضداد ِ
لكن وصوف الغالي صعاب معتزه = ماتنوصف بالشعر وحروف م الضاد ِ
وسلامتكم
والسموحه ع القصور